تغيير زيت القير كيا سيراتو 14

لا اخي العزيز لابد من تبديل الزيت خاصتنا في اجواء الخليج لان درجة الحرارة تصل الى 45 وهاذا ما يفقد الزيت خواصه فلأفضل لك تغيره عند الوكالة او مكان معتمد واحرص ان تأخذ الزيت الخاص في سيارتك لا تسمع لي كلام احد يوجد في كل سيارة كتاب الملاك تجد فيه متى تغير الزيت وما هو الأفضل لها تقبل تحياتي 

الملاك =المالك *_^

اذا كان لون الزيت مضبوط  و ريحته ما فيه حرق غيره بنفس المواصفات و الكمية و اهم شي انك تكون واقف فوق راس اللي يشتغل حتى لو كان في الوكالة .

اللي يخرب القير التماتيك /
1/ الدعس المفاجيء.
2/ الحرارة.
3/ عدم تغيير الزيت .
4/ تغيير الزيت بعد المسافة و الزمن المحددة بكثير .
5/ تغيير الزيت بنوعية فاشله .
6/ تغيير الزيت بنوع غير مطابق لمواصفات و متطلبات القير .
7/ زيادة او نقص في الزيت .
8/ الدخول في المياه المرتفعه عن مستوى صمام تهوية القير و بسبب ذلك دخول الماء للقير .
10/ تغيير الزيت بدون تغيير الفلتر اذا كان له فلتر .
11/ اتباع صيانة الوكالة .( الكتالوج يقول التغيير كل 60 الف و اذا وصلت السيارة 60 بتحصل الزيت محروق لان الكتالوج يعتمد على متوسط استخدام الشاق او العادي فا ما يعطي المسافة 100/% يفصل قبل مسافة الكتالوج ب 20 الف كيلو تفحص الزيت من اللون و الرائحة و انت تقدّر هل تغيره او توصل 60 الف )
12/ تغيير الزيت و السيارة حارة. ( يتأثر منظم القير الكهربائي او احد المشغلات الموجودة في مخ القير بسبب التغيير المفاجيء بالحرارة .
13/ اهمال كاسي المكينة و القير و تؤثر في ميلان المكينة و القير .
14/ استخدام فلتر قير تجاري او درجة اولى . ( لازم اصلي من الوكيل نفسه ) 
15/ استخدام النمر( التشعيقات ) الثابتة ( L.2.3) بعنف .
16/ صعود المرتفعات او الارتفاع النسبي بالطرق بوضعية (D) و هذا يتعب القير يفضل استخدام (O\D) او احد التعشيقات الثابتة المناسبة .
17/ استخدام القير بطريقة خاطئة :
-ايقاف السيارة على وضع P قبل فرامل اليد .
- تعشيق القير على عدد لفاتRPM مرتفعة ( مثل بعض الشباب في المقاومات ).
-تعشيق D&R بدون ماتضغط على الفرامل .
# اللي يصير اذا عشق على RPM مرتفع او بدون فرامل ان يكون فيه ضغط على احزمة التعشيقات فا بعد فترة من الزمن يصير فيه نتعة او طقة قوية شوي و تزيد مع الوقت .

س/ وش اسوي اذا مشيت بعد المسافة او المدة المسموح فيها هل اقدر اغير او لا ؟
ج/ الحالة الاولى :
 اذا كان لون الزيت طبيعي و ما فيه ريحة حرق تقدر تغيره بدون مشاكل باذن الله .
الحالة الثانية : اذ كان اللون شبه محترق ( بني فاتح ) و فيه ريحه خفيفه تقدر تغيره ولكن لا تشد على السيارة ل اول 1000 كيلو .
الحالة الثالثة : اذا كان اللون محروق و فيه ريحة واضحه فا انت مخير بالتغير. ولا انصحك بالتغيير .

** اذا سحبت العيار و مسحته و شفت في المنديل ( او الشي اللي استخدمته ) خط اسود فهذا دلاله على ان عندك تاكل في الكلتشات و اذا  كان اللون محروق و ريحه وخط اسود لا تغير اترك القير لما يخبط و وضبه وضبه وضبه لا تاخذ لا تشليح ولا مستعمل  حتى لو كان التوضيب غالي .


** شخص  ماشي كثير على الزيت و يخاف ان اذا غيره يتلف القير وعنده مشكله بالقير و يبي يغير الزيت عشان يتاكد من وين المشكلة  الطريقة كتالي :
اسحب ربع الكمية واضف مثلها و امشي 7000 و ثم اسحب الربع او الثلث و اضف مثلها وامشي 5000 ثم غير الزيت كامل مع الفلتر .

المقصود بالزيت كامل هو زيت الكرتير و الطنجرة و الليات و المبرد.


و اي شي نسيته ان شاء الله ما يقصرون الاخوان 

روح اقرب محل ل بترومين وغيره وعلى مسۆليتي مايجي شي. عندي سبورتاج دبل رحت مايز وقالولي محنا مسۇلين اذا صلب او خرب القير وبعدها نصحني زميل اني اروح لهم وفعلا دفعت حوالي 350.لانهم ينظفون المجرى حق الزيت وخلافه. للعلم ماشي اكثر من 105الاف من شريته من الوكاله. 

روح اقرب محل ل بترومين وغيره وعلى مسۆليتي مايجي شي. عندي سبورتاج دبل رحت مايز وقالولي محنا مسۇلين اذا صلب او خرب القير وبعدها نصحني زميل اني اروح لهم وفعلا دفعت حوالي 350.لانهم ينظفون المجرى حق الزيت وخلافه. للعلم ماشي اكثر من 105الاف من شريته من الوكاله. 

كم ماشي الموتر ؟؟؟

وبالنسبة للتغير ما انصحك ابد ابد في زيت بترومين مع احترامي لك يا بن بهيج لكن انا مجرب زيتهم يحترق بسرعة ويطلع ريحة الكلتشات

اشتره من الوكالة وسعر علبته رخيص 25 ريال اظاهر وغيره برا في بترومين ولا في بنشري عادي ترى كلها تغيير مافيه فك فلتر تقول بخاف لأن السيراتو اظاهر ما يتغير فلترها الا مع التوضيب


زيت الوكالة انا مجربه على الاوبريس الحين صفق معي 22 الف واول مررة مشى معي 30 الف ولله الحمد مايتغير لونه ولا يطلع ريحة الكلتشات لكن بترومين مايكمل 17 الا قلب لونه وطلعت ريحت الكلتشات وثانيا يستعملون زيت واحد لكل السيارات

بالتوفيق