أضف سؤال أو موضوع جديد          

اكلت حفرة وانقطع الكفر

up 1 down 2
memo alasiri 663
قبل 7 سنه و 6 شهر



السلام عليكم


الموضوع باختصار يااخوان انا بعد المغرب كنت ماشي في طريقي بعد الامطار واكلت حفرة اقسم بالله من قوتها اني حسيت بدوخة والمسحاتا اشتغلت على سرعة ١٠٠ وحسيت رجه بالطاره واني اوقف وحصلت الجنط مطعوج والكفر مسلوخ من جوه والمشكله ان حتى الاستبنه مفقوعه من حفره والي غابني ان سيارتي باقي جديدة ماشيه ٨٠٠٠ والي اني حسيتها بقلبي عشان الجنوط مقاس ١٧ ودقيت على اخوي وجاء وغير لي الكفرين بكفرات جديدة وش الحل لو صار هذا الموقف معكم اليماني الي في البنشر يقول جوني قبلك ٤ من نفس الحفره ناس قالوا لي كان دقيت على المرور وناس يقولون كان دقيت على الامانه وش رايكم انتوا لو صار معكم نفس الموقف







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يعوض عليك ويخلف عليك بخير
ثتنيا حسبي الله على اهل هالمشاريع الفاشلة

ثالثا لو تكسب اجر وترجع للحفرة وتدفنها برمل وتأخذ اجر غيرك
والله يكتب اجرك


up 2 down 0
saleh734 1091
قبل 7 سنه و 6 شهر



اي والله انك صادق شكلي برجع لها بكرة


up 4 down 0
memo alasiri 663
قبل 7 سنه و 6 شهر



تخوي اتوقع في رقم للبلدية مدري الامانة المهم يخلون الشركة المسؤولة تعوضك اضرار الحفر


up 1 down 0
naifms 128
قبل 7 سنه و 6 شهر



المفروض توقف وتتصل بالبلدية وانت بمكانك وتآآخذ حق الجنط وقيمة الكفرات .. لكن دامك مشيت يعوضك الله 


up 1 down 0
ابو سعود629 4708
قبل 7 سنه و 6 شهر



حسبي الله ونعم الوكيل شيء طبيعي تلاقي الحفر في كل مكان 
قبل فترة سوو شارع قريب عند بيتنا وماصار لـه كم شهر والا حفرو فية وحطو اسلاك وبعد اسبوع حفرو مرة ثانية والمشكلة بس يدفنونة
مايحطو شيء علية حسبي الله عليهم ماعندهم تفكير


up 0 down 0
الــحــزيـــن 4
قبل 7 سنه و 6 شهر



عوافي يا رجال كل شوارع المملكه تعبانه مع ان البترول يتصدر من عندنا ..


up 3 down 0
yazeed793 7883
قبل 7 سنه و 6 شهر



عندي كفر محبل من حفرة في الشقيق في الجنوب 

واللحين جنط مطعوج من حفرة في المدينة المنورة 

وراجع الجنوب بعد ثلاثة ايام وكل اللي اقدر اقوله

حسبي الله ونعم الوكيل باللي يزفلتون الشوارع ولا يشتغلون بأمانه

لان محد معوضك بريال ويكون ردهم ( انت ما تشوف)


up 0 down 0
mousa-almalki 5
قبل 7 سنه و 6 شهر



مدري تتوقع راح يتم تعويضك ..
                           ـ..... الله مستعان ...
                                              الله يعوضكـ ..
                                                        ........ماتدري لعله خير لكـ


up 1 down 0
has90has 253
قبل 7 سنه و 6 شهر



تتصل ع المرور ويجي يخطط ويعتبره حادث

الطرف الاول انت
والطرف الثاني البلديه 


ويعلموك بعدها الاجرائات


up 1 down 0
asalami 2180
قبل 7 سنه و 6 شهر



ابوخليل زمان نزل موضوع انه صار له زيك وتم تعويضه بس والله هالانسان يعجبني مايجامل ولايستحي بحقه نشب بحلوقهم لين عطوه حقه وزيادة


up 0 down 0
m11013 923
قبل 7 سنه و 6 شهر



سلامات الله يعوضك خير.
وانا مو قاهرني الا ادارة الطرق والمواصلات اسم في غير محله المفروض تسمى إدارة تصريح الحفر والمطبات نايمين و لاحولك احد وين ما تمر في اي شارع بالسعودية الا وتلقى حفر ـ سراديب ـ مطبات مفاجأه بدون تحذير أو طلاء على المطب اظف على ذلك رداءة الاسفلت ونقص كمية الزفت المضافة له مع ان الطريق ما ياخذ فتره ويخرب وتعال سوى مناقصة سفلته وبنفس الطريقه السابقة خسائر من ميزانية الدوله وبدون جوده او معايير



up 0 down 0
bo reem 20
قبل 7 سنه و 6 شهر