مكيف السيارة ما يبرد

تاكد انه علي البارد 
وغير الفلتر او نظفة لوغيه غبار بسيط 

كم لك ما شغلته
ممكن لك فترة ما شغلته عشان الشتاء وبعض انواع السيارات لو جلست شهر مثلا ما شغلته
يهرب الفريون كله 
لازم تشغله حتى بالشتاء اقل شيء مره بالاسبوع لو 10 دقايق 
ارجع عبيه فريون وخلهم يفحصونه ممكن حصل تهريب حتى لو كل يوم تشغله

اذا على الضمان روح شف وش المشكله

يعطيكم العافية ما قصرتوا المكيف اشغله دائما وقت الظهر المشكلة انا اسوي صيانة برة الوكالة لان عندهم زحمة ومواعيد وقرف

حتى لو تسوي صيانه خارج الوكالة وش المشكله طالما السياره باقي تحت الضمان بالكيلو
بعدين المكيف من الاشياء اللي ما تعمل لها صيانه دورية 
يعني لو كان القير خرب عندك على 90 الف و دفتر الصيانه مكتوب تغييرة على 80 الف
نقول الوكالة لهم درب عليك انك مشيت فيه اكثر من المطلوب
ولكن المكيف ماله صيانه يا شغال تمام او يخرب 
والتهريب لو كان من جلده يكون تحت الضمان او من الثلاجه يكون تحت الضمان
لو كان من الرديتر ما يكون تحت الضمان

اذا المكيف الكتروني ترا فيه حساس مع الاجواء البارده مايبرد ويفتح لك الهوايه اوتوماتيك 

اما اذا المكيف عادي ودرجة البروده على اخر شي فابداء بالفلتر غيره اذا نفس الحال راجع الوكاله 

وضمان يشملك حتى من غير صيانه ................. موفق

شوف راجع الوكالة او اي محل مكيفات اذا معاك فلوس و منت مضطر على الوكالة اغلب الظن انه فريون لان الفلتر
يا شباب يضعف الهواء من الوصاخه و ليس التبريد و يكون الضعف تدريجي يعني رح يحس اختلاف بسيط كل يوم
مو فجأه عشان كذا اتوقع فريون بس مدري ليش كله طلع فجأه
طبعا اذا كان الكمبرسر شغال ؟