استهلاك الوقود

السيارة كم ماشيه؟ و ايش القطع الاستهلاكيه اللي غيرتها ؟

موطبيعي اكيد 80 كيلو المفروض مايتحرك الامبير واقف على الفل؟ وش 80كيلو ماهي ممشى اناسيارتي افللها 33 تمشي 200كيلو ومشاءالله تبارك الله الامبير ثابت بعده ينزل درجه درجه

ههههههههههههههه انا مرسيدس شبح افللها ب 55 
اطلع من المحطه تلقا الامبير بالنص ههههههههه امزح 

شيك على فلتر البنزين متى آخر مره غيرته 

السيارة شبه جديدة ماشية 70000 وقطعها وكالة الحمد لله والله مستغرب

مالك الا تمر الوكاله و ان شاء الله بسيطه

تاكد من / 
1/ البواجي.
2/ الكويلات او اسلاك البواجي.
3/ فلتر الهواء
4/ ضغط الكفرات .
5/ قلل الوقوف والانتظار في السيارة وهي شغالة .
6/ تاكد من ميزان الكفرات 
7/ حساسات الشكمان .
8/ نوعيه الزيت للمكينة و القير .
9/ البخاخات تحتاج تنظيف .
10/ الدعس و الفرمله و المفاجئة .
11/ الزحمات تسبب صرفيه .
12/ نوعيه الكفرات 
13/اوزان ثقيله بالسيارة ما تحتاجها 
14/ الفرامل اذا فيها مشكله في الكليبر .
15/ تنسيم ( تهريب ) للبنزين .
16/ مشكله في عداد البنزين 

فيه نقاط غير هذي لكن ما تحضرني 

عندي ٢٠١٤ ويطلع لي في شاشة الرحلات الفل يمشي ٦٠٠ كيلو تقريباً 

والصرفيه كل ١٠٠ كيلو تقريبا ٨ لتر احيانا اقل واحيانا اكثر على حسب دعستك

طبيعي يا غالي الصرفية مع استخدام المكيف اللتر يمشيك 10 كيلو تقريبا عالخطوط

وداخل المدينة مع استخدام المكيف يمشيك من 6 - 8 كيلو للتر الواحد

انت عبيت ب 16 ريال بنزين 91 يعني 35 لتر

وصلت قبل النصف بدرجه يعني باقي 23 لتر والاستهلاك 12 لتر تقريبا

80كيلو / 12 لتر = 6.67 كيلو لكل لتر هو اقل معدل للطبيعي

طبعا الصرفية اللي يكتبوها عالسيارة في الوكالة هي صرفية الخطوط وبدون استخدام المكيف ما يجعلها تختلف كليا عن الصرفية في الواقع

عوامل صرفية البنزين عن المعدل الطبيعي :
1- تشغيل المكيف 2- الدعس الزائد 3- الوقوف المتكرر واللفات الكثيرة.




4- ترك السيارة شغالة وهي واقفة والله اعلم