للي عندهم خبره في حكات السيارات

جرب تلميع ناعم مع انه محفورة شوي رش لا ترش نهايا لمعها بنفك بتلميع امريكي وقدر الله وماشاء فعل

مادامها في الصدام خلها ولا حط عليها بوية نفس اللون تلقاها في محلات قطع الغيار
تجي زي الطامس

توقعت انها في البودي ولا حكه جامده 

الرابط اسهل 
http://www.m5zn.com/newuploads/2013/03/22/jpg//m5zn_268822d0908850f.jpg

من الصورة يتضح انه يجب تصبغ الصدام مرة ثانية في حال كانت البوية لؤلؤي لان يبي لها اساس ومشوار وقلة حيا
لو البوية سادة حلها بسيط جدا تشتري البوية من الوكالة ولا من الورش وتصبغها عند اي مختص وما تكلفك بس رشة بسيطة وتضبط معك

بسيطه رح سااكو واشتري قلم شخطات زترزح ميه في ميه 

القلم كذبه وسحبوه ساكو من محلاتهم انا دورته في اكثر من فرع لهم ماحصلته ودام البويه راحت مالك الا القلم اللي يجي مع السياره نفسها بنفس لون السياره او تبحث عنه وتسويها بنفسك
او انك تشوف لك سمكري يضبطها لك ب10 ريال يحط خطوط على هالحكات وماتشوف شر ودامها على بلاستك لاتشيل هم اذا على حديد ضبطه قبل مايصدي

اخوي بالنسبه للخط الابيض اللي في الصدام هذا يروح بالتلميع اما القشور السوداء هذي خلها 

لا ترش ولا شيء لين تحس الصدام انتهى من الحكوك لان تخاف بعد تروح ترش ويجي واحد حمار ويحكها

انا من رايي دامها خفيفه خلها ويمكن عين بعد وخلها تزول منها
ولين جا بعدين رشها ما تضر ترا
بالتوفيق

يعطيكم العافية يا آخوان الإفادة وان شاء اول شي بروح الوكالة بسألهم عن العلبة اللي تجي بنفس لون البوية وانا امس رحت ساكو 
سألت العامل إذا عندهم شي يروح الحكات بس قال ماعندهم واذا ما نفعت الوكالة بلمع وامري لله اهم شي عندي انه ما تبقى آثار 

ويعطيكم العافية مرة ثانية إن شاء الله كل واحد رد يلقى بحسابه 10 مليون يآرب 

واذا رحت الوكالة برد عليكم واقولكم وش صار معي 

اسمع يا رجال روح لمحلات الزينة وقله يعطيك ملمع خشن 
تجيبك علبته زي علبة الفول ولونها اخضر ....