مححححححدددددوووفففف

سيارة صارت قديمة وكلها خرابات بالغالب وصرفيتها جدا جدا عالية انصحك بالموديل 2000 وفوق ترا موب غاليات مرة واخف صرفية 

سياره بهذا الموديل يبغالها شغل . مهما كانت نضافتها . لان لها عمر  ... شوفلك فوق 99 سعرها مناسب وقطعها رخيصه

فعلا ترا تحصل 2000 الى 2002 حالته جيده على 25 الف ريال 

افضل من الموديلات القديمه

طبعا ان كان نظيف موديل 93 ومن وقفته تحسه نظيف فما فيه مشكله

لكن لو كان مهربد وانت حدك مثلا 15 الف كذا , شوفلك من 96 الى 99

تطورت بشكل احسن بقليل من 94 ونازل

قريبي معه 96 بس نظيف شراه من المالك الاول , وللان ماشي معه تمام و اي سياره قديمه مهما كانت نظيفه يطلع فيها مشاكل كل فتره

موفق 

مشكورين بس مزانيتي م تسمح 

عندنا واحد فاكينه وكالة في سنته 1413هـ.
إسأل عن عدد ملاكه، إن كانوا أكثر من 3 إنحش.
افحصه بالكامل، إذا فيه مشاكل كثير ما يمشي الموتر بدون إصلاحها بسهولة، إنحش.
معروفة الجموس من 93 وتحت أعتقد ترتفع حرارتها في الحرررر الشديد والإجهاد بس ما توصل لمرحلة الخطر، يعني إذا سافرنا عليه لمكة في الصيف تكون طول الطريق الحرارة على النصف تقريباً أو أقل شوي، وفي طلعة كرا ترتفع للنصف أو تزيد شوي.
لو فيه مشكلة حرارة عادي يكون يحتاج رديتر جديد برصات أكثر أو أشياء أخرى ما تحتاج هم.

اللي معنا من شريناه ولحد الآن ماشي 170 أو 180 ألف وكان وردة حتى ساقوه أخواني الصغار ودمروه لأنهم ما يعرفون يسوقون، فوظبنا القير وصلحنا كم مشكلة فيه ولحد الآن مو سالك 100% فيه أشياء تحتاج إصلاح.

إذا لقيت واحد نظيف مرة وما ساقه ناس كثير فخذه توكل على الله.

مشكور والله يسعدك

الموديلات هذي تتقهوى بنزين بشراهه ،،

بالنسبة للاعتماديه فهي موديلات قوية و تتحمل لكن البلاء اكل الدهر عليها و شرب ،،

الله يكتب لك مافيه خير اخوي

طلع الشيب في راسي وراس عمي وشكر 

ايه ماتسوى ريال ياللي معطيني دس لايك 

93 قديم وفيه عيب الحراره ولو تركب مراوح انفاق قدام الرديتر ماتهجد حرارته 
عشانك قديم وفاغر وماعرفت سياره غيره تقوم تعطيني دس لايك 
ياصاحب الموضوع السيارات القديمه ماعد تنفع لاتقنيه ولاامان ولامواصفات غير المقاعد فقط لاغير 
ازعاج وهو واقف وفي الخط ماغير يناقز تقول مرجيحه 
اذا تبغى جمس مريح في الخط وراسي عليك بالجموس الجديده مقاس 1500 اريح في الخط 
ونادرا تحصل فيه مشاكل الحراره 
موديلات التسعين وخاصة مكاين 454 معيوبه ومعروفه بالحراره مع الوقوف والانتظار 
اثنين من عماني يملكون الجموس هذي 93 مقاعد مفصوله ملكي و94 مقعده اماميه متصله
ودايم يشكون من الحراره 
وانا بنفسي اعمل صيانه للـ 93 واصلحه دايم ولايبان فيه مع انه واقف مايتحرك الا للسفريات 

هذا ماعندي وانا علمتك بالصحيح ونصيحة مجرب ابعد عنه اريح لك ولدراهمك ونفسيتك 

موفق 

القديم مشاكله ماتخلص حتى الشكل راح 
ومن 2000 وفوق رافعين اسعارهن بالعلالي لقيت واحد 2000 مافيه سمكره بس ضربات باكثر البدي 
ومراتب جلد رايحه فيها تشقق وحالته حاله طالب 30 الف !!!
واحد نظيف قصيردبل 2001حد 45 الف وقيمته الحقيقيه ماتتعدى 28 وان طار مايتعدى 35لكن كل شيء مرتفع الله يعينك 
دور 98 و99 تحصل ان شاء الله بقيمة معقوله

موديل 2000 الى 2006 افضل منه في كل شي

القديم بيبهذلك لو مهما تبلغ نظافته وحرارته ماراح تكون مستقرة مثل الجديد

معنا 2001 ولله الحمد الحين كمل يمكن 5 الى 4 سنوات ونص حرارته ماقد تعدت شرطة عن النص ماشاء الله تبارك الله ، ونروح عليه خطوط وابوي يداوم عليه في الزحمات ولا قد اشتكى من شي ماشاء الله


القديم خصوصاً ماكينة 454 بيبهذلك وفرامله وقيادته وصرفيته في البنزين مهب مثل الجديد

لو تعلمنا كم حدك ونفيدك يجيب لك موديل كم


بالتوفيق