أحسن سعر لقيته لكادينزا 2015

في اي معرض 2015 ب ١٠٧

دامك وصلت لهذا المبلغ لوتاخذ افلون اصرفلك 
مجرد راي

باي معرض بارك الله فيك ؟

هيثم أحمد
السعر ذا لقيته في معرض كراء في معارض الشفا

saadko
الفرق بين الفل بين السيارتين حدود 35 الف والكادنزا أفخم وضمانها خمس سنوات مفتوح الكيلو
العقل والمنطق يقول خذ كادينزا وشيل الأفالون من راسك

خذ ١٥ وتوكل على الله اغلب ال ١٥ الدفعة الاخيرة انتاجهم ب ١٥ وموديلات ١٦ ايضا انتاجها ١٥ يعني زي بعض الفرق الاستمارة حط الفرق بمخباتك انت اولى وعلى البركة موتر اشهد له بالقوة والفخامة واللي يقول زيد وخذ افالون ورا ماتزيد انت وتاخذها 

بعد 5 سنوات سلملي على العقل والمنطق , انا متأكد انك مغتر بالشكل بغض النظر عن الجودة المستقبلية اللي هي لصالح الافالون

والله سعره طيب ب107 لايفوتك ولو لون الداخليه يجيك ابيض اروع الموتر يعلم الله جبار وخدوم  وبالله بالعقل دامك مستخدم تخيل مايفرق اي شي عن 2016 اللهم الموديل والفارق 11 الف ريال والله 2015 والباقي في الجيب مايبيلها كلام وبالتوفيق

عقلك معك انا لو بمكانك اخذت كادينزا واتا اضحك وماعلي من ازناس دام اني اتا اللي دافع فلوسها

يعطيكم العافية ياشباب

فلاش الفورمات
الحين سيارات الالنترا الأجرة الجيل السابق واللي لها في الخدمة أكثر من 7 سنوات وتعدت 400 او 500 الف كيلو ماأقنعتك
أن جودة السيارات اليابانية والكورية صارت حول بعض ؟
سيارات هيونداي الجيل السابق والذي بدأ من عام 2006 او 2007 ولازالت موجودة وتكرف رغم قلة مبيعاتها في ذلك الوقت
مقارنة بالسيارات اليابانية 
عموما كلها مسألة وقت وستغير قناعتك وتعرف ان شركات السيارات حاليا لاتصنع الا بعض القطع الميكانيكية وتشتري القطع
الأخرى من شركات متخصصة تبيع قطعها لكل الشركات
كما أن فارق السعر بين السيارتين يجيب لي قيمة مكينة جديدة من المصنع او قيمة 10 كمبروسر او قيمة 18 طقم مساعدات
...... الخ

طيب ياإخوان هل ممكن ألقى كادينزا خليجية في معارضنا ؟
وبالنسبة للون الغامق على السيارة هل فعلا تزيد درجة حرارة السيارة داخل المقصورة ام انه مجرد كلام ماله اساس من الصحة ؟

يا اخ سلطان 4040 ارخص معرض مريت عليه هو كراء اللي في الشفاء اللي تقصده انت انا داير عليهم كلهم امس وقبله وقبل العيد حتى الوكالة رحت لها والموزعين


ارخص واحد هو لأن خوينا بياخذ له وحدة ستاندر وحصلناها عندهم ب 77 الف وهم ارخص ناس الباقين ب 82 وانت طالع


ونصيحة اخو خذها قبل ما تطير عليك ترى حنا متوهقين البارح نبي استاندر ماحصلنا كل ما جتهم دفعة طارت


وعندي رد آخر ل فلاش الفورمات و saadko انت جربت السيارة قبل ما تحكم عليها ، عرفت جودتها يومك تقيم


وش عندك ياشيخ المعارض

ابك ذي فيها مواصفات ما وصل لها اللكزس حق اخوي ، خاصية التفاف الانوار فيها ثبات مهب صاحي ورح جربها على خط وشف عزمها وعزلها ورساوتها ، كل الاشياء فيها تتفوق على الافلون خلنا من ياباني وكوري انا اكلمك بمنطق


واذا على جودتها ماتقدر تقيمها وانت ماجربتها او فيه مقربين لك من الدرجة الاولى يمتلكونها ، خويي معه 2011 ولو تشوف استخدامه حتى حقين الدداسن ما يستعلمون مثله


ولين يومك موتره برزته ولا ديكورات تسمع ولا خرابات ولا اي موضوع


المشكلة انكم تفتون على جهل ، انا لما بغيت اشتري الكيا وبعت الهونداي كلن قال وش تبي بالكيا ومدري وشوا خلك على هونداي وخذ ازيرا ومدري ايش والحين لي سنة ونص وممشى موتري 60 الف والحين دخلت بحر 240 الف وهي 2009 اوبريس


ولله الحمد ياربي ماطبت ولا ورشة من خراب ولله الحمد ماشاء الله ، كلها قطع استهلاكية وغيرتها حرص بس فحمات وسير وزيت قير وغيره


ولو تركبها ماقلت 2009 بتقول 2012 ماشاء الله متماسكه لاقربعه ولا اصوات ديكور ولا شي


ترى هالسيارات ذولي فئة والكامري والسوناتا والاوبتيما وطقتها فئة لحالها


بالنسبة للون يا اخوي سلطان خذ اللي مرتاح له ويجوز لك لكن انا تدري وش وجهة نظري في الغامق المشكلة يبي له اهتمام غسيل لأنه يتوسخ بسرعة ويطلع منظر الموتر مخيس ويبان فيه الحكوك والتموجات مع التمسيح وهكذا طبعاً هذا على مر الزمن مهب في وقتها على طول


لذلك اذا انت مهتم في الغسيل والموتر دايم في بايكه واموره زينه خذ غامق ولا خلك على فاتح لؤلؤي ولا غيره وريح دماغك


بالتوفيق

واحد من اخويانا ثاني توه مطلعها من كم شهر 2015 فل داخلي اوف وايت


انا مستعد وبشهادة الجميع ان اللي ذموا الكادينزا ومدحوا الافلون لو ركبوها بيعترفون انها اطلق من الافلون مركب وقيادة وعزم وعزل وحتى فخامة داخلية


لكن وش بيكون عذره يقول لك الافلون جودة وتمسك سعرها


طيب انا شاري سيارة استمتع فيها وفي مواصفاتها واتبردق في المركب ولا افكر في 2000 ولا 3000 عقب خمس سنين انا ضامن اني بعيش هالعمر ولا موتري بيقعد هالمدة كلها معي

وبعدين مبيعات الافلون نازله واكبر دليل شف اول ما نزلت كم سعرها فل والحين شف كم وصلت حتى الوكالة نزلت سعرها لأن الناس مارغبتها قاموا يشترون تورس وجينسس وغيره من السيارات

واذا انتوا مكذبيني شوفوا واحد معه كادينزا 2011 واسأله عن السيارة وعن مدى قوتها وجودتها وبيعلمك


يحسبون كل ياباني احسن من كوري ترى هالنظرية بتنكسر مثل ما انكسرت نظرية الشيبان في الياباني اول كانوا يهايطون الامريكي ومدري وشوا ويوم صرقعت بهم حرارة وغثى وشافوا ذا الياباني اقتصادي ولا كرابين ولا طواعين انتقلوا له