تنصحوني باوبتيما 2015

و عليكم السلام 
انا ما جربت السياره بس يمدحونها و العزل الارضي فيها تعبان 
و الوكيل سيء للغاية و انا كنت محتار بينها و بين الالنترا فل كامل 

و الحمدلله اخذت النترا و مرتاح فيها و لها اكثر من وكيل و ما تخاف من القطع 

و مكينة 2000 cc طياره ما شاء الله و صرفيتها طيبة مناسبة لك 

و ف النهاية الخيار لك و اذا بتاخذ خذ النترا احسن لك خذ فل كامل الناغي بدون بصمه و جلد 

انصحك تاخذ مستعمل بسيط  اذ كان السعر يفرق فرق حلو عن الجديد وما جربتها للعلم

انصحك تاخذ مستعمل بسيط  اذ كان السعر يفرق فرق حلو عن الجديد وما جربتها للعلم

النترا ماتصلح لي صغيرة وانا اخذ اهلي تقريبا ٧ اشخاص الالنترا ضيقة
انا افكر اخذ سوناتا ٢٠١٥ ستاندر بس مدري كم سعرها يقولون غالية

خذ التيما ارخص منها بشوي 
وافضل واقوى ووكيلها جيد 
وفي البيع افضل 

واحد من الزملاء معاه اوبتيما 2011 والله انه كارفها كرف ولا قد غير الا فحمات وكفرات وماشية واجد وكل جمعة وسبت طريق عقبات الی البحر وقيرها عادي 6 نمر السيارة مرتاحة حتی علی السرعات العالية 
انصحك فيها ولكن بعد ما تستخير والله يكتبلك الخير

السيارة حلوه واذا بتحافظ عليها ما راح تطلب 
بس اذا تبي تفجر وتفحط وحركات شباب 
راح تطلب منك اكيد 

اللي يهم في اي سيارة مكان تواجدك والسكن حقك 
اذا مدينة كبيرة وفيها قطع غيار وكيل ممتاز 

خذلك لفه على مازدا ٦ تراها حلوه وخدومة جدا 


ولا تنسى صلاة الاستخارة 
والله يوفقك للي فيه خير وصلاح لك 

اعتقد فيه ارخص
الاوبتما يميزها رخصها وسعرها المميز
نفس سعر الكورلا من الاستاندر الى الفل كامل
اذا يهمك الحجم اكيد الاوبتيما .. ولكن اذا تفكر بسيارة شبابيه وفيها مواصفات حلوه خذ النترا فل وعندك الزادا 6 حلوه لاباس بها .. ولكن بتتاخر يبغالها 3 اسابيع ولازم تحجز من الآن

وعليكم السلام انا معاي وحده موديل ٢٠١٤ بسم الله ماشاء الله 

والله انها حلوه وقويه وصبوره انصحك بها وسعرها كويس 
وقطعها متوفره عن تجربه ووكيله وربي اني دخلتها ٥ مرات الوكاله صيانه ان ماشفت منهم الا كل خير شهادة حق 

والله اني امشي فيها ١٨٠ وعداد ضغط المكينة بين ٢ و٣ بسم الله عليها 
خذها وتوكل ع الله

الاوبتيما شيء كويسه سعر مقابل مواصفات بس حط ببالك بيتغير شكلها بعد اقل من سنه

انا بقول لك اياها باختصار الاوبتيما اخت السوناتا في كل شي اللي يقول لك هذي عملية اكثر من ذي كذاب

انا مجرب الثنتين واعرف مستخدمين للثنتين ، خصوصاً الاوبتيما ثلاثة من اخوياي يمتلكونها واحد منهم معه 2015

اللي مميزها عن السوناتا مطبها انعم من السوناتا وثباتها ممتاز جداً اتكلم عن السوناتا القديمة 2014 ونازل رساوتها مهيب ذاك الزود خفيفة لكن الاوبتيما خذ رجال

وبالنسبة لقطع الغيار انقز انت بنفسك لوكالة الجبر واسأل عن القطع اللي تبي بواجي فحمات رديتر طرمبة موية ومنها تعرف اسعارها واللي يقول لك ما يوفرها كذاب ، تراهم يبالغون مع احترامي لهم اوكي قطعة قطعتين مثلن باب ولا شمعة قال لك تعال استلمها بكرة بنطلبها لك من جده عادي لكن كل القطع الاستهلاكية موجودة انا مثلك كنت متخوف يوم شريت الاوبريس بس قبل لا اشتريها نقزت الوكالة وصار كل شي موجود حتى وانتاجها موقف واعرف محل في الصناعية القديمة يسوي لك خصم 30% وقطع وكالة متخصص لكيا

ادري بيجيني كوم ديسلايك وبيقولون يدعس نفسه عشان معه كيا لكن والله هذا الحق صحيح ان قطعها مهيب في كل محل الكيا مثل انتشار هونداي وتويوتا لكنها متوفرة وبكثرة في محلات معينة وهذا الشي يكفيني

اقتراحي لك خذها ومن واقع تجارب وليس تجربة وبتدعي لي افضل سيارة بقيمتها

أنا مجرب كيا ، لكن مو أوبتيما ، ما شاء الله تبارك الله ، سيارات بمعنى الكلمة ، سيارات عملية واقتصادية ،،

وفقك الله ورعاك ..

السلام عليكم نصيحه لوجه الله ابعد عن الجبر الفاشل هو وصيانته  سيارات الكيا ماعليها كلام البلى 
في كويلها الفاشل ليس لديه مستودع لقطع الغيار اي ان توفيرها صعب وخصوصا قطع البدي او المكينكيه
ومبالغه باسعاره غير طبيعيه وتوه يهتم من ناحية توفير القطع في نهاية السنه الماضيه وضع حجر الاساس
لاكبر مستودع قطع غيار كيا في الشرق الاوسط بالشرقيه ولا ندري متى يخلص وفوق هذا تطر ترمي  نفسك في 
في فرع صيانه  عليه ضغط مو طبيعي  لكن سيارات كيا فعلا ممتازه وهالكلام من تجربه مع الوكيل  كان معاي سبورتاج2014
تخيل قيمة كمبرسر المكيف 4000 ريال 
الله يوفقك ويرزقك

جزاكم الله خير
متابع...

انصحك فيها سياره عمليه وتتحمل الكرف واما الجبر انت وش تبغى فيه ؟؟؟ قطعها متوفره في كل مكان والسياره اي واحد يقدر يسوي لها صيانه وانا امتلك كادينزا وقطعها في جده ومكه والطائف والوكلاء الجبر والبراشي والثمالي < كيا اما القطع الاستهلاكيه موجوده في هونداي وهي اخت السوناتا والوكلاء الناغي ومنيف النهدي وفدعق والصيعري وبابقي يعني مارح تحتاج الجبر كثير 

انا ساكن بالطائف
يعني القطع متوفرة هل لهم فرع عندنا 
وش اسم وكلاء كيا؟

بهالسعر

عندك 1- اوبتما 2- مازدا 6
3-التيما وكلها كويسه وعن نفسي افضل المازدا 6

طيب كيف رساوتها ياشباب

طيب الماليبو ما فكرت فيها?? 


صراحة ما اقدر اقولك هي موب كويسة ولا كويسة لأن ما تجربتها