أضف سؤال أو موضوع جديد          

طالب نصايحكم وتجاربكم عن طرق المحافظة على القير

up 4 down 0
fulloption 196
قبل 7 سنه و 12 شهر



السلام عليكم ورحمة االله وبركاته ::

كيفكم عساكم بخير؟!!

حبيت أسألكم عن طرق اللي تساعد على إطالة عمر القير والمحافظة عليه

وهل اذا حبيت اوقف السيارة سواء عند الإشارة او بنزل مكان أعشق بالطريقة التالية ؟::

اذا كان القير فـي D أدوس فرامل أعشق على ال N ارفع الهاند بريك بعدها أشيل رجلي عن الفرامل

وارجع ادوس فرامل مرة ثانية واحطه فـي ال P

والسؤال الثاني هل اذا جيت أعشق ,, أعشق بسرعة ولا ببطء لانه سمعت اذا عشقت ببطء يضر القير لانه اعطيه اكثر من أمر

وإيه صح آخر سؤال الله لا يهينكم الحين عادي اغسل السيارة من تحت في المغاسل ؟!!

ويعطيكم العافية







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اذا كنت تنتظر عند الاشارة وقف على N

اذا بغيت تطفي السيارة استخدم الطريقة الي ذكرتها
"أدوس فرامل أعشق على ال N ارفع الهاند بريك بعدها أشيل رجلي عن الفرامل .. وارجع ادوس فرامل مرة ثانية واحطه فـي ال P "

وكمان اذا تبي تحافظ على القير غير الزيت للقير في وقته لا تتأخر .. واتبع الكاتلوج .. والعادة التغيير كل 60 الف .. وبعض السيارات لازم تغيير الفلتر للقير

هذا الي اعرفه ووسلامتك


up 0 down 0
بسدك 1367
قبل 7 سنه و 12 شهر



يعطيك العافية أخوي بسدك على الإفادة ما قصرت ننتظر رد الباقي على الاستفسارات الثانية


up 0 down 0
fulloption 196
قبل 7 سنه و 12 شهر



ي حبيبي عادي تغسلها من تحت ههههه حسستني اول مره اشتري تماتيگ هههه.   المهم اخوي ضروري قبل تحط القير في pتسرك الجلنط علشان يصير حمل الموتر ع الجلنط ماهو القير واذا كنت بتنزل حطها فاضي وسكر الجلنط وبعدين عادي بس المهم لاتخلي حمل الموتر ع القير واعتقد اني افدك 


up 0 down 0
دوريه 187
قبل 7 سنه و 12 شهر



يعطيك العافية اخوي دوريه على الإفادة،، والله ياخوك اول موتر لي هذا مالي خبرة كثير بالسيارات هههـ


up 0 down 0
fulloption 196
قبل 7 سنه و 12 شهر



يعطيك العافية اخوي دوريه على الإفادة،، والله ياخوك اول موتر لي هذا مالي خبرة كثير بالسيارات هههـ


up 0 down 0
fulloption 196
قبل 7 سنه و 12 شهر



مبروگ والله يعطيگ خيرها وشرها بس حاول متقاوم احد يعني خله يبدل من الاول والثاني ع الراحه وكل النمر انا معاي كامري ١١ فل وربي لعن خامسها ولله الحمد الامور طيبه 


up 0 down 0
دوريه 187
قبل 7 سنه و 12 شهر



العفو العفو الله يعطيك خيرها ويكفيك شرها نسيت يكفيك هههههه مستعجل اكتب وربي يياركك لك فيهاا وانا اسف ع الخطاء


up 0 down 0
دوريه 187
قبل 7 سنه و 12 شهر



الغسيل من تحت الي هو (البستم) نصيحة لوجه الله لاتغسل يعدم عليك الجلد من تحت 

واذا جا ع المكينة صابون وماء تصير تفتف وتطفى والحساسات بيجيها مويه وبتروح فيها 

انا سويت تلميع للسيارة داخلي وخارجي والمكينةة بعد وصارت ترج وتطفى والحين مدري وش السواة الله يوفقك 

ويعطيك خير الموتر ويكفيك شره وانتبه انتبه انتبه من السرعة والمقاومات والتفحيط ترا محد بينفعك يعززون لك 

ولاصدمت ولا خرب موترك والله محد راح يعطيك وجه 

وعلى فكره ترا المرور متشدد هالايام انتبه لنفسك ولسيارتك 

الله يوفقك,,,


up 1 down 0
راكان-505 7169
قبل 7 سنه و 12 شهر



من خلال تجربتي وقد وضبت اكثر من3قيور فلاحظة انو اكثر شي يدمر القير هو الدعس المفاجئ خاصة من الصفر او تخلي ضغط المكينة عالي
اما السرعة بس بدون ماتحشر القير يعني تجيب طبلون الموتر بلهداوة مايضر السيارة ابدا 


up 0 down 0
ماشي بدربي 167
قبل 7 سنه و 12 شهر



يعطيكم العافية يا شباب كلن باسمه ما قصرتوا 


up 0 down 0
fulloption 196
قبل 7 سنه و 12 شهر



http://haraj.com.sa/112550065/للمحافظة_على_قير_سيارتك_AT_الاوتوماتيك_تفضل_لايفوتك/


up 0 down 0
elantra 6639 482
قبل 7 سنه و 8 شهر