بغيت اشتري سبورتاج 2012

كانت عند الوالد كيا كرنفال 2002 مطلعها وكاله وباعها وهي ماشيه 187 الف كيلو وكرف امها وكان يغيير لها القطع الاستهلاكيه فقط وعزمها حلو وبقولك على قاعده السياره اذا خرجت عن الصانع الاصلي راح تفقد جودتها يعني مثل الكابرس صار استراتلي وابو الخرابات التويوتا صار منه استرالي وتايلندي لكن الكيا والهونداي ميزتها انها تصنع في بلدها الاصلي وهذه يعطيها جوده اعلى

مو شرط ان الصناعه اذا كانت في نفس البلد تكون جودتها عاليه !!!
اخالف اخونا بالرأي 
مثال الافلانش يصنع في مكسيكو 
مثال الان كل شيء يصنع في الصين او على الغالب مثل قطع الغيار والابتوبات والجوالات
ولم تتغير الجوده لان الداعم هو العلامه التي لن تعبث بعلامتها 
انا اقول لك ابعد 
اشتر اي شي امريكي او الماني اذا تبي جوده عاليه 
مثال لو تشري اكاديا مستعمل افضل من سبورتاج 

عزيزي انت شكلك ماتعرف انه المكسيك الذراع الايمن للصناعه في السيارات الامريكيه تعال شوف قطع الفورد وهو يصنع في امريكا وكندا وجودته عاليه ووراح تلقى 40 بالمئه من القطع صناعه مكسيكيه قطع موتور كرفت اصليه وصناعه مكسيكيه يعني وضع المكسيك يختلف عن استراليا وتايلند يوم يجمعون السيارات فيها بالنسبه لطارح الموضوع انت تبي تحبث عن سياره جديده وقادر على صيانتها وقطعها فعشان كذه توجه للهونداي والكيا وانا مجربها ولاتاخذ لاندركوزر ب220 الف ويعلق عليك مثبت السرعه .... بالنسبه للسيارات الالمانيه تحتاج واحد جيبه مليان فلوس ومتمكن ماديا بالنسبه للسيارات الامريكيه تحتاج انك تمسكها خطوط وحسن استخدام لان الفوردات 8 سلندر وتتعب فالمدينه اذا بتجلس تمشي وتقوف تمشي وتوقف الكلتشات بتحتر عليك لان النمر تبدل فالدقيقه يمكن 5 مرات وهذه يتعب القير عشان كذه اوف السبور تاج كحجم وسعر واقتصاديه افضل من غيره بالنسبه للاكاديا تراه توه نازل جديد ويحتاج فتره عشان القطع تتوفر كامله وتتعارف عليه الصيانه في صيانته مثله مثل الفورد تورس لحد الان توكيلات الجزيره ماوصلو لممرحلة التمكن في صيانتها

أخوي السهل الممتنع معاك ان الامريكي والالماني سيارات ركوب وكشخة ولا اروع بس يااخوي وايش حال قطع الغيار


نار ياابويا صحيح انك لو اشتريت القطعة وكالة ماراح تسأل فيها تاني بس الميزانية ماتستحمل وكالة علي طول هههههه


والله مااخبي عليك معروض عليا جيب طوارق 2007 ممشاه قليل والسيارة نظيفة بس ماخلاني ابعد عنها غير قطع غيارها ماتحصلها الا بالوكالة وغالية جداااا

الشاهد بالموضوع ان السيارات الكورية اليوم اصبح اسعارها في متناول الجميع وتتوافر قطع غيارها باستمرار لو ماحصلتها بكيا تحصلها بهيونداي


عموما لك كل الود والاحترام وشكرا علي تشريفك للموضع

اخوي عاشق كفيت ووفيت يالغالي ومصداقا لكلامك الالماني ركوبه ولا يعلي عليه بس قطع غياره ناااااااااار ياابويا زي مانا ذكرت من قبل

اتوكل على الله السيارة صارت معروفة
ومالية الشوارع وما عتقد انو فيها عيوب
خدلك لفة على منتدى السيارات الكورية
واسال اهلها 

مين قال ان الامريكي غالي بقطع غياره .. 
الالماني غاليه اوكي لكن الامريكي ببلاش .
انا مع السهل الممتنع بكل كلمه قالها .واحد لايك 

الامريكي قطع غياره الاصليه والوكاله غااليه جدا وفرق بينه وبين قطع الكوري  اما انك تأخذ اسي دليكو واقول القطع رخيصة لنها مقلده لكن ورح اسئل عن قطع GM الاصليه مثل الاقمشة سعر الطقم ٢٣٠٠ للجمس بيننا  جيب هونداي سعر الطقم ٤٥٠ .  وشوف الفورد سعر الثلاجة 1600 وطرمبه البنزين 1300 اما في الكوري ما تفكر تغيرها لانها ناااادر ما تخرب عكس الامريكي .

السيارات الكورية قليلة الخراب وسعر قطعها الأصلية معقول وبالنسبة لي أعتبرها الآن الخيار الأمثل.
الجمس G.M والشفروليه من عيوبها توفر القطع المقلدة والمجددة والتجارية فيعتقد الناس برخصها