ماهو أفضل زيت الكادينزا واستفسار عن ضمان الوكاله

بالنسبة لزيت الوكالة هوا GTX كاسترول الرخيص يجي العلبة ب17 ريال .. بالنسبة لي من يوم ما اخذت السيارة وانا اغير موبيل ون اللزوجة 40 _ صفر .. سعر العلبة ب45 ريال يمشيك لحد 10000 كحد اقصى يحافظلك على الماكينة حتى عند وصول الممشى 200000 كالجديدة وكل تغييرتين مع السيفون .. بالنسبة لصيانة الوكالة بحسب إستفساراتي مكلفة نوعا ما .. انا دخلت سيارتي عند ال 50000 عشان تغيير زيت القير كلفني 310 ريال وعند البناشر تكلف 240 ريال بس ماتضمن يلا مبروك مقدما الله يعطيك خيرها ويكفيك شرها .

الله يجزاك خير اخوي 

ابشرك اليوم مغير موية اللديتر اخذت الجالون من وكالة الجبر النوع ماء اخضر كاسترول 4 لتر القيمة 60 ريال تكفي لديتر الكادينزا بالتمام وتزيد شوية وبالنسبة للتغيير البنشري اخذ 15 ريال وغيرها قدامي طبعا يبغالها فك الصاجة من تحت وبعدها فك الصرة حقت اللديتر من اعطاني ديسلايك حسبيا الله عليه في هذا الشهر انا قلت شئ غلط ولا شغل مبزرة

حلو ماشاءالله 
الله يعطيك خيرها ويكفيك شرها 
افدتني و الله يعطيك العافيه

ودي اعطيك لايك لاكن 
"لايمكن تكرار تقييم عضو معين"

أخوي بالنسبه لصيانة الكادينزا بالوكاله الصيانات العاديه ب 390 وهي تغير الزيت والسيفون وشيكون على الموتر من جميع النواحي. وأغلى صيانه شامله ب 1400 فيها تغييرات كثيره جدا. والضمان صحيح كيلو مفتوح ولكن لازم تواضب على الصيانه بالوكاله وهذا حال جميع الضمانات للسيارات أما لو دايم تغير الزيوت برا وحصل عطل مصنعي فما راح يصلحونها على الضمان مع انهم سمحين احيانا ولكن افضل انك تواضب عل الصيانه. وافضل طريقه هي انك تسوي الخمسات برا والعشرات بالوكاله. يعني لو قلنا موترك ماشي عشرين الف توديها الوكاله وبعدها 25 تغير برا وال 30 بالوكاله وال35 برا وهكذا. لأن الضمان اذا تمت الصيانه كل 10 الاف كيلو فإنه يكون فعال. وهذا اللي أنا مسويه معي كادينزا 2011 وأعمل هذه الحركه والضمان ساري. وهذا الشي هو اللي مذكور بكتيب الضمان. بس لازم تغير الزيت كل 10 الاف

مشكور أخوي الله يعطيك العافيه
الله يعطيك خير السياره ويكفيك شرها

طريقه حلوه وخاصه ان الضمان ساري انا بمر الصيانه وبشوفهم 
تعرفون صيانه للجبر قريب من فرعهم اللي على خريص باتجاه الشرق 

عادي لو غيرت برا الضمان ماشي وزاره التجاره نزلت قرار انو ماينلغي الضمان ومنت ملزوم بالوكاله