أضف سؤال أو موضوع جديد          

أخي الكريم هل سمعت بالنقطة العمياء تفضل وأقرا

up 20 down 3
hosam200 1742
قبل 6 سنه و 9 شهر



السلام عليكم ورحمة من الله وبركات واتمنى من الله ان يبارك لكم بما عندكم ويسلمكم من كل شر ***
في أحد الأيام وعلى خط سفر وانا ذاهب الى عملي ولم يكن احد امامي ولم الاحظ احد خلفي بالمري الجانبة وعندي النافذة الخلفي مظللة تظليل داكن وقديم ***
فا أردت ان أخذ يميني من الحارة المتوسطة الى المسار اليمين ودخلت فعلا بدون ****ماعطي اشارة يمين *** واذ بسيارة تتجاوزني عن اليمين ولولا ان سمعت صوت الكلاكس العالي وبغضب 
منه لكان حصلت حادثة مأساوية لنا * وأخذ الأخ يكسر عليا ويحاصرني وانا ارفع له يدي بالاعتذار وارسل له قبلات هههه وامسح على ذقني بأن يسامحني ويقبل اعتذاري ** وصراحة سقط قلبي بين يدي *
فعاهدت الله ونفسي بأن اعطي اشارة تحويل مسار حتى ولم يكن احد غيري بالشارع  السريع او غيره ** هذه هي النقطة العمياء التي في لحظة معينة لاترى ولاتظهر بالمري الجانبية *** سوف اعطي اشارة ولو قالو ((خبل ))







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


الحمد لله عسلامتك أنت مانك خبل و لا غشيم أنت تعلمت الدرس بدون ما تدفع ثمن من صحتك و عافيتك و من فلوسك بعد
ربي يهدي كل السواقين و يفك حاجة كل محتاج


up 11 down 0
ayham73 659
قبل 6 سنه و 9 شهر



شكرا أخي ayham73 والله ستر ** هو صحيح تجاوزني عن اليمين بسرعة وهذه تحدث في الخطوط السريعة اذاكان الوسط سرعته بطيئة نوعا ما **



up 1 down 0
hosam200 1742
قبل 6 سنه و 9 شهر



أستاذي تستطيع تفادي النقطة العمياء بأنك تبعد المرايات الجانبية عن بودي السيارة نهائيا
البعض يحط المراية على بودي السيارة وخصوصا كبار السن ليه مدري !
كذا يصير السيارة اللي وراك تطلع لك في مرايتين وأحيانا ثلاث بدون فايدة وإذا جات جنبه سيارة ما يقدر يشوفها

الصحيح سلمك الله تحط المرايات بعيدة عن بودي السيارة نهائيا لأن المرآة الوسطى تغطي لك اللي وراك مع الجوانب
أما المرايات الجانبية إذا أبعدتها عن البودي تصير تكشف لك النقطة العمياء وتفيدك جدا إذا جيت تدخل في مخرج أو تطلع منه

بإختصار تصير الثلاث مرايات مكملة لبعض لأنك ما راح تشوف أي سيارة في مرايتين بنفس الوقت
لو فرضنا سيارة ملحمة فيك من اليمين بيكون في المراية اليمين وإذا راح وراك طلع لك في الوسط وإختفى من اليمين
وإذا راح لليسار بيختفي من الوسط ويروح لليسار 


up 13 down 0
بياع حراجات 870
قبل 6 سنه و 9 شهر



هذا فيديو يوضح ضبط المرآة للنقطة العمياء
https://www.youtube.com/watch?v=61DHl8SGFmc


up 8 down 0
بياع حراجات 870
قبل 6 سنه و 9 شهر



الحمد لله على السلامه 

بالنسبه للنقطه العمياء هذي اغلب السيارات 6 سلندر ومافوق تجي فيها ، وهي عباره عن لمبه صفراء او حمراء على شكل سياره صغيره تطلع لك بالمرايه اليمنى واليسرى اذا كانت فيه سياره بالمنطقه ذي  

طبعا تركيبها مكلف جدا ولازم تغير المرايا الخارجيه بالكامل وتمد لها سلك … .. الخ ، لكن فيه حل اسهل ؟ تروح لمحلات الزينه وتركب مرايه صغيره ب 10 ريال بزاويه المرايا الخارجيه عندك وانتهينا 


up 4 down 0
ابو هيثم 7 2254
قبل 6 سنه و 9 شهر



الغلط عليه 
معروف التجاوز من اليمين خاطئ
جل انتباه السائقين على المسار الايسر وغالبا الايمين لايعيرون له انتباه
لكن انت خلي عيونك مثل السمكه 360درجه هههههه 
اي حركه للسياره تغير مسار اورجوع للخلف اودخول تقاطع لازم تناظر في جميع الاتجاهات
اناحتى الاشاره لوخضراء وجيت اعديها اطالع في باقي الخطوط لايجي واحد ملقوف طاير ويقطع الاشاره وتروح غلطه واحد غبي


up 4 down 3
عقاب الخيل. -67
قبل 6 سنه و 9 شهر



مشكورين الله يسلم الجميع *** 


up 1 down 0
hosam200 1742
قبل 6 سنه و 9 شهر



الحمدلله على السلامه اللي فهمته انه هو ماسك اليمين
ومسرع وانت دخلت عليه عموما لو كان اﻻمر كذا
فالغلطان هو ذاك الشخص ﻻن المسارات اليمين سرعتها
محدده ﻻن لو احد تعطل وﻻ شي يمسك اليمين على طول
ومسموح لك تحذف ولو على طول عكس المسار اﻻيسر
بالنهايه انصحك تفك التظليل الميبس ﻻنه بدون فايده
ويشوه المنظر وغير كذا يحجب الرؤيه .. 

تقبل مروري .


up 3 down 1
الشمري 1414 224
قبل 6 سنه و 9 شهر



انا اعتبر الشخص اللي ما يعطي اشارة قبل يلف ورع غشيم 


up 0 down 3
البـــراء 385
قبل 6 سنه و 9 شهر



شكرا ياشمري 1414* هو اكيد شافني ماني مسرع وراح يتجاوزني على اليمين لانه في حارة خدمة بعد خمس مية متر  والله اعلم بنيته *
والتظليل  من الشمس وهو حراري ومفيد ماتجيها السيارة حرارة لانها هاتشباك * 


up 0 down 0
hosam200 1742
قبل 6 سنه و 9 شهر



الحمد لله على السلامه 

انا حصل لي مثلك هالموقغ وابشرك داق اشاره وطالعت في المراسه الجانبيه مافيه احد 

ويوم لفيت يمين بالتدريج الا صوت الفرامل ويصدمني من ورا وانزل الا راعي كامري مطفي نوره !؟

طيب انا وش ذنبي هالحين 


up 1 down 0
salem almutairi 403
قبل 6 سنه و 9 شهر



الله يسلمك اخ salem  *نفس الموقف تماما والحمد لله على سلامتك ايضا ** ولكن  قصتي كان الطريق واسع ويمديه ان يتجنبني والحمد لله **


up 0 down 0
hosam200 1742
قبل 6 سنه و 9 شهر



الله يسلمك اخ salem  *نفس الموقف تماما والحمد لله على سلامتك ايضا ** ولكن  قصتي كان الطريق واسع ويمديه ان يتجنبني والحمد لله **


up 0 down 0
hosam200 1742
قبل 6 سنه و 9 شهر



والله غلط المفروص النقطه العمياء تنحط في كل السيارات ﻷنها مهمه 
ﻻكن ايش نقول سياره قيمتها فوق 80 الف مافيها نقطه عمياء ﻻكن في مرياه مدوره تﻻقيها في محﻻت الزينه ب 5 ريال تلصق فوق المرايه الاساسيه 
تبين لك الخط 


up 0 down 0
صالح باسنبل 240
قبل 6 سنه و 9 شهر



لو كان نظامي ماتجاوزك من اليمين وطاير
والنقطة العمياء صارت مهمة في السيارات الجديدة
اللحين تاخذ لكزس يشلحو منها النقطة العمياء ويجبروك تاخذ بمواصفات
فل كامل منها
والسوناتا فيها شرهة التجار عندنا ماحد يحاسبهم فيها 


up 2 down 0
ابو عبدالله احمد 3530
قبل 6 سنه و 9 شهر



الحمدلله على السلامة اولا  و بالنسبه للنقطه العمياء تقدر تشتري مرايه مقعره من محلات الزينه قيمتها بسبطه جدا بس مشكلتها تجمع انوار السيارات و تعكسها عليك 


up 1 down 0
افكار جديدة 662
قبل 6 سنه و 2 شهر