الوالد ب يشتري لاخوي أوبتيما 2006 ؟

قديمه صراحه وبتطلب قطع اذا ماشيه واجد

مع واحد من العيال وكارف امها كرف ولا فكر يغيرها 
يقول خلها لما تنتهي باقي فيها حيل 

بس قطعها وكذا ما ادري 

ممشاه 145 كيلو     

الصيانة زفت والله انا مجربهم 
يا شيخ والله انا طلبت مفتاح للسيارة موديل 2011 جلس شهر ونص 
وغالي 400 المفتاح والبرمجة 200 كلها من الوكالة يعني 600 
وانا ما انصحك فيها بحكم ان لها 10 سنوات وتلقاها مكروفة كرف

تعتبر قديمه ونااادره منتشررت ع زمنها زي انتشاار الاوبتيما الحين الخيراات كثيرر لايستعجل ويحصل بادن لله بي هالمبلغ موتر افضل لو ريو او اكسنت موديل احدث من هالابتيما وبالتوفيق ياارب

الموديل هذا فيه عيب طرمبة زيت الاوبتما والسوناتا 

هونداي وكيا الافضل من موديلات 2010 خاصة الاربع سلندر تحسنة عن قبل 

الافضل سوناتا نفس الموديل
النظيف منها من 20 و فوق و ايضا" بتلقاها مكروفه
لكن ممكن تجديدها قطع الغيار متوفرة و صيانتها أسهل 

الله يجزاكم كل خير ويسعدكم 
وان شاء الله ابوي يقتنع 

يقول لها كامري ؟!
طيب ليه ماياخذ له الكامري نفسها نفس الموديل بحدود السعر هذا

زدها شوي وخذ اكسنت 2012 او 13 ابرك

يا عبدالعزيز المالكي الله يجزاك خير لاتفتي من راسك وش اللي فيها عيب مصنعي في طرمبة الزيت

انا موتري سوناتا 2006 ومشت معي لين 310 الف وبعتها مافيها الا العافية ، ولا قد لمست طرمبتها او فكيت شي في مكينتها اغير قطع استهلاكية وامشي وبين فترات
يمكن سمعت انت ان فيه واحد ولا اثنين خبطت معهم والسبب ماكانوا يحافظون على تغيير الزيت في وقته ويخلونه يشحم ويسدد الشخال وهذي تصير في اي سيارة واخرتها يقول لك من السيارة لا منك


ابوي اهمل اليوكن ذيك الايام حقه مايغير زيت بانتظام ويستعمل نوع سيء وتسدد الشخال صار اذا شغل عيار الزيت تحت والمكينة تطلع صوت تكتكه واذا دعست ارتفع الزيت


واخرتها تلاحقت على الموتر وغيرت له طرمبة وطقيت له بترومين 20w50 والحين ماشاء الله له سنة مافيه الا العافية


بعضهم تلقاه يسمع صوت الطرمبة مع بداية التشغيل وسافهها لين خبطت


اسف على الاطالة ،،،


بالنسبة لاستفسارك ياصاحب الموضوع بصراحة الاوبتيما شوي قديمة الموديل هذا 2006 واكيد بتلقاها ماشيه واجد
ليس عيب في الممشى لكن منتاب لاقي نظيفة تريحك


لذلك انصحكم تشترون له بهالقيمة اكسنت 2010 وعليها اجد له موديل ولا الالنترا

حلوه و فرصه لأن ممشاها قليل

a.ibrahemي  << والله ياصاحبي ماافتيت من راسي ولاهو كره في السياره

الكلام هذا من اعضاء متواجدين في منتديات سيارات هونداي والسيارات الكوريه والسيارات الكوريه 

والموديلات القديمة اللي نكبها في الاصل الزيوت الثقيله اللي لزوجتها 20-50 وهي سبب خراب الطرمبة واهمال الزيت 

البعض كان حتى فلتر الزيت مايغيره الا بعد ثلاث مرات في ذاك الوقت 

امتلكنا سوناتا 2012 وكان الزيت العتمد في الناغي قلف سبيشل 20-50 

وكان كل مااشغل السياره اسمع تكتكه وهي توها 20 الف 

حولت الزيت الى بترومين 10-30 وخف الصوت 

وجربت موتر كرافت 10-30 واختفاء الصوت واستمرت عليه لين مشت 224 الف وبعنا السياره 

وانا نصحت الرجال لان في ذاك الوقت اغلب الشركات والباعض مازال يتستخدم لزوجه 20-50 

عشان كذا تخرب الطرمبة او يمكن على حظه يشتري السياره وتخرب وتروح عليه المكينه 

بعد كثرة الشكاوي في كيا وهونداي الان الزيت المستخدم في الناغي كاسترول 10-30 لصيانة 5 الاف 

وكاسترول ماجنتك 5-30 للجنيسيس والسنتينيل لصيانة الـ 10 الاف 

والجبر يستخدم بترومين 10-30 لجميع السيارات 

والكوريس توتال 5-30 

هذا اكبر دليل على تلافي خراب الطرمبة 

بالعربي لحق على جمس ابوك خصوصا اذا من 2007 وفوق

وغير له 5-30 وغيره كل 10 الاف او 10-30 وغيره كل 5 الاف 

يعني اللي يفتي ماهو انا انت ( ^_^ )  

موفق 

اللي معطيني دس لايك ابقول لك >>> انت صرصور ماتقدر تخرج وفي يدي مبيد حشري 

يشهد الله ياعزوز المالكي ترى مهب انا اللي عطيتك ديسلايك ، ترى والله توني ادخل

واختلاف الرأي لايفسد في الود قضية
وبيني وبينك حتى السوناتا الجديدة يستخدمون لها 20w50 وهذا غلط واعتبره جهل من اصحاب السيارات اللي يغيرون في الصيانة السريعة حقت الوكالة ، موتر جديد ماكمل عشرين الف ومكينته المنيوم تحط زيت ثقيل ماتدخل بالعقل

وانا بيني وبينك كنت استعمل 20w50 الترا 7 بترومين لأني الصالة قالت لي غير في مراكز بترومين عشان الضمان ، وبعدين سحبت عليهم بعد ما مقلبوني في كم مررة وشفت سعرهم غالي عن البنشر وبغير فرق يذكر

لكنها مااشاء الله صبرت وبايعها مافيها الا العافية



تحياتي لك

جمسنا قديم الله يجزاك خير 2001 ، ومصلحه انا من رمضان الماضي والحين له سنة مافيه الا العافية

والزيت ماينفع استخدم له 10w30 وهو صافق 360 الف خطأ

عرفت

وانت تحسبني فكرت في المبزره اللي هنا لاوالله مادريت عنهم كل همي افيد واستفيد ومعروف الحركات هذي 

والمنتدى هذا فيه اعضاء كل واحد يقول انا اللي اكون في الواجهه هههههههههههههههه 

بالعربي مثل مجالس البلديه كل واحد يقول صوتو لي واخربو على غيري 

ونظان النقاط في المنتدى هذا بدائي ومتخلف وظالم في نفس الوقت اجل يحدك بعد 7 لايكات بعدها لازم تعطي دس لايك 

ايش هذا النظام الابله 

لكن معروف مايجي من البله الا بلاهه 

واما بخصوص الصالات والزامهم لمراكز بترومين فهو مايضرك اذا حطيت الزيت المناسب للسياره 

لانهم مايلزمونك بزيت معين مثل الترا 7 20-50 

لكن اذا فيها اجبار على لزوجه معينه فانا معك اقول دور لك على المكان اللي يناسبك