رايكم أيهم الأفضل بالعزل أوبتيما 2015 أو سوناتا 2015 ؟

السوناتا والابتيما خوات بكل شي اللهم التصميم الخارجي خذ السوناتا لانها شكل جديد والابتيما تغير شكلها 

استاجرهن وامش 200 وشوف 
شي ماهو لك العن ساابع جدفه "هذا هو سبب ان ماحد يشتري سيارات كانت تاجير"
امزح لاتمشي 200 لكن امش 140 وشوف العزل كيف 
اعرف كم واحد يمدحون السوناتا ويقولون عزلها جدا ممتاز وراسية تاكل مطب وماتحس فيه
بس فيه بعض الناس زعلانين .. بانوراما وعزلها كذا !.. يبونها تكون زي اللكزس

علي حسب سيارتك الان لو كان معك سياره فخمه مثلا مرسيدس او بي ام ما بيعجبك عزلها لكن لو معك ونيت او جيب بيعجبك والسوناتا والابتيما اخوات بكل شي وانصحك بالاوبتيما ب 59000 والباقي انت اولي فيها 

انا امتلك سوناتا الشكل قبل الاخير 
وبصراحة العزل مش ولابد  
ورساوة مقبوله
بس مادري عن الشكل الجديد هل عدلوها 
او باقي نفس الشي

الاوبتيما تعليقها رياضي يعني طبيعي اقسى وعزلها اقل

قبل أن أبدء طبعاً كلامي عن تجربة 
الأوبتيما أفضل من السوناتا 2015 الشكل السابق ( الدفعة الأولى )
أما ( الدفعة الثانية ) يقولون ملاكها تغيرت تغير جذري من جميع النواحي 
أخيراً أنصحك بتجربة السيارتين ثم الحكم , مع العلم أن الوكالة توفر Test Drive

موفق خير 

السوناتا الجديدة تحسن العزل فيها 
وانا جربتها صراحة عزلها كووويس 
ورساوتها جيدة وتنفع لك اذا تمسك خطوط قصيرة 
اما اذا انت راعي خطوط 1000 كيلو وفوق 
انصحك تدور امبالا ولا ماليبو ولا فيوجن ولا تورس 



الاوبتيما ماقد جربتها. 

انصحك بالالتيما السيارتين الاوبتما والسوناتا خصوصا البنوراما العزل يقولون فااشل 

الاوبتما 2015 شكل واحد 

السوناتا 2015 شكلين

شكل قديم و شكل جديد

انت وش تقصد فيهم !!

اذا تقصد الشكل الجديد اقولك سوناتا 

واذا القديم فهم اخوات بالتمام لا فرق بينهم , يعني اللي يعجبك انت خذها لانها نفس بعض

موفق

م انصحك ب السوناتا صاحبي معاه 2015 استاندر يشتكي من الديكورات يقول تطلع صوت ولد خال الوالد معاه 2012 فل كامل مرتين ضرب عليه الكمبيوتر وشوفها الحين مرميه عند بيتهم انصحك بالابتعاد عنها والله يكتب لك مافيه الخير 

طيب اللي يبا خطوط(خط الشرقية للرياض لمكة) ،،إيش أفضل اوبتيما ولا سو ناتا ولا ماليبو

عز الله ان الماليبو ملك الخطوط 
اداوم كل يوم ٣٦٠ كيلو وماشاء الله عزل ممتاز ومكينة ٦ سلندر 
نشيطه وكراسي مريحه وكمان اعيبهابنزين ٩٥ احمر الفل ب٣٨ ريال ويمشيني حول ٦٠٠ كيلو 

نسيت اقول انها تفصل على ٢٣٠ 

الاوبتيما 2015 على كم تفصل 

ماليبو أفضل خيار بجكم كثرة سفرك

انا مجرب سوناتا 2015 - 2013 عازل قوي ..الارضي كذالك لاتسمع صوت الشارع و لاتسمع صوت المحرك..

عزلهم سيئ صراحه الثنتين عن تجربه