مشورتكم في اوبتيما فل كامل 2013

انا معي اوبتيما ماخذها من الشهر اللي فات نص فل بدون بانوراما  للأمانة لم أواجه اي مشاكل 
غير عزل الهواء رديئ والاسيات مريحة نوعا ما وندمت اني ما خذيت فل 

بالاول شوف المعرض بكم القيمه كاش وشوف الوكاله
الحين كيا عندهم عروض بس اذا انت قطاع خاص بيقلقونك بمعرف (كفيل) كاننا هنود عندهم مع ان بعض الوكالات والبنوك لو تبي تاخذها مايطلبونك كفيل وغير كذا يطلبون دفعه جامده خاصه اذا كانت فل الفل

وشكلها اهي جبار ما شاء الله والاخوان يقولوا رساوتها واستجابة الدعسه بعد حلوه بس القطع كوري واكيد بتكون غاليه نوعا ما بس لاقدر الله صار فيها مشكله بعد الشراء انشب بحلوقهم (كيا) لاتعطيهم فرصه لان صيانتهم مامدحوها لك عليها شوي


والف مبروك مقدما

نصيحة لوجه الله خذ مازدا 6 فل كامل مواصفاتها جبارة

اسعاااار القطع غاااليه
وعزل الهواء تعبان 
والداخليه غير جميله مثل الازيرا يعني ما تحسسك انك راكب سياره جميله او فخمه من الداخل
وانا والوالد من مجربين الكوري في أكثر من سياره صراحه حدها 5 سنوات وخلاص تكرهها وتكثر مشاكلها وتنتهي 
اما من الخارج الشكل جميييل جداً والسياره بشكل عام رائعه جداً وأنا لو خيروني بين كيا و تويوتا < حبيبة الشعب 
راح اختار كيا 


ومبروك عليكـ مقدماً

سياره حلوه وممتازه عند ولد عمي ماشتكى من اي شي حاول تاخذ فل كامل

انا امتلك كيا كادينزا فل كلفتني شمعة وحدة انكسرت بسبب دقة في صبات مشروع عشوائي بدون لوحات تحويل ولاشئ فجئة والقى الصبة البلاستيك الحمراء قدامي واتفاداها ولاكن ماقدرت ابعد اكثر نظرا لقربي من الرصيف فخشيت في وحدة كلفتني 2500 ريال بس والله ماني ندمان إني غيرت الشمعة لأنها تجي كاملة LED مع محول الزينون وشمعتة ويكامل لمباته ولعلمك السيارة نعم كورية ولاكن اكثر قطع الكهرباء تجي مكتوب صنع في المانيا

عزيزي ،، الاوبتيما 2011 مع اخوي الصغير ودايم اسوقها الشكل الخارجي ممتاز جداً الداخليه لك عليها شوي عيبها العزل الارضي تسمع صوت الارض فيها ميزه اذا اسرعت يثقل الدركسون شوي اللي معنا نص فل منظر اذا قدرت على الكادنزا فلا تتردد افضل من الاوبتيما بمراحل خصوصاً انهم غيرو شكل الكادينزا