افضل من الوكاله اة المعارض

كلها مضمونه وكيف بعض المعارض يجي به خدش

انت شوف المعارض تشوف السياره قدامك وش اللي صحيح وماهو صحيح

الوكالة تشتري السياره على ورق بعدين تستلمها غصب عنك وانت ما تدري عنها

لكن المعارض تشوفها قدامك وتختار السياره اللي تبيها وتجيك نفسها يعني افضل

ولو فيها خدش بسيط بالعكس ينزل من سعرها 2000 ريال لانها خدش وهي جديدة

وخدش بسيط ما يضر اعتبر نفسك وقفتها عند البيت او عند احد المولات واحد فتح الباب عليها او حكت عربية

والله ياخوي انا انصحك بالوكاله انا شريت موتر اصفار من معرض وسارقين نص الاغراض حسبي الله عليهم مع العلم اني شريت بسعر غالي وانا ماحدني على المعرض الا لاني ماحصلتها بالوكاله ياخي يكفيك بالوكاله تاخذ شيء مضمون

انصحك بالمعرض لأنه أرخص من الوكاله تقريبا ب 3000 أو أكثر لأن المعرض موزع والموزع معروف انه أرخص من الوكيل

اولا الموهافي دفع رباعي 

ثانيا مع احترامي سعره مبالغ فيه بقيمته فيه خيارات افضل 

بالنسبة للمعرض او الوكالة مافرقت الضمان واحد والوكيل واحد 

المعارض ارخص طبعا وتقدر تطلعها بيوم واحد 

واحتمال كبير ماتحصل معرض عنده السياره هذي 

عليك بالمعارض تشوف الموتر بعينك وتتفحصه زين على الاقل موب واقفة بالشمس وكفراتها محبلة وارخص من الوكيل انت اولى بالفرق 

ماافيه افضل من الوكااله...

شليويح على اي اساس تقول مافيه افضل من الوكالة

هي كلها وحده بالعكس المعارض السياره واقفه تحت مظله اغلب المعارض الكبيرة مظلله 

لكن الوكالة واقفه تحت الشمس حتى استلام المشتري لها بالنهاية كلها نفس السياره ونفس كل شيء والضمان نفسه

لكن المعارض ارخص

توكل على الله وخذها من المعارض لأسباب ،. اول شيء السعر اقل من الوكاله من ٣ الاف الى ٥ الاف ، والشيء الثاني يوم بالكثير وان شاء الله تستلمها ، وتختار المواصفات واللون اللي تبيه ، وحاول تدور معرض يكون موزع معتمد للجبر، وعلى البركه مقدماا.   

شف السعر الاقل وخذه لاكن ان كان السعر واحد اشترها من المعارض
لسبب انك تعاين السياره الي بتشتريها بالضبط وقبل تدفع فلوسك تاكد ان اغراضها كامله

.. ﷽ ..
" إنّ اللهَ وملائكتَهُ يُصَـلُّونَ على النبي يا أيها الذين آمنوا صَلُّوا عليه وسلِّمُوا تسليما " …
              ﷺ


 اللهم صل على محمد و على آل محمد كما صليت على ابراهيم و على آل ابراهيم انك حميد مجيد
 و بارك اللهم على محمد و على آل محمد كما باركت على ابراهيم و على آل ابراهيم انك حميد مجيد

صدق من قال الناس اذواق مدري وش عاجبك في شكلها 

اذا كان فرق السعر اكثر من 3000 الاف خذها من الوكاله 

وانت شوف حسب اللون الي نسابك ممكن تصلحه في المعرض لكن مو الوكاله والعكس صحيح حتى المواصفات لان الموهافي 
قليل جاً في المعارض 

اعتذر 

اذا كان اقل من 3000 الاف ريال من الوكاله لكن لو اكثر من المعارض ارخص لك لكن افحصها تمام 

خصوصاً موضوع الصداء انتبه منه وشيك على الاشياء الي تجي مع السياره مثل طفاية الحريق و العده حقت الكفرات وغيرها

بالوكالة على 123 الف 
بالمعارض على موقع حراج على 115 الف
و الموتر ممتاز بس انصحك تنتظر موديلات 2016
اذا ما تغير شكله ممكن يتوقف
و ينزل بداله كروس اوفر اكبر من السورنتو

شاكر لردودكم الاحلى من روعه