سوال لاصحاب الابتما

لاحول ولا قوة الا بالله انا عاد توني شاري 12 مستعمل وبتجي هالايام وكل الي سالتهم قالو ثباتها ممتاز بس انت خوفتني الله يهديك

اخوي هذا الي حصل معاي عشان كذا ابي استفسر سياره مطلعها وكاله

اخوي شوف كم هواء الكفرات لازم لايزيد عن 32 تكون راسيه الوكاله يحطون في الكفرات 50 او 45

انا السوناتا 30 ماشاء الله رساوه ممتازه

السياره وهي جديده باقي قاسيه خلها لين تتمرن على شوارعنا وتلين بعدين تبان الرساوه وزي ماقال شيخ المعارض اوزن الكفارت على 32 

ضغط الكفر البارد مكتوب على ملصق جنب باب السواق 

زمان ما ادري وش كنت احس فيه

كنت احط بالكفرات 60 دائما ههههههههههههه

عشان ما بتنشر ولا تسخن مع السفر حتى الظهر وفعلا ما تسخن ابدا ولا تبنشر

ولكن تصبح قاسية 

كنت اسوي هالحركة على مازدا زووم 6 من طلعتها من الوكالة حتى راحت والكفرات ما تنزل عن 60

افهم من ردودكم ان السياره وهي جديده عادي تكون غير راسيه مع ان الهواء في الكفرات 30
.. وبعد كم كيلو تلين

^^
لا كلام ما يخش العقل اصلا
وش باقي جديدة وما تعودة على طرقنا
شايفها حيوان عشان تتعود السيارة ستظل
كما هي ماراح تتغير ولو بعد عشر سنوات
الهم انها بتزيد تتفكك 
وألي صار معاك صار معاي في السوناتا 
تحسها خفيفه ومو راسية على سرعات عاليه
ومن يوم شريتها ألين تركتها وهي نفس ماهي
ما تغير فيها شيئ لاصارات راسيه ولا لهم يحزنون
ماغير تفكك ديكورها وجت المشاكل بس

انا معاي اوبتيما وجدا ممتازه عالخط وثابته 

سوال : وش كانت سيارتك قبل الابتيما ؟؟ 

كان معاي سوناتا وقبلها فورد راسيات مع الخط اما مثل الابتما 100 وغير راسيه شي مقلق مع اني رحت الصيانه وقلت لهم وزنوا هواء الكفرات تنصحوني افحص السياره خارج الوكاله اخاف يكون عيب بالسياره

السياره طبيعيه لان وزنها خفيف واحنا عندنا ماشاءالله تبارك الله رياح الخماسين تطيح الهناقر وتكسر اللوحات ،،

ماتبغى السياره تتأرجح مع الهواء ،،

اخوي كم السرعة اللي ماشيها انت هنا السؤال اللي يطرح نفسه اذا شاريها ولاعبين عليك ان رساوتها زي الالماني هذا موضوع اخر 

اخوي شاريها وكاله اصفار السرعه 100 الى 120 غير راسيه لا اخوي محد قلي مثل الالماني وش جاب الكوري للالماني

والله مع خوينا 2015 نص فل الدرجة الثالثة يمدحها ماشاء الله وانا سقت موتره ماشاء الله رساوته حلوة لكن مهب على خط

هو راح عليها الشرقية يقول في يدي الموتر ماشاء الله ، وانا جربتها وجربت السوناتا القديمة بصراحة هي افضل

اخاف في نفس اليوم اللي انت شاد فيه او ماسك خط كان هواء شوي وترى عايدي شوي يلعب الموتر لاشطفت تريلة او حركة الطارة بالغلط لأنها هيدروليك مدري كهرب مدري وش يسمونها ذي الطارة يعني تقبل بسرعة

او يمكن كان معك موتر راسي مرررة اول وفرقت معك

اذا انت تشوف انها غير طبيعية راجع الوكالة حقك

تحياتي

اذا كانت السوناتا اللي معك الشكل القديم من 2010 وتحت والفورد اكيد معروفة طارته شوي ثقيلة

ف انا اقول لك انس الاوبتيما او حتى السوناتا الجديدة تقول مثل رساوتها هذا من اول


انا اول كانت معي سوناتا 2006 وبعتها وخذيت اوبريس 2009 ولله الحمد مافرقت معي كلهم ثقال طااراتها وراسية


لكن السوناتا الجديدة والاوبتيما وشوي الازيرا فيها خفة في طاراتها وهذا اللي مكرهني ومخوفني فيها انا احب الموتر في يدي وماتقبل طارته بسرعة

وهذي ماحصلتها الا في الكادينزا لما سقتها والازيرا بعد الله حق لكن السوناتا والاوبتيما شوي تخوف طبيعية ترى

بالتوفيق

جزكم الله خير كلكم

اخوي ابراهيم نفس الي معاي الدرجه الثالثه ... مثل ما قلت بروح الصيانه اذا الامور تمام يا دار ما دخلك شر

ياشباب ترا الرساوه والعزل تعتمد على سيارتك الي قبل 
مثلا لو سيارتك قبل اكسنت واشتريت اوبتيما اكيد بتكون الابتيما افضل 
انا معي اكورد ومستانس بعزلها وسقت مره فورد تورس طاحت من عيني الاكورد

أخوي لو سيارتك ستاندر او نص فل كلامك صحيح لان كفراتها وجنوطها تجيك مقاس صغير ركب جنوط الفل 18 وتشوف الفرق ان شاء الله

لايتعدي وزن الكفرات 30

لاكن مشكلة بعض البناشر اجهزة القياس من اردي الانواع وماتعطيك رقم حقيقي

مر علي ساكو بتلقي جهاز فحص وزن الكفر لونه احمرب 60 ريال لك وللزمن

قبل ماتنام وتطفي موترك مر علي بنشري وعبي الكفرات بشكل خفيف

اول ماتصحي وقبل تحرك موترك افحص وزن الكفرات لانها بتعطيك الوزن الحقيقي

لان السياره اذا علي خط يزيد حجم الكفر باسباب الحراره

ولا تنسانا من دعواتك

انا توني مطلع اوبتيما 2015 قبل اسبوع وعانيت مثلك باالتمام

لايتعدي وزن الكفرات 30




لاكن مشكلة بعض البناشر اجهزة القياس من اردي الانواع وماتعطيك رقم حقيقي




مر علي ساكو بتلقي جهاز فحص وزن الكفر لونه احمرب 60 ريال لك وللزمن




قبل ماتنام وتطفي موترك مر علي بنشري وعبي الكفرات بشكل خفيف




اول ماتصحي وقبل تحرك موترك افحص وزن الكفرات لانها بتعطيك الوزن الحقيقي




لان السياره اذا علي خط يزيد حجم الكفر باسباب الحراره




ولا تنسانا من دعواتك