تجربة زيت كاسترول ماجناتيك

بعد اذنك انا عندي النترا اغير زيت سوبر جي تي 20/50والسياره الان مااشيه 110000ودس اغيره لموتر كرافت 10/30لو غيره هل فيه خلاف لاسمح الله

هلا اخوي ماجداهم شي خذ فلتر من الوكاله اصلي لاتاخذ حق البنشري والزيت شوف الكتيب حق السياره وش الموصى تغيره اغلب الكيا والهونداي يوصون ب5w30 انا اغير النوع الي ذكرته في موضوعي وانت لك الخيار بارك الله فيك

والله مدري هو اصلي او لا .. لكن خذها قاعده ترى 95 % من زيوت كاسترول مغشووووووشه وراح تتعب ويشيب راسك لين تلقى الاصلي 

فنصيحه لك ( ابعد عن الشر وغنيله ) وخذلك زيت بترومين 5w30 A1  او موتر كرافت 10w30  عالاقل زيوت مضمونه وقليل الغش فيها

ثاني شي هي افضل من كاسترول الاصلي اصلا ..وانت بعد ماتجرب زيت بترومين راح تشوف فرق العزم وصرفيه البنزين بينه وبين كاسترول

الله يجزاك خير اخوي ابوهيثم على النصيحه 

اخواني في الله حبيت اهديكم الفديو هذا http://www.youtube.com/watch?v=VCjuw6klrwY

غريب هذا الزيت اول مره اشوفه 
الي اعرفه ان زيت كاسترول ماجنتيك 5w30 يجي تخليقي كامل ويكتب عليه fully synthetic,,
بينما الزيت الي في الصوره مكتوب تكنولجيا تخليقية synthetic technology.. 

مدري اذا هذا زيت نوع اخر والله اعلم,,
لكن الزيت اصلي لا تشيل هم دام عليه ختم كاسترول الي على اللصقه الي على الغطا 

ممتاز واستخدمه من 5 سنوات بي ام دبليو ومرسيدس وسوبربان ...


كل الموجود اصلي للعلم سواء مصنع الإمارات أو مصنع السعودية شركة ..الخريف

يجي A5 5w 30 full synthetic

لا يوجد زيت كاسترول مغشوش ياخواني !!!

هذا موب مجلس سوالف
هذا منتدى يجب أن نحترم الآخرين في معلومة نقدمها ..

الغش في الزيوت من البنشري نفسه ..إذا وقفت فوق رأسه خلاص لا يوجد غش


الموجود زيت مكرر معاد تصنيعها وهو نوعين
بحلس مصنع جدة
سوبر حي تي
اللي شكله يشبه فوكس

ووزارة التجارة مصرحه لهذه المصانع ...

اسمح لي بالرد اخوي ابو هيثم واحترم شخصك والرد هو للتوضيح
شركة بي ام دبليو من موديلات 2002/2015 يأتي غطاء الزيت مطبوع عليه castrol مختومة ختم !!! مع أن بي دبليو لديها زيت بنفس المواصفات من إنتاج bmw لكنها لم توصي به !!!
فلا أعتقد ان شركة كبيرة مثل بي ام دبليو راح توصي بزيت غير مناسب !!خاصة أن الضمان طويل والخسارة ع الشركة لو اخترب المحرك
أن ضمان بي ام دبليو يمدد حتى 160 الف فهل تستحمل شركة تبعات هذا القرار أن كان غير مناسب وتغير محركات السيارات إذا خربت على حسابها !!@

اترك لك التفكير بالإجابة

سأضع تجربة تثبت أنواع الزيوت وهي تجربة عالمية ومقاييس معتمدة امامك تشاهدها وليس تجارب شخصية قد تكون ضحية أهواء أو ميول أو أي شئ آخر ....

ماجنتك اللي متعود اشوفه علبته بيضاء

الزيت ممتااااز جددا ........افضل زيت بلا منازع موبيل 1 العلبه ب 50 ريال بس يمشيك 10 الاف كم 

اخوي  carstest  على راسي والله 

طيب انا ممكن أسألك ؟ ليش وكاله الوعلان ألغت تعاقدها مع زيوت كاسترول عام 2012 واتجهت لزيوت شل هيلكس ؟ مع ان تعاقدهم استمر طوال 12 سنه ؟

السبب ان زيوت كاسترول لا تناسب محركات الهونداي الجديده ؟ والدليل ان اغلب راعين السوناتا موديلات 2011 وفوق تخبط مكاينهم وهي مامشت الا 120 الف فقط ؟ ويقولك يعلم الله اني محافظ على الموتر .. بس ذا سألته وش تستخدم زيت قالك كاسترول ؟؟؟

صدقني وكاله الوعلان ماراح تتخذ هالخطوة وتلغي تعاقدها مع كاسترول عشان واحد او اثنين لاعنين اوم المكينه وخبطت عليهم بسبب سوء الاستخدام ؟  لا اكيد جاهم تخبيط بالالاف ودرسو الموضوع وتبين لهم ان سبب التخبيط هو هذا الزيت 

وبما ان راعي الموضوع نزل موضوعه بقسم كيا فهو يتكلم عن السيارات الكوريه ( طبعا كيا وهونداي نفس المكينه والقير وباقي القطع  .. السوناتا نفس الاوبتيما والسيراتو نفس الالنترا والريو نفس الاكسنت .. الاختلاف بالشكل الخارجي والديكورات )

وعشان نوصل انا وانت لنقطه اتفاق اقولك زيوت كاسترول يصلح لسيارات معينه وسيارات لا .. لكني متأكد تمام التأكد إن زيوت كاسترول لاتناسب المكائن الكوريه موديلات 2012 وفوق ( مااتكلم عن الهونداي القديم ) .. ويعطيك العافيه يااخوي  

وعشان تتأكد اكثر .. فيه عضو اسمه عبدالله711 نزل موضوع فيه جدول مقارنات بين الزيوت .. ومن ضمنهم مقارنه بين زيوت كاسترول اللي استبدلتها وكاله الوعلان بزيوت شل هيلكس :

1/ انتشار الزيت في كاسترول ماجناتيك عند درجة 33  ----   انتشار الزيت في شل هليكس عند درجة  45 
فرق كبير لصالح شل هليكس !!!

2/ تبخر الزيت في كاسترول ماجناتيك عند درجة 202     -----   تبخر الزيت في شل هليكس عند درجة  246
فرق كبيررررر لصالح شل هليكس !!!

3/ لزوجة ومحافظة الزيت على خواصة في الحرارة العالية .. لزوجة كاسترول ماجناتيك عند درجة 145 --- لزوجة زيت شل هليكس عند درجة 154
ايضا لصالح شل هليكس !!!


واذا تبي رابط موضوع الرجال تفضل هذا هو :
http://montada.haraj.com.sa/45215/

ياشباب 
الكل ينتبه للزيت اللي يحطه في موتره لازم تحط الزيت الموصى به من المصنع 

واحد من اخويياي عنده افلانش 2007 يغير زيت 20w50 لين ماطقت المكينه
هو اصلا المفروض يحط زيت 5w30
هو الحين قاعد يطق ع راسه

الزيت ده ناس كتير بتشكر فيه 
وغير معقول ان وزارة التجارة والصناعة ممكن تسمح بزيت يضر المكينة 
وغير ذلك اختار اللزوجة المناسبة وانت تكون في التمام 
وما فيه شيء اسمه زيت ينفع لانواع وانواع لا ... كلام غريب 

انا عندي كيا سيراتوا 2011 محافظ عليها ماشيه الي الان 92 الف وشاريها من دكتور صديقي وهيا 88 الف ومعي منذ 6 اشهر وغيرت لها زيت اول ما جيبها كاسترول ماجنتك 10/40 بعد يومين قريت كتيب السياره لقيت اللزوجه مش موجوده في تصريحات الشركه رحت للوكاله هنا بحائل قالو حط زيت كاسترول جي تي ار اكس 10/30 وكويس بيمشي 5000 كيلو والهي ويعلم الله اني ما كملت عليه 2200 كيلو والا لونه غمق واحس السياره مخنوقه وصوتها عالي وسحبها قل رحت للتوكيل قلتله شوف الزيت قالي هئا لازم يتغير قلتله امال ليه تقولون انه يمشي 5000 كيلو وانا ما كملت عليه 2200 كيلو قال الجو حر وانتا ممكن تقرص علي المكينه =ما عجبني الرد ومشيت .. وسألت اصحابي وناس بتفهم استقروا علي زيت بترومين ايه وان 5/30 ما شاء الله تبارك الله زيت اول ما حطيته بالمكينه صوتها هدي وعزمها اقوي بدون صوت عالي وصرفية البنزين اقل وهذه تجبرتي حبيت افيدكم بس نصيه لاتسمعوا كلام حد الزيت في الاجواء الحاره لازم تعمل حساب انك بتشغل المكينه كتير وهيا واقفه وفي ناس بتقعد بالساعات سايبه السياره واقفه ومشغل المكيف وهذا برضوا يحتسب من عمر الزيت فلازم لو خدت زيت 5 الاف نزله علي 3 الاف ولو خدت زيت 10 الاف نزله علي 7 الف افضل ما تخبط المكينه معك . واختار الزيت التخليقي بالكامل وجيبه من تاجر معروف للجمله وعليه سحب كتير علشان تضمن ان الزيت اصلي ... موفقين جميعا

يفيدونك الاخوان