وداعا ايتها الصغيره ؟

13 7

لايمكنك التصويت حتى الحصول على 20 نقطة على الأقل
إضغط هنا للإخفاء

احمممممدها 1117
قبل 10 سنه و 9 شهر

بسم الله الرحمن الرحيم 




السلام عليكم ورحمة الله وبركاته 
كيفكم يااخوان عساكم طيبين واموركم طيبه 




المهم يااخوان انا بالأيام القريب القادمه باذن الله مسافر خارج الدوله لـ الدراسه 
وامس تم بيع سيارتي اللي تقريبا الكل عارفها مايباخ 2016 ههههههه 
امزح الريو الحمدلله انباعة أمس تقريبا خساره لكن مافكرت لاني كديتها كد من رمضان الى الحين مشيت فيها 55 الف كيلو وصار علي حادث فيها جنب وتقريبا انباعت بـ 30 الف وانا ماخذها بـ 34 في رمضان 
نزلت قبلها بيوم اشوف كيف السوق لكن مو على سيارتي معا واحد من اخوياي مالقيت غير الشريطيه اللي يشترون بس 
وجلست أفكر كيف ابيع سيارتي بهالوقت اللي فيه السوق طايح ومافيه غير الشريطيه
اكتشفت أن الشريطيه يأكلون بعضهم البعض معا انهم في معرض واحد وانا بعتها لـ شريطي مسوي ذئب لكن مشيتها عليه 
انا كان عندي كم شغله بالسيارة الرش أبو كلب تقريبا ولمبة الايرباق ولعه واتوقع انشق الايرباق لكن ماطلع وسعر الحساس 1200 ريال بدون الفك والتركيب اللي داخل الدرج والصدمة جات من الجها اليمين كامله 
ماعاد الرفوف 
وفيه حكات متفرقة وجنط مكسور وكفرات محبله








المهم نزلت السياره المعارض اول واحد للبيع قلت له للبيع قال ربي عطاك 26 تبيع عشقت ومشيت 
الثاني نفس الموال 27 زود الف لاحظت شي كل ماتدخل يزيد السعر لين اخر واحد وبعدها لو ترجع لهم مايشترون معروفين 
المهم وانا ماشي اشوفه يطلع جواله ويكلم خويه اللي قدام انا عرفت الشريطيه تبع أي معرض وان اخر واحد عند معرضهم 
المهم زاد الموتر لين 28500 
ووقف لين اخر واحد وقالي كم حدك قلتله قريب جدا هو يحسبه 29 
المهم قالي ادخل المعرض دخلت الا شوي جاء واحد يقولي تبيع بـ 20 هههههههههه 
قلتله انت تكلمني والا تكلم السوداني قالي اكلمك قلت له مايشرفني اكلم هالاشكال ههههههههههههه لقط وجهه ومشى جاء الثاني يقولي بعطيك 28 صافي وعلي النقل ومن هالكلام 
قلت له مالك لوء ويجي اللي قبل شوي يقول 20 خويه نقز يقول فيها رش قلت له ايه قال بـ 15 قلت له تبي بأبين والا جنط ورفرف مشى ياعمي ناس مرضى 
الحين انا مستعجل في البيعه سفريتي بعد بكره وأبي أخذ احتياطي قلت له تدري جازت لك بـ 30 والا خلها قال لا مدري ايش وانا ماسك جوالي واتصلت على جوالي الثاني وسويت نفسي ارد على زبون وقلت له حدي 32 تبي بجيك المعرض ماتبي الله يرزقك 
الشريطي اللي قدامي يقولي منهو ذا قلت له انا عارض سيارتي في موقع حراج وهذا واحد عنده معرض اللي الظهران قالي اها قالي 32 كثيره راعني فيها خذ 29 وعطني الاستمارة وتوكل على الله قلت له مايجي وبعد نص ساعه من المجادله جاء واحد زبون مااعرفه ولا شي قالي الريو حقتك قلت ايه نقز الشريطي يقول انباعت هذاك نشب وقال عطني رقمك اعطيته ومشى شوي اتصلت على جوالي الثاني ورديت على أنه اللي قبل شوي قلت له 32 حدي قلت فيه رش واعطيته العلم قدام الشريطي وانا متصل على نفسي ههههههههههههه 
سكت شوي وقلت خلاص خلني اطلع واكلمك وين اجيك سكت وقلت طيب خير ان شاء الله 
الحين الشريطي يبي السياره وبقوووووه هههههههه 
المهم وينشب قلت لـ الشريطي الرجال يبي يفرق السوم وصامل تعرف الشريطي كيف نشب واتصل على اخوياه وتجمعو وفحصو وجو بينا وقالو يلا 29500 حدها والسياره ماشيه كثير ومدري ايش وانا راضي جدا بس 
مسوي فلم عشان ماانصاد  ههههههههههههه 
وانا كنت صامل على 30 لأن هي القيمه اللي أبيها والحمدلله انباعت لـ الشريطي بـ 30 
وماكنت واثق انها بتجيب 30 توقعت 28 وتحت الممشى والرش ولمبة الايرباق 
أما الموتر سليم ومافيه أي مشكله 

لقيت عند واحد أعرفه باب ورفرف وباب خلفي سليمه ولونها ابيض وتطبق على موتري بالضبط وكنت اقدر أنزل العداد بـ 250 وابيعها بدري و بـ 35 و 38 تنباع سليمه وممشى قليل لكن وش بتفيدني 5 أو 8 اذا هي حرام



مو حلو كل مره الشريطي يلعب على الزبون خل شوي نحتال 
مو هم محتالين بس وياكلون الناس 
لاني لاقي ريو 2013 فل كامل سليم وانباعت بـ 32 وممشاها 34 الف بس




وبعت وأخذت دراهمي وطلعت مستانس وهم راضين وعلى بالهم انهم لقو صيد لكن الصيد فوق ظهورهم وانا طالع اناظر بـ خخويهم اللي يقول 15 ابتسم وامشي ههههههههه 








هذي قصتي معا الشريطيه والله اشكالهم عليها غضب سودا وناس مدري كيف انا بعت وارتحت 




واللي بيقول بيع نجش ومدري ومن هالكلام انا ماقلت سومه لما كنت اكلم قلت بيفرق السومه واكيد دامهم اخذوها بيتصرفون فيها ولهم خراج فيها 
بس انا بعتها وارتحت والحمدلله 




يااخوان انا كديت الموتر مابيوم خيب ظني داعس في بطنه ولا يقول اح ومن كثر الكد انا أشفق عليه خطوط ومشاوير وسفريات وحفر وتحبيل كفرات 
ماعمري اشكتيت منه وتجارب على الموتر فكيت الفلتر كامل على طريق الرياض الدمام والمفاجاءه مشى 220 كيف ماادري ولا تسألني 
بس صراحه صار لها قيمه بقلبي معا اني كنت مستحقرها لـ صغرها وحجمها وعزلها ورساوتها الا انما انها كانت مطيعه لي ولـ التجارب ههههههههههههههههه 
اي واحد وده يأخذ ريو ياخذها ويحافظ عليها واللي يقول ماتكد والله مسكين ولا يعرف شي 
انا كديتها فوق ماتتخخيلون جلد وطريق وتطعيس ومويه واحيان جلنطات في المطر اذا الشارع فاضي ههههههه مرتين بس وعلى 40 السرعه
زيها زي الاكسنت اللهم هذي تنزل قيمتها أكثر من الاكسنت




المهم يااخوان انا راح انقطع عن الموقع فتره ماادري كم بعد مااسافر 
اللي بخاطره على شي يسامحني أو يكلمني على الخاص 




و دعواتكم لي يااخوان مانستغني عنها 
واشوفكم على خير راح تكون لي دخلات لكن خفيفه 
ان شاء الله 

إبلاغ

الردود