التسارع المفاجئ للسياره

اكيد يقصر من عمر المكينة والقير لان الانطلاق يكون من الوضع السكون تقريبا الى الحد الاقصى مع الاستمرار بهذا الوضع ينحرق زيت القير والمكينة بسرعة اكبر مما يزيد من التاكل بداخل المكينة واستهلاك عالي للبنزيت

طيب مثﻻ اذا واحد اشترى سياره جديده وقعد يدعس فيها كم سنه تعيش معاه السياره او كم كيلو تمشي معاه ؟ 

جلدن ماهو جلدك على شوق جره ذكرتني بااصحاب التفحيط يوم يستاجرون سيارات ويفحطون عليها ويدعسون عليها 

شف ي بعدي تبي تجرب تسارعها مرة مرتين ثلاث م في مشكلة اذا السيارة 

مخلصه من التمرين .. 

لكن كل يوم وكل سوي تدعس وتحرق سنه وسلم على سيارتك 

وقد م تحافظ وتشيك على سيارتك تعيش معك 

بالتوفيق ولا تحرص ع التسارع الا في الاوقات الطارئة لا قدر الله 

غالبا أول ما يتضرر من هالحركة الدفرنس

بس المشكله كتير من الناس تدعس في اغلب الاوقات وسياراتهم ما اتضررت ال شي قليل

انا اعتقد على حسب السياره فمثﻻ الموستنج اكتر مﻻكلها مشترينها عشلن مطارحات ودرفت واستعراض والسياره بتعيش فتره طويله معهم

جرب ارفع اي حاجة ثقيلة بسرعة وبأقصى قوتك وشوف وش يصير في عضلاتك

السيارة نفس الشيء اذا تعودت رجلك على تدبيل الدعسة قل على موترك السلام

اكثر شيء يتأثر القير ثم المكينة ثم العكوس وكراسي المكينة والقير
والدفرنس بالنسبة للدفع الخلفي

خل التسارع للضرورة ولاتعود رجلك على الدعس بسبب وبغير سبب

لاياخوي
الموستنق والكامارو والكرايسلر والتشارجر اكثر سيارات تنعدم بسرعة وماتلاقي منها موديلات قديمة بسبب المطارحات

مشكوورين جميعكم على المرور والافادة

هذي احد اسباب خراب صوف القير والمكينه 

هههههههههههههههههههههههههههههههههه 

ورب الكعبة معاي جكس يااني كل يوم ادعس فيه الين ماانطرب واشيل رجلي ورجلي حاررره والحمدلله ماشي معاي بس اليوم غيرت زيت 
القير واقمشة 

عيش جوك اذا كان موديل السيارة قديم شوي يعني 2007 ووتحت وان شاء الله مايصير ولا اي شيء 

جمس "

............

كل أجزاء السيارة تتأثر ، أداء المحرك ، ضغط المكابس ، وزنية الأذرعة و كراسي المحرك ، و المساعدات الأربعة ، و مجموعة التعليق الأمامية و الخلفية ، و القير و مسنناته و زيت القير و الدفرنسات ، و وزنية الأبواب ، البودي ... حتى الكراسي ممكن ترتخي براغيها و تصدر أصوات ... ناهيك عن قصر عمر الزيت و احتمال انفجار صوفة الجير ... الخ
لا تفعلها أخي إلا اذا كانت السيارة رياضية مخصصة لهذا النوع من الأداء

 يارجال دوس وماعليك انا معاي سوناتا وراعي خطوط واكثر الاوقات ادعس للسياره لاخر شي واحيان اقطع مسافه ٥٠ كيلو وانا حاشر الموتر برابع والحمد لله الامور تمام بس اهم شي شيك ع السير والشداد هي اثر شي يتضرر مع الدعس وتقبلو مروري

شكلها موسيارتك مايبغالها سؤوال يعني في حديث عن الرسول صلى الله عليه وسلم (الرفق مازاد على شي الاوزانه ) الاسباب نعم تتلف المحركات وجميع اجزاء السياره الميكانيكه ايضا لانها تتاثر فيزيائياوحركينا وحرارين الذي يحصل عندكثره استخدام التسارع المفاجاء يعني كل يوم مثلا بسبب التسارع ترتفع درجة الحراره داخل الماكينه ويزيدالاحتكاك بقوه ومع حرارة الجووتصبح مرتفعه جدا توصل داخل المحرك 300cمئويه المعدن المصنوع للماكينه شي طبيعي راح يتاثر ويتلف الشركه مارح تحطللك معادن تتحمل درجة حراره توصل لي1000لانها تسويقيه لازم تبيع قطع صيانه لانها تتلف من الاستخدام السيئ زي كذا الي يصيرجوه الماكينه ينشعر السلندر اوينكسر عامود الكرنك من الحراره المرتفه جدا ايضا من نقص الزيت لانه يرتفع كله فوق والجزاء السفلي يقل الاحتكاك فيه وتنقص اللزوجه وترتفع درجة الحرار !! كل هذي تصير جوة الماكينه وماتدري ؟؟؟ شوف اغلب الي يسوي كذا ورع تحصله ماترجل موداري عنها انها بفلووووووس بشقى وتعب ويمكن هم وكدرطول العمر لكن لانها مومن جيبه ماتعب فيها مايدري انو في ناس حلمهم تاخذلوسياره بي 15الف14الف وتحصل الثاني ابوه يطلعلها سياره جديده توصل 100مايعرف قيمتها لانه لودراى انو في ناس تروح الجامعه على رجوله ولاعمله ويتمرمط يمكن في الشموس ولايتجمل عليه واحد مايستاهل الي فرجلي ..... ادري اني طولت بالكلام عليك ودخلتك في الزقازيق ومافهمت شي اهم حاجه تفهم كلامي عشان ماتصير اهبل للحين !!!!!!!!!!؟؟؟؟؟

الدعس المفاجى مايبيه كلام انه يأثر على الموتر لكن مرة ولا مرتين من فترة لفترة ماعليها ان شاء الله لكن اذا كان بشكل مستمر يقل اداء المكينة وتدمر عليك حساسات القير اما الموستنج والكومارو ss وطقتها هاذي سيارات رياضية مخصصة للدعس لكن ماهو الدعس المفاجى كل دعس مفاجى يأثر بالموتر ادعس تدريجي يعني زد على شوي شوي تلقى الموتر يمشي وهو مرتاح ويغير بالوقت اللي يبي اما تشرقه كذا على طول هاذي تضر لكن العالم مواترهم جديدة ويكفخون ويقول ماخربت انا كنت اسويها فيه سوناتا 2006 ماشيه 300 الف والله حق يوم جيت افحص مكينتها ادائها في التسعين شاريها طبعا اداء مكينتها 98 وكانت ماشيه 240 الف عاد مدري هي توافيق ولا عشاني مواضب على غيار الزيت واحمي ومركد اموري مع اني ما ادعس من الصفر ادعس من ال 100 وفيها ...