أضف سؤال أو موضوع جديد          

كهربائي ممتاز بجنوب الرياض

up 3 down 1
راكان-505 7167
قبل 4 سنه و 5 شهر



السلام عليكم 

اخواني انا معاي كيا اوبيروس والانوار الامامية الي هي الواطي

الزنن صار لونه احمر بعدين طفى اليمين واليسار كلها 

المهم اني رحت عند كهربائيين ثنين الاول قال اللمبة نفسها خربانه 
روح اشتر وحده جديده واركبها لك طبعا سعرها ٩٥٠ فالوكالة 

اللمبه لحالها والثاني قالي الفيوز بس هو الخربان ف انا ياخوان

معد عرفت وش اللي خربان يافيوز يالمبه 

ابيكم تدلوني على كهربائي ممتاز يفحصها لي ويشوف 

هي اللمبه ولا الفيوز انا ابي اتأكد لاني بصلحها 

وطبعا اذا كانت اللمبه الي خربانه بروح الغرابي باخذ لي وحده 

ب ١٥٠ نوعيه حلوه تمشي لان ٩٥٠ على لمبه ماتستاهل صراحه 


واعذروني اكتب من الجوال ان كان فيه اخطاء 

والسلام عليكم ورحمه الله وبركاته 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اللمبه ب 950  ولا الشمعه ؟ تاكد يابن الحلال وش ذي اللمبه اللي قريب من 1000 ريال !؟


up 2 down 0
fx2y -197
قبل 4 سنه و 5 شهر



وعليكم السلام ورحمة الله وبركاته

غالبا ان كان فيه مشكلة في الفيوز ماتكون تدريجية

يعني فيوز ضرب ... خلاص انتهى.


افحص المحولات الظاهر المشكلة منها.



فيه حركة تقدر تسويها وان شاء الله تكشف المشكلة

اشتر شمعة وحدة لاختبار الجهتين بنفس قوة ( واط ) الوكالة وركبها.

اذا اشتغلت معناه الشمعات فيها مشكلة .

وان ما اشتغلت فغير الفيوز بما انه رخيص ويمكن السبب

سبحان الله يطلع منه !!!!

وان ما اشتغلت في النهاية افحص المحولات.


انا اعطيتك هالخطوات لأن خوفك يتفلسفون عليك هالكهربائية.

وهذا في حالة مالقيت كهربائي موثوق.




وفالك طيب


up 1 down 0
فانتازي 1771
قبل 4 سنه و 5 شهر



الله يجزاكم خير ايه ياخوي اللمبه ب ٩٥٠ فالوكالة لمبه لحالها والشمعه ب ٢٩٠٠ 


up 0 down 0
راكان-505 7167
قبل 4 سنه و 5 شهر



طيب جرب تغير الفيوز تراه رخيص ماراح تخسر شيء

افحص الفيوزات عند كهربائي ويعلمك اي فيوز محترق وغيره وجرب

ابد دايم بالحلول السهله ثمن تدرج للصعب


up 1 down 0
amear 1335
قبل 4 سنه و 5 شهر



ان شاء الله ابي اغيره 


up 0 down 0
راكان-505 7167
قبل 4 سنه و 5 شهر



هذه اللمبه  احترقت 
قد صارت لي قلب لونها وردي
ثم طفت
غيرت اللمبات  وصارت ممتازه 


up 1 down 0
خالد الامير 180
قبل 4 سنه و 5 شهر