أضف سؤال أو موضوع جديد          

تقرير كيا اوبريس 2009

up 26 down 15
a.ibrahem 3167
قبل 6 سنه و 7 شهر



مساكم الله بالخير جميعاً
ندخل في صلب الموضوع على طول كيا اوبريس يمكن البعض يعرفها والبعض يجهلها ، استخدمتها سنة ونص تقريباً ( النية كانت كادينزا ) لكن وقتها الظروف ماسمحت او بالاصح ماحبيت اظغط نفسي ، وفضلت اني اشتري الاوبريس بحكم سعرها القريب مني حيل يعني بعت السوناتا وزدت مبلغ بسيط وحصلت على موتر في قمة الفخامة وبسعر معقول

طبعا خذيتها ب39 الف قبل سنة ونص اعلى فئة في الاوبريس وبدي وكالة ونظيفة من الى ، قبل ما اشتريها رحت لقطع الغيار لأني كثير اسمع كيا مايوفر قطع وقطعها غالية وللاسف اكتشفت ان كلها اكاذيب ، يعني سألت عن مجمل القطع ومتوفرة ولله الحمد رغم ان انتاجها متوقف وفوق كذا رخيصة قطعها الميكانيكة
مثال : الفحمات تقريبا 190الرديتر ب 900 ريال اصلي وكالة بواجي ب 300 وشوي مساعدات طقم وكالة ب 400 ريال واللي يميز الاوبريس مالها قطع تجاري اصلي وكالة ورخيص انا انصدمت بصراحة

وللأمانة قطع البدي فيها شوي غلاوة لكن على فئتها يعني الشبك ب 750 تقريبا او 700 ريال لكنه فخم فيه شبك الكورية ب 500 تقريبا لكن مايقارن بحق الوكالة ، الشمعة عتبي عليها أنهم مايبيعونها قطع لازم كاملة يعني موترك فل واحترق المحول او لمبة الزنون ماتقدر تشتريها لحالها لازم تاخذ شمعة كاملة ، سعرها تقريبا 2700 بس محول وشمعة زنون وكبوس وسكن هذا بالنسبة لشمعة الفل ، الاستاندر رخيصة ب 800 او اقل بعد

الشي الآخر واللي شدني فيها وخلاني افضلها على الازيرا رغم اني احبها ولازلت احبها وكنت بشتريها على وقت السوناتا ، انها اريح مركب يعني مراتبها جداً مريحة واشوف اغلب فئات الكيا مراتبها اريح من الهونداي < وجهة نظر الاوبتيما الجديدة اريح مراتبها من السوناتا والسيراتو ايضا بالنسبة للالنترا

ايضا مواصفات الأمان اللي فيها يعني عشر ارباقات بعكس الازيرا ارباقين وثبات الكتروني يعني كنها السوناتا الامريكية اللي معي من ناحية الامان والثبات

نجي لأخر نقطة اللي هي الجودة يمكن بعضكم بيكذبني او يعتقد اني امدحها بحكم امتلاكي لها ، لكن يشهد الله انها اخت الازيرا في الجودة ولله الحمد سنة ونص ماغيرت سوا مساعدين قدام بس وحقت الشد بلد بعد كانت وغيرتها ب 400 ريال مع تركيبها 450 ريال.

رغم ان مشاويري على السيارة كثيرة لكن احافظ ومنتظم في تغيير الزيت والتحمية



وللاحاطة بأن مكينتها 3.8 لتر حتى على اقل فئة بعكس الازيرا اللي تجي منها 3 مكائن واكيد طبعاً 3.8 افضل من ناحية العزم والتسارع ولا تتكلف في الدعسة ماشاء الله

أخيراً حبيت اني اوضح هالتقرير للفائدة فقط ! وممكن يستفيد منه شخص مقبل على شراء نفس السيارة ولديه بعض الاستفسارات لذلك حبيت افيده في النقطة هذي


شاكر لكم مروركم ،،،
وتقبلوا مني اطيب تحية ،،، واعتذر على الاطالة














إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يعطيك خيرها ويصرف شرها


up 1 down 0
snoon 335
قبل 6 سنه و 7 شهر



الله يجزاك خير يا هاجد


up 1 down 0
a.ibrahem 3167
قبل 6 سنه و 7 شهر



اصلا هالسياره بديله للكوريس وقفو تصديرها وانتجو الكوريس
لان الاوبيرس ع وقتها افخم سياره بكيا 
شاكر لك ع هالتقرير


up 3 down 0



العفو يا غالي ، انا اول كنت اشكك ان الكادينزا بديله للاوبريس رغم اني الاوبريس اعلى فئة منها في المواصفات والامان

لكن اللي خلاني اجزم ان الكوريس بديلة لها ، هو المواصفات اللي فيها يعني المراتب الكهربائية والستائر الجانبية وعدد الارباقات مهيب في الكادينزا

لكن تضل الكادينزا سيارة ولها اسمها ، وسعرها صراحة مغري جداً ومنافس قوي





up 1 down 1
a.ibrahem 3167
قبل 6 سنه و 7 شهر



ماشاء الله تبارك الله انا من عشاق هذه السيارة خصوصا يوم نزلت سنة 2004 كنت بالثانوية رحت فرعهم بمركز شهد التجاري سابقا ( هدموه وطلعت عماير مكانه ) طريق الملك فهد قبل النقطة حقت الداخلية كنت اوقف قدام السيارة وانا مذهوووول وكانت تعجبني الفئة اللي تجي شاشة زرقاء اما الساعة الخضراء اللي بالوسط بالستاندرد ابو كلب كانت ايامها ماكينتها 3.5 لتر V6 فيها 197 حصان نفس ماكينة الجيب التيركان اللي يعرفه وكانت سابقة عصرها بالمواصفات زي ازرار التحكم بالمراتب الامامي والذواكر نفس الفياقرا ماخوذة منها وتقريب المرتبة الامامية جهة الراكب من الخلف هذي ميزة رائعة بذاك الزمان والتخشيبة والجلد الناعم بعدين نزل الشكل 2008 و 2009 صراحة خقيييييييت معاه جاه بماكينة 3.8 لتر ياسلام قمة بالروعة ونظام صوت انفينيتي قوي جدا وتعديل الدعسة كهربائيا ونظام تنقية الهواء زي سيارة الاخ اعلاه هذي ميزة اختيارية نظام الفلتر النشط بالايونات وتبريد وتسخين المقاعد الخ ..... على مواصفاتها سعرها الان بلاااااااااااش رخيصة جدا جدا اشكرك ياصاحب الموضوع على التجربة الجميلة ذكرتنا بايام جميلة  


up 7 down 1
benz lover -78
قبل 6 سنه و 7 شهر



الله يجمل ايامك يا benz lover وشاكر لك مرورك وتعليقك الهادف والبناء

تحياتي لك ،،،


up 1 down 0
a.ibrahem 3167
قبل 6 سنه و 7 شهر



هالسياره صارلي فيها موقف مره 

كانت عندي زوم 3 خبط القير ووقتها كنت كل شوي اروح للوكاله اللي فخريص
كنت اعرف موظف يمني فالصيانه
المهم قلي تعال اوصلك لجرير لانها كانت قريبه \\اخذ كيبا اوبريس واول مره اركبها بصراحه فخمه من جوه
قلتله هذي سيارتك ؟
قال لا سيارة عميل
قلت طيب شلون تطلع تفرفر فيها
قال عادي ننزل عدادها   

هالشي صار معي والله الشاهد على كلامي 
بعدها صرت ما ائئتمن على صيانة الوكاله
هذا ان ماسرقو منها قطع 


up 1 down 7
شويخ من أرض مكناس 2824
قبل 6 سنه و 7 شهر



انا ولله الحمد يا شويخ ما اسوي صيانة في الوكالة للاسباب التالية :

1- انها خسارة مبالغ كبيرة على الفاضي ، وايدي عاملة غير محترفة جداً وتستاهل فرق السعر ، يعني اذا انت تعرف لك ميكانيكي كويس وميزان كويس لعضلات سياراتك وش تبي بالوكالة حتى لو الموتر جديد ماعليه الا العافية ، في حال لاقدر الله العيوب المصنعية ممكن ترجع لهم ومجبورين يصلحونها

2- اني ما اقدر اشوف موتري وهم يسوون له صيانة يمكن يكسر شي تحت ويلفق لي يمكن يخربها ، هذا غير الصدمات اللي يصدمون فيها واحد اعرفه صادمين باللكزس حقه 2014 ls 460 مدخله تخيل صيانة 5000 ودقشوا بالصدام وطاحت وحده من الحساسات

قهررر

لكن الواحد مايقول الا الحمدلله على كل حال

تحياتي لك وشاكر مرورك يا شويخ



up 0 down 2
a.ibrahem 3167
قبل 6 سنه و 7 شهر



السياره الوحيده الي احترمها بكيا،،


up 1 down 0
dr.xl 248
قبل 6 سنه و 7 شهر



والي منقهر منها ليش وقفت ٢٠٠٩


up 1 down 0
dr.xl 248
قبل 6 سنه و 7 شهر



ماشاءالله تبارك الله 


up 1 down 0
abdulaziz al-malki 981
قبل 6 سنه و 7 شهر



دفع خلفي مثل الكوريس ولا امامي 


up 1 down 0
blakman 2
قبل 6 سنه و 7 شهر



بسم الله مشاء الله 
الله يطرح فيك ....فيها البركة ،

شويخ < شاقح 
مساء الخير الاوبرس فاشلة مو افخم من الانترا فاهمني ياعسل

وع فكرة ذكر الله طيب 


up 3 down 2
aziz..747.. 2421
قبل 6 سنه و 7 شهر



تصدق احسب ذي السياره معفنه من جوه وشكلها قبيح جدا جدا 

وطلعت العكس من الداخل فخخمه وجميله بس شكلها من برا لك عليه 


up 1 down 0
do8sh 208
قبل 6 سنه و 7 شهر



حياك الله يا blackman الموتر يا غالي دفع امامي

aziz..747 الله يجزاك خير على هالدعوة الطيبة ويبارك لك في حلالك
do8sh انا اول مثلك ماكنت القي لها بال اعرف انها كيا وفخمة بس ما توقعت فخامتها كذا من جوا والمواد المستعملة تختلف عن جميع سيارات كيا في ذيك السنة
al_almaani حياك الله ياغالي بس عفواً مافهمتك وش تقصد







up 0 down 0
a.ibrahem 3167
قبل 6 سنه و 7 شهر



ماشالله تبارك الله


up 1 down 0
متجر المسـتـقـبل 2030 264
قبل 4 سنه و 12 شهر



الله يجزاك خير يابعدي ^^^


up 0 down 0
a.ibrahem 3167
قبل 4 سنه و 12 شهر