لاحول ولاقوة الا بالله

كلن يغني على ليلاه خله ياخي انت بتحكمون بحلال الناس اعلان ماعجبك قفل الصفحه واطلع منه استغرب مم الي ينزل مواضيع عن اسعار بعض السيارات  خله في حاله الابالقوه يبيعك وبالسعرالي تبيه 

والله هالمواقع ما سرت تعرف هل هي استهبال على العقول ولا ضحك ع الدقوون ؟

سوناتا 2015 استاندر مكينه 2000 سي سي الشكل الجديد معروض للبيع يقول فيه صدمه بسيطه اماميه وطلع الارباق حق السايق بس هههه

كيف بسيطه وطلع الارباق ؟؟ وثانيا الاستاندر اللي بطيس ما فيها الا ارباق واحد وهو للسايق ؟؟ من كلامك كان فيها 6 ارباقات

والحد يا جماعه الخير 60 ألف غير قابل للتفاوض ويقول سبب البيع الحاجه ولا والله ما ابيعه بهالسعر ؟

ياحبيبي موترك مصدوم وطالع ارباقه الوحيد و ب60 وتقول ماهي قيمته

وسعرها جديده على يدك و 2016 من معرض القحطاني من الشفا ب 66 ألف ريال مكينه 2000 سي سي

و لا كامري 2015 لؤلؤي معروض للبيع ماشي حول 3 الاف مصدوم بالباب الخلفي مع الرفرف الخلفي والسمكه

وصل سومه 56500 ولا باع .. الضاهر ببيع ب 60 ألف وجديد الحين سار ب 69 ألف موديل 2015 بسبب نزول 2016

ولا جيب مازدا 2013 استاندر مسيوم ب 80 ألف وسعره وانباع ب 83 ألف لانه ماشي 39 ألف

طيب الجديد اخر موديل 15 او 16 ب ب 100 الف من الوكاله ع يدك 

فرق 3 موديلات وجديد ع يدك واي لون تبغاه 

سعر المستعمل يا جماعة الخير سار قريب من الجديد

التيما للبيع 2014 مسيوم ب 53 ألف استاندر طيس 

وهي جديده بمعرض العمر ب 58 الف بدون نقل او 60 باسمك

النترا جديده ب 49500 اوتو مكينه 1600 موديل 2015 و يباع المستعمل 14 و 15 على 40 الف وفرق بينه وبين الجديد 9 الاف وبعضها يوصل 45 المخزن .. طيب زيدها وخذ جديد

المستعمل يبقى مستعمل

خذلكم جديد وريحوا روسكم والله المستعمل كله غش حتى ولو انه ماشي قليل

عندكم المازدا 6 موديل 2016 ب 67600 منقول باسمك عدا التأمين والاستلام بشوال 

السونانا 2016 ب 66 بمعرض القحطاني

الاوبتما 2015 قير عايدي مكينه 2000 ب55 الف وممكن اقل والاوتوماتيك ب 59 وممكن اقل

الالتيما 2014 استاندر بمعرض العمر ب 58 ألف 

مواتر احجامها طيبه ماهي قواطي صلصه وجديده باسعار مناسبه

مالك ومال المستعمل

طق جديد وشم ريحة الوكاله وفك اللزقات والتجاليد وفك القراطيس من عليها

وركب الدعاسات بنفسك وانتعش بالريحه .. ع يدك جديده 

موفقين

ابويزيد مشاءالله عليك اول مااشوف الرد طويل اعرف انه للك على طول 

اي والله انك صادق يابو يزيد
الجديد يريحك بدلا من المستخدم اللي يغثك راعيه بالسعر المبالغ فيه

صادق يابو يزيد وانا نزلت موضوع عن اسعار المرسيدس والبي ام اجل وشفت بعض الاعلانات هايلكس ٢٠١٥ مسيوم ٩٣ ولا باع 

اكورد ٢٠١٤ مسيوم ب ٨٠ والحد ٨٥ وين يابطل ولا اكسنت ٢٠١٣ مسيوم ب ٤٠ والجديد اصفار ٤١

والله ياناس هذا الضلم بعينه ؟ خاصه اللي يجيك يطلع سياره اسفار ويبيعها وهي واقفه بسعر عالي ويقولك الوكاله ماتوفرها الا بعد شهرين

جون سيلڤر تفكر مثلي انت ههههه 

الممشى ١٢٠٠٠٠
وهذي كارثة

اللي يذكر ايام اليخت اول مانزلت كانت حجز في ناس كسبت ١٠٠٠٠٠ ريال من موضوع الحجز هذا فترة وناس اكلت تبن مسوين ذيبان صار استيراد من المانيا وامريكا بمكسب ٣٠٠٠٠ بس لا والله انتظر ال ٥٠٠٠٠ اسافر فيها وانبسط استغلال غير طبيعي وتلاقي بعضهم يكشخون فيها ويحللون امها تمشي ٣٠٠٠ يعرضونها للبيع ويدورون مكسب عن قيمتها اصفار يحسبون الناس مغفلين