قطع غيار اوبيروس

بالنسبة للاوبريس فهي مكملة لمسيرة كوريس هاذي توقفت وبدأ تصنيع هاذي وهي اعلى فئة من الكادينزا ومواصفات وعيب الكيا عندنا انه ماسكه وكيل واحد ومتحكم بقطع غياره ولا فيه محلات توفر بكثرة ... ولا هي الله حق موتر وكل سيارات كيا كويسه عموما اللي يبي الدح مايقول اح اللي يبي الفخامة والمركب السنع يدفع الشكوى لله

ياربي رحمتك كوري وهذا اسعاره انا اعرف اوبيروس فخمة بس ما توقعت ان اسعار القطع غالية لهذي الدرجة الله يعينك

شوف محلات قطع الغيار لاتروح الوكالة .. لان المحلات تاخذ خصم من الوكالة ... وبعدين واضح ان نورك اللي يجي عدسات وزينون و اكيد بيكون غالي بس والله تعدى سعر اللكزس شيء يقهر




الشبك ركب تجاري .. الاشياء ذي التافهه زي الشبك ركب تجاري

اما الانوار لاتركب الا اصلي لكن لا تاخذ بالسعر هذا


و اتوقع حاطين لك سعر الاسطب + محول الزينون + شمعات الزينون

لكن روح التشاليح و اشتر لك اسطب بس يكون اصلي

واذا المحول والشمعة خربت اشتريها مستعملة من حراج تراها موب غالية لكن الوكالة حرامية





اسألهم عن الاسطب بدون المحول وبدون الشمعة

ايه هو قال لي ان الشمعة تجي كاملة قصده بمحولاتها وانورها كاملة واللي مخلي سعرها كذا ان سعر اللمبة فقط الزنون ب 1150 هاذي اللمبة وانا مركبها عند محل في البديعة يمكن تعرفونه اسمه اضواء الزنون اللي عند مركز الهيئة هاذا متخصص للانوار وغيرت لمبتين ب 1850 وانا قلت له ابي شمعة لحال قال مايجي تجي كاملة بمحولاتها وعدتها والمحول سعره انا شاريه ب 950 لان فيه واحد خرب يعني خسرت على الانور تقريبا 2850 ريال وبالنسبة للشبك مافيه الا وكالة يقول تجاري مافيه لكني بحاول انقز للتشليح وادور شبك وشمعة ارخص لي وبالنسبة للمبات والمحاولات ماتاثرت ولا شي هي مجرة كسرة في قاعدة الشمعة لانها دقة خفيفة ... شرفني مرورك يا الغالي

معوض خير


اجل مثل ماقلت لك التشاليح .. واشتر اسطب بدون المحولات والشمعات لان عادي الشمعات والمحولات تنباع وسوقها ماشي مو شرط يبيعها لك


و السعر الخرافي للاسطب عشان المحولات والشمعات والا الاسطب لحاله يوصل 1000 يمكن جديد طبعا .... وفر على نفسك بالتشاليح بتحصل ان شاء الله

و ترى فيه مواقع فيها خدمة تشليح مجرد تكتب طلبك وتحط رقمك ومنطقتك ويدقون عليك اذا توفر طلبك جرررررب حظك اسم الموقع تشليح اظن


ما اظن كلامي هذا فيه مخالفه للموقع لان فيه افادة للشخص *__*ومساعدة

جرب تولف شمعة المرسيدس E شكل ٩٧ و ٢٠٠٣
ممكن تركب عندك واتوقع ارخص من هذي ،
الله يعينك ويسهل امرك