أضف سؤال أو موضوع جديد          

قصتي مع الحرارة وصدمت سيارة بالورشة

up 26 down 10
بدون آسم 236
قبل 6 سنه و 6 شهر



بسم الله الرحمن الرحيم 
اولا قبل كل شيء اتمنى من اللي يقرا موضوعي يصلِ ويسلم على حبيبنا وسيدنا محمد بن عبدالله 


معي كيا سيراتو 2012 طبعا يوم الاحد طلعت من الجامعه والسيارة ماش الدعسة متغيرة والسيارة موب طبيعيه 
وانا حاس ان فيها شيء فجآة ارتفعت الحرارة 
وقفت على اليمين وشفت الاديتر مافيه ولا نقطه !! 
انا اشيك كل فترة ولانيب مهمل لكن كلمت الوالد قلت له السالفه ها وش رايك اعبيها وامشي او نشوف يمكن مشكلة 
عالعموم عبيتها ماء ورجعت طبيعيه مشيت اقل من دقيه وترتفع طفيتها
وجت سطحه سبحان الله ساق لنا هالسوداني الله يسعدة ويوفقه 
قال حطها بالتشليح ولا توديها لعربي يلعب فيها ويكذب عليك
وفعلا نزلناها عند ورشة ممتازه فلبينيين وشافها قال مبدئيا المكينه ماجاها شيئ
لكن بكرة بيكلم ويقول وش فيها 
عموما كلم قال الثروتل منكسر ( في صور ) 
ويهرب الماء وهذا سبب المشكلة 
طبعا فك راس المكينه 
ورحت شريت من وكالة كيا اصلي
وشريت رديتر كامل 
طبعا الفلبينيه ماشاء الله شغلهم ممتاز واللي ما يعرف يقولك ما يسبّك بالسيارة لين تزين
طبعا جلست يوم عندهم  بكرة كلمني الوالد جعل يومي قبل يومه قالي مر الورشة شف موترك 

الحمدلله صلحها ويوم جيت اطلع من الورشة  آ لا وتوفع الحرارة 
واوقف ويشوفها الفلبيني ويقول طف اليبارة وقعد يفرغ هواء بعدين قالي امش خلاص 
طبعا انا مابي اخذها وفيها شيء قلت له خلها عندك وشف وضعها وشغلها وجربها قال اوكي احسن عشان اتاكد من السيارة 

الحمدلله طلعت اليوم زي ما كانت يالله انك ما تحدنا للورش والخرابات 

ما يستفااد 
1- اذا ارفعت الحرارة وب على طول توضيب او تغيير مكينه افحص وشوف
2- ما اعمم ولا احط بذمتي لكن 70٪ من العرب نصابين وشغلهم اي كلام 
3- الفلبيني شغله نظيف ويدة خفيفه ومتقن عملة 

بس عندي مشكلة احس الدركسون ثقققييل مدري انا اتوهم او صدق 
ثقيل وخاصة وهي واقفه او تمشي شوي 

الوالد الله يحفظة اليوم كان طالع من الورشة ومافيها احد ومستعجل وصدم فورد موقفة عند الورشة 
طبعا مافي احد والوالد مستعجل 
جا اليوم يوم استلمنا السيارة ويكلم راعي الوشة (سعودي) قاله انا صدمت فورد وماكان في احد وكنت مستعجل 
قاله من العصر ندور ونسآل بس الله جزاك خير والمفاجأة طلع راعيها الفلبيني اللي صلح سيارتي 
ههههههه اول شيء عيا ياخذ فلوس يقول الامانه انك علمتني تكفي ، طبعا الوالد حلف وعطاة قيمه الصدمة 500 ريال
الفلبيني من الفرحة صوت على اخوياه وجو يسلمون علينا ويشكرون امانة الوالد 
طبعا مايستفاد
1- لاتصدم وتترك خلق الله صدقني غبنة وقهر وخاصة اذا كنت ما تعرفه
2- انت مسلم لازم تمثل الاسلام ولا تترك حقوق الناس ضايعة 
3- انتبه من دعوة المظلوم يمكن الله يجيب لك مصيبة اكبر من اللي مادفعته للمظلوم 

هذا العلم وسلامتكم +
تكفوووون تكفوووون ادعولي اختباراتي بتبدأ والمواد صعبه الله يسهل وييسر واتخصص 
دعواتكم تكفون لي ،










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


+1
بالتوفيق ان شاء الله


up 4 down 0
acoordian2005 358
قبل 6 سنه و 6 شهر



الله يخلي لك الوالد وتستفيد من دروسه في الدنيا لك


up 8 down 1
panamira 1906
قبل 6 سنه و 6 شهر



ما شاء الله ربي يحميك و يخليلك الوالد



up 4 down 1
ayham73 659
قبل 6 سنه و 6 شهر



حكمة
لو انت مهتم بسيارتك لو تكون صناعة الموزمبيق بتعيش معاك


up 3 down 3
ayham73 659
قبل 6 سنه و 6 شهر



حبيت اسلوبك......


up 2 down 1
so.71 -171
قبل 6 سنه و 6 شهر



حبيت اسلوبك......


up 1 down 1
so.71 -171
قبل 6 سنه و 6 شهر



عليه افضل الصلاة والسلام الموضوع ما يبيله ذا الفيلم كلو انت لو معك عدة كان فكيت الثروتل بنفسك كلها مسامير عشرة وقفيزة على الخراطيش تفتحها بالزرادية -_- {تعرف وش يعني خرطوش ^^ } ووفرت على نفسك مبلغ وقدره اعتقد صلخوك اقل شيء 500 غير قطع الغيار !! والثروتل كان مداك تاخذه من التشليح بسعر بخس حول 250 [مرة غيرت لخويي بكلتا يدي حق هيونداي النترا2011 راح الوكالة كان بياخذ ثروتل جديد ب 1900 ووديته التشليح واخذنا واحد نظيف على الشرط 3 ايام ب 200 - انت عارف القديم يوم فكيته عملت له لحام بارد وطبقته ومشى عليه كم مشوار لين غيرنا الجديد ] بعدين ليش غيرت الرديتر دام الثروتل اللي فيه عيب او ثقب او خرم !!!! الرديتر شكلهم اخذو حقين الورشة ويبيعونه مستخدم جديد لان اساس التهريب من الثروتل يا بطل الرديتر مابوه شيء روح عندهم وخذه خليه عندك في البيت تحتاجوووو واسف على الرد الصريح


up 4 down 12
ryyan555 703
قبل 6 سنه و 6 شهر



ي صاحبي 
الله يهنيك ويعوض عليك ويكفيك شرها 

اتوقع انه يتلحم ويمشي معك اخو الجديد 
ماله حعي الوكاله وتغير لو انه كسر كبير ومتشعر اقول لك صصح 

بس راه نص سم في 3 ملي 



موفق حبيبي 


up 1 down 0
سعدي عبوش 258
قبل 6 سنه و 6 شهر





 ryyan555  حياك الله 
اول شيء وانا اخوك هذا المنيوم ما يتلحم وحتى لو يتلحم خذ جديد وريح راسك 
ومنها تعيش سيارتك قطعه مهمه والسيارة موب قديمة ليش اركب قطعه مصدية بالتشاليح ؟ 
وبالنسبة للرديتر كان تجاري بسبب حادث سابق وغيرته ل آصلي 
وبالنسبة للسعر 400 ريال فحص السيارة وفك وتركيب وابشرك الرديتر القديم معي بالحوش لا توصي حريص
وحياك الله حبيبنا 


up 5 down 3
بدون آسم 236
قبل 6 سنه و 6 شهر



سعد عبوش حياك الله 
الحمدلله على كل حال 
غيرته والدنيا تجارب ودروس انا سألت عن التلحيم كثير يسبونه وبعضهم يقولون ما يضبط التحليم على المنيوم 



up 1 down 2
بدون آسم 236
قبل 6 سنه و 6 شهر



الله يحفظ والدك وانتبه تعبيها ماء عادي لازم سائل تبريد على شان الصداء واضح بالصوره


up 1 down 0
بندر اللبدانى 122
قبل 6 سنه و 6 شهر



وش سبب انكسار الثروتل مو معقولة ينكسر كذا بدون ضربة 


up 0 down 0
blakman 2
قبل 6 سنه و 6 شهر



الله يكثر من امثالك وامثال الفلبيني الامين والسوداني راعي السطحة
والله يطول بعمرك وعمر الوالد الله يحفظه لك
وكلامك من ذهب 



up 2 down 0
t o m a h a w k 761
قبل 6 سنه و 6 شهر



الله يخليكم لبعض و يبارك بخير ابوك و بسيارتك
مشاكل الحرارة اصعب شي و بكثير من الاحيان حلها سهل
لكن اللي يفهم فيها قليل


up 0 down 0
أبو نجوى 2442
قبل 6 سنه و 6 شهر



تراك كسبت حقين الورشه ههههههه

الحين يمديك تحط سيارتك عندهم بدون خوف  


up 5 down 0
i6rb_ 160
قبل 6 سنه و 6 شهر



كلامك متناقض بالنسبة للعرب و السوداني
و من تعاليم الاسلام انك تدعي للجميع بالهداية
و ربنا يبعد عنا و عنك الورش و النصابين


up 0 down 2
yousef_al-shalabi -3
قبل 6 سنه و 6 شهر



ماشاء الله اسلوبك جدا راقي يا بدون اسم أتمنى لك التوفيق


up 0 down 0
نظره امل 398
قبل 6 سنه و 6 شهر



وين مكان الورشة لو تقدر توصفنا ياها الله يجزاك الخير


up 0 down 0
ahmad akk 561
قبل 4 سنه و 11 شهر