أضف سؤال أو موضوع جديد          

استشاره لمن لديهم الخبره في السيارات المستعمله ؟

up 2 down 0
abdulah050 244
قبل 7 سنه و 5 شهر



السلام عليكم

اخواني انا ابحث عن سياره عائليه مستعمله

المهم وانا اليوم في معارض النسيم لقيت لي كيا كرنفال مستعمله والسياره نظيفه ماشاء الله جداً

واتفقت انا وراعيها اني افحصها المهم يوم فحصتها طلعت النتيجه ان فيها بعض القطع الاستهلاكيه يبي لها تغيير
ولكن اللي ردني عنها انه يبي لها تغيير صوفة القير + صوفة المكينه لأن فيها تهريبات

وش رايكم اشتري واصلح ولا ما أشتري ؟؟

وللمعلومية سعرها مناسب جداً لي محدوده بـ 26 الف

انتظركم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


26 الف اذا زادت الى التلاثين أو زود ممكن تحصل جمس 2000 وفوق أطلق من ها الكيا ... لاتنسا الاستخارة .. موفق .


up 1 down 1
الكاسر .. 911 . 756
قبل 7 سنه و 5 شهر



كم موديل السيارة؟

وكم ماشية؟


up 0 down 1
مفقود 956
قبل 7 سنه و 5 شهر



وعليكم السلام ورحمة الله

أخوي بالنسبه للسياره فهذا شيء راجع لك وأنا أخوك والكيا كارنفال سياره عمليه جدا" ( يعني لايجيك أحد يقول لك

إشتر السياره الفلانيه أو غيرها - يعني أكيد اللي نازل السوق يبي يشتري جيب VXR مثلا" ماراح يدور على

جمس أو فان .. وراح يقتصر بحثه على السياره إللي يرغبها فقط - وإنت لو ماتبي الرنفال مادورت عليه ... صح )

عموما" بالنسبه للمشاكل الموجوده بالسياره ( صوفة الماكينه + صوفة القير ) فموضوعها بسيط ( إذا بتستخدم )

يعني خرابها لايتسبب في أي ضرر على المحرك ( على المدى القصير طبعا" ) فقط تحتاج تغيير ...

للمعلوميه صوفة القير إسمها ( صوفة الماكينه - الخلفيه ) وصوفة الماكينه إسمها ( صوفة صدر الماكينه )

تفضلوا بزيارة موضوعي ( إشتري سيارتك بدون خداع ) لكي تعم الفائده

تحياتي


up 1 down 1
الوجيه 444 717
قبل 7 سنه و 5 شهر



أخوي الوجية الرجال قال .. أبحث عن سيارة عائلية مستعملة يعني ماخص الكيا لأنه لقاها في خطه يعني لو حصل غيرها بيقول

ولاتقلي ان الكيا افضل من الجمس ؟؟؟؟؟ تحياتي .


up 1 down 1
الكاسر .. 911 . 756
قبل 7 سنه و 5 شهر



بعد إذن صاحب الموضوع ... أخي الكاسر ... هداك الله ... أنا ماقلت الكيا أفضل من الجمس

أنا حبيت أوضح لأخونا عبدالله إنه ( دام الموتر نظيف فالعيوب اللي ذكرها ماهي بالكبيره )

وأنا بالنسبه لي أكيد راح أفضل الجمس ( رأيي الشخصي طبعا" ) ولكن لكل سياره عشاقها

و( لولا إختلاف الأذواق لبارت السلع ) وبالنسبه لنصيحتي له ( فليست حبا" في الكيا )

ولكن من مبدأ ( عصفور في اليد خير من عشرة على الشجره ) فالكيا حاضره وموجوده

والجمس غائب ... وهل تضمن يلقى بنظافة الكيا ... الله أعلم ... صح

تحياتي لك ولصاحب الموضوع


up 2 down 0
الوجيه 444 717
قبل 7 سنه و 5 شهر



العفو ياجميل والله يرزقك بموتر أصفار ياصاحب الموضوع .. بالتوفيق .


up 1 down 1
الكاسر .. 911 . 756
قبل 7 سنه و 5 شهر



ابع عن الكيا كرنفال نصيحة اخ الله يدلك


up 0 down 1
أبولتين555 655
قبل 7 سنه و 5 شهر



يا اخوان انا مقتنع بالسياره لكن خايف من هالخراب اللي فيها وللمعلوميه موديلها 2006

هل اذا صلحته ممكن يرجع لي او يتكرر ؟


up 0 down 0
abdulah050 244
قبل 7 سنه و 5 شهر



الصوفة بسيطة  مادام السيارة نضيفة  اتوكل على الله مادام انت مقتنع فيها 


up 1 down 0
كوكو888 561
قبل 7 سنه و 5 شهر



الله يعافيكم جميع لكن فيه ميكانيكي قالي انحش عنها مدام صوفة القير يبي لها تغيير وش رايكم بكلامه ؟؟


up 0 down 0
abdulah050 244
قبل 7 سنه و 5 شهر



طيب عزيزي قبل لاتخلص عليها ..'
اشرط عليه انه يصلحهاا وثمن جربها وشيك عليها اذا امورها طيبه ..
فَ الله يبارك لك فيها واذا رجع الخراب او اشتبهت انه فيه تهريب فَ اتركهاا ..
والله يعوضك بغيرهاا ..'


up 1 down 0
ارحمنا برحمتك 320
قبل 7 سنه و 5 شهر



يا اخوي عبدالله الله يهداك هذي شغلات عاديه شغله استهلاكية 
يعني قطعه عمرها الافتراضي انتهي اكيد راح تغيرها 
وثاني شي وشو الميكانيكي الفاشل اللي سألته هذا باين عليه مو جنبها 
وباين عليه تعليم ورش ودكاكين لو شخص له خبره ومتمرس وماخذ للميكانيكا دراسه
ما قالك هالكلام وياما سيارات هربت الصوفه وبدلناها يعني تهريب الصوفه ما يعيب 
السياره اذا السياره عاجبتك الميكانيكي اللي فاهم ما يهمه خراب السياره مهما كان 
او وين او كيف يشتغل وثق بالله ان اغلبية الميكانيكين تعليم ورش مو دراسه .
يعني دخيلين علي المهنه اذكر مره كنت ابركب راس ماكينه لسيارتي واتفقت انا والميكانيكي 
علي السعر ولما اشتغل وفك عرفت انه تعليم ورش ولما جاء يركب الراس قال انا ما يعرف قلت 
يخرب بيتك شنو ما يعرف قلت وخر عني واجي اركب الراس واشد عياراته وأوزن الديلكو وأشغل 
السياره اشتغلت معي انا اتفاقي معه ان يبدل الراس وفلسات المويه عقب ما خلصت تركيب الراس
وشغلت السياره قلت يلا تعال بدل الفلسات قال ما يعرف قلت الله يأخذك ليه فاتح ورشه قال كفيل هو 
صاحب الورشه قلت كم حسابك عن الحلال والحرام قال حسابي علي اتفاقنا اول قلت تخصي لك نص
القيمه حق الفك بس اما التركيب والعيارات انا ركبتها وقالي تحط الباقي بذمتك قلت ايه احطها بذمتي
وأعطيه نص القيمه واطلع وهو زعلان يطالعني بحقد والحين باقي الفلسات المويه والله اروح لقطع الغيار
وأشتري معجون فلسات واروح لمواقف سوبر ماركة وافتح الكبوت وأبدل الفلسات  ماخذت معي ساعتين
ولا انا خالص من فلسات المويه واركب سيارات وصل اللهم وبارك بس وش تقول العجز مكسل فينا ما يخلينا
نقرب علي السياره .
يا اخوي خذ الموتر وتوكل علي الله تراها شغله عاديه وما تضر السياره حتي لو تستعمل السياره علي صوفتها
اللي تهرب بس اهم شي افحص الزيوت دوم ولا تعتمد علي كلام الميكانيكي اللي يقولك انحش عنها ترا ضائع 
والله يوفقك  


up 1 down 0
foxzx 1593
قبل 7 سنه و 5 شهر