كم قيمه مفتاح الوكاله

رح للوكالة برقم شاصي او صوره من  العقد  بيعطوك مفتاح الأحتياطي اللي عندهم واذ مانفع رح لمحل المفاتيح  واهم شي اساله قله مايلتغي ضمان اذا طلعت اسبير جديد 

بنسبه اذا كانت بصمه مادري اتوقع غالي ولزم برمجه  سواء مفتاح ولا بصمه  ممكن يكلفك حدود 600 700 

والله ماادري عن الكيا لكن سيارات نيسان اللي تجي بصمة بشكل عام نفس المفتاح وتاخذه جديد ب ٢٠٠ ريال وتقدر تبرمجه بنفسك

اما الكيا اذا كانت مفاتيح سياراتهم موحده اكيد بتلقاه رخيص وبالنسبة للبرمجه ابحث عن طريقتها باليوتيوب 

مشكورين خواني والسياره مو بصمه مفتاح عادي نفس حق الاكسنت 2008 شكله

إذا ضاع المفتاح قريب من السيارة ـ بالحارة مثلاً، لأن صار لي نفس الشي 

رحت لمحلات المفاتيح العادية، أخذ علي 120 ريال أو 100 ريال بالضبط، ولكن الحرص الشديد 

خليته يلغي البرمجة القديمة ويسوي برمجة جديده، لأن المفتاح قريب طايح من السيارة وأنا عندي مفتاح إحتياط 

أخذ المفتاح الإحتياط وغير البرمجه بنفس المفتاح الجديد، عشان المفتاح إللي ضاع معاد يشغل السيارة 

وتم تجربة مفتاح الإحتياط بعد تغيير البرمجه، فعلاً السيارة ما أشتغلت ... أتمنى أكون واضح لأن القصة مفتاح بـ مفتاح 

الخلاصة: تجديد مفتاح وبرمجة جديدة. 

يعطيك العافيه اخوي 

اخوي محمد عبدالله عمر ،،
كم كلفك تغيير برمجه ومفتاح جديد؟ لأن انا نفس الحكايه اليوم ضاع مفتاح السياره ريموت ولا ادري وين راح ،،وعندي مفتاح ثاني ريموت كنت بروح اطلع اسبير بس الظاهر بسوي زي ماسويت

أخي الالنتراوي، مفتاحي للأسف ماله ريموت نفس حالتك، سيارتي يارس تويوتا مفتاحها مايجي ريموت، يكون عادي 

بالنسبة للسعر تقريباً 100 ريال مع المفتاح الجديد + البرمجه إلى 120 ريال تقريباً

فـ لو أنا بـ محلك، بخليه يغير نفس برمجة (المفتاح) ببرمجه ثانية عشان المفتاح القديم مايشغل السيارة ويصير ماله قيمة
أما (الريموت) يكون نفسه! لا أعلم، إلا إذا في إمكانية يغير أيضاً برمجة الريموت يكون أفضل بعد لكن ماعندي فيها علم :( 

لأن ضياع المفتاح تتغير برمجته ويلغي برمجته القديمه، أما الريموت فـ مالك الا تسأل محلات المفاتيح عندهم خبره
أو أحد الأعضاء 

(محل المفاتيح اللي زرته كان في الصناعية القديمة الرياض، كبري الصناعية القديمة تحته بالضبط
على اليمين وإنت جاي من الملز للصناعية) تحت الكبري إشارة تتعداها سيدة يجي يمينك مباشرة 

السالفة مطوفه لها سنة ونص ما أدري إذا مازال متواجد، لكن دائماً أشوف سيارات أشكال وألوان عندهم وتجي بسطحات
في ناس تنسى المفتاح داخل وفي ناس تضيع المفتاح ويشتغلون فيها ويضبطونهم... 

نصيحة لأي شخص يحمل ميدالية لمفاتيحه أو نفس المفتاح حتى لو بطايق شخصية يسجل عليها رقم جواله مثل هذه الصورة 

http://www.raffaello-network.com/item_images/blijew-k16023-p.jpg 

تقريباً نفسها ويجي معاها ورقة داخلية، سجل رقمك عربي إنجليزي، لأن في ناس فيها خير، 

ومره ضاع مفتاحي عند باب السيارة ورحت لزواج مع سيارة من أقاربي وجاني إتصال بسبب هالحركة، ومع ذلك كنت خايف على السيارة 

وحمد لله كان ولد ابن حلال وسلمني المفتاح بعد ما تواصلت معاه ...