ليه الكيا كوريس ما لها تضنيف بموفع حراج

اكتب اسم السيارة في خانة البحث وتلقاها.. فيه سيارات كانت موجودة بالتصنيف بالنسخة القديمة للموقع، وبعد التحديث ما اضافوها

لاهي موجوده بالتصيف القديم والا هي موجود بالتصنيف الجديد

صادق الكثيري انا اول ما حدثوا جيت بنزل موضوع عن الاوبريس وماحصلتها ضمن القائمة ياولد عدل بدل مالقيتها مع انها كانت سابقا موجودة

نزلت موضوعي في قسم الكادينزا

وجلست يوم تقريبا او اقل شوي الا يرسل لي واحد من المشرفين ان تم تعديل قسم اعلانك نرجو وضع الاعلان في المكان الصحيح او شي زي كذا

بغيت اقول له انت ماضفتها في القائمة وش اسوي لك

بس دحرت الشيطان وقلت جزاك الله خير والله يقويكم ومن ذا الحتسي

مشكلة نقص بعض الماركات او انواع السيارات من زمن وطرح هذا الموضوع اكثر من مرة من بعض الاعضاء لكن دون جدوى اضف الى ذلك الموديل اخر سنة 2014 علما ان الان في ماركات كثيرة نزلت موديلات 2015.
الموضوع هذا يحتاج تحديث من ادارة الموقع باضافة جميع انواع السيارات وتحديث التاريخ سنويا مع بداية كل سنة تضاف السنة التي تليها.

حتى البيجو والستروين ماشوف لها ايقونات تطلع معي بالبحث .. عاجبتني الستروين الجديدإ

الغريب فعلا ان علامة مثل ايسوزو مالها تصنيف 
وهي اكبر مبيعات في المملكة في مجال سيارات النقل المتوسط والثقيل

وعلامة مثل بورش وسوزوكي لها تصنيف 
المقصد ان الايسوزو حجم مبيعاتها والطلب عليها كبير جداً مقارنة بالسوزوكي والبورش 

ولا حتى الكيا السول مع انها من 2011

اتمنا احد من المشرفين يرد علينا لان الموقع له شعبيه وموضوع زي هاذا لابد يكون له تفسير

وﻻ حتى السيراتو

يارجال والله يا موقع حراج ذا أنه وفر علی الناس مشاوير والدوران في الشموس بدايته كانت سيارات والحين لو تبي إكترونيات عقارات مواشي وظايف قطع غيار السيارات 
بإختصار موقع حراج أنا أسميه إي باي الخليج وتقبلوا كامل إحترامي وهذا يعتبر رأيي الشخصي وأدعوا للي سوا البرنامج بالخير