بخصوص زيت كاسترول تحذير لكم

7 1

لايمكنك التصويت حتى الحصول على 20 نقطة على الأقل
إضغط هنا للإخفاء

احمممممدها 1117
قبل 10 سنه و 10 شهر

السلام عليكم ورحمة الله وبركاته 

اخباركم يالربع عساكم بخير ونعمه 

المهم يااخوان أنصحكم لاتغيرون زيت كاسترول 10w30 
أقسم بالله انه مخنز ومضروب ولا يستاهل قيمته كل اللي بالسوق مضروب 
انا من فتره لـ فتره اغير نوع الزيت بس كلها خفيفه مو ثقيله وشفت ناس كثير بالمنتدى كاسترول 10w30 يمدحونه ومرفعين فييه والله من استخدامي له اكتشفت أشياء تغيرت فيها سيارتي من بعد هالزيت 

1 صوت تكتكه بالمكينه وهي بارده وماتوقف الا اذا سخنت
2 تتأخر في التحميه قبل حدها 6 الى 7 دقائق اذا كانت واقفه طول اليوم 
3 صوت مزعج كأنه دينا ديزل لما اشغلها 

وجربت قبلها كاسترول 5w30 تماام وبعدها جربت موتر كرافت 5w20 صراحه شتان بين كاسترول الأخضر و الأبيض المضروب 
وفيه فرق بين كاسترول الأخضر وموتر كرافت لصالح موتر كرافت هدوء في المكينه حتى لو كانت يومين طافيه صوت المكينه هادي تحمى السياره بسرعه 


المهم اليوم غيرت موتر كرافت لأن الكاسترول صراحه مضروب وبقوه وانا أخذ من محلات الجمله حق الموزعين 

نجي للأسعار 

موتر كرافت 5W20 بـ 15 ريال العلبه < يابلاااش وراعي المحل يقولي بعد فتره راح ينقطع زي الأحمر
الكاسترول المضروب 10w30 بـ 14 ريال والبناشر طبعى 20 ريال الى 18 قسم بالله حرام فيه يندفع ريال 
الكاسترول الأخضر بـ 25 ريال 

طبعا كل هالاسعار من الموزعين ومحلات معتمده لاني مااخذ من البنشري واغير برا بـ 15 معا سيفون 

استخدامي للسياره شاق تقريبا أغلبها خطوط 

الكاسترول 10w30 يحترق على 3500 الى 4000 كيلو 
الموتر كرافت والأخضر كاسترول اغيرهم على 8000 كيلو أو أقل اللي ملاحظه أن الموتر كرافت اغيره على 8000 كيلو وباقي فيه لزوجه يعني مااحترق حتى لونه شوي فاتح عكس كاسترول 


وبعض الأعضاء له مواقف معا زيت كاسترول 10w30 يقولون سنه ونص ومكينتك طاقه

المهم يااخوان الحذر من هالزيت وانا قلت هالكلام لا من موقع ولا منقول عن تجربه 

اتركم معا الصور 
وتصوير تغطية جيب البورش كايين أمس في الهافمون 

إبلاغ

الردود