تجربتي لكيا سيراتو 2015 - حياكم

16 3

لايمكنك التصويت حتى الحصول على 20 نقطة على الأقل
إضغط هنا للإخفاء

lumina44 92
قبل 8 سنه و 8 شهر

السلام عليكم ورحمة الله وبركاته 

كيف حالكم يا اعضاء المتتدی عساكم بخير

حبيت اطرح لكم تجربتي لكيا سيراتو 2015 ستاندرد طبعا اجار

طبعا التجربة كانت في الامارات .

مواصفات السيارة : محرك 1600 سي سي .. تبترونك 6 نمر

ايرباق واحد + بدون abs + طيس + بلوتوث + مدخل usb

ممشی السيارة كان 30 الف .. مشيت فيها تقريبا 500 كيلو .

حجم السيارة داخليا بصراحة ممتاز اوسع من الشكل السابق واستغلوا المساحات بشكل جيد

اما بالنسبة للشكل الخارجي اللي يميزه العرض اللي فيه مقارنة بالكورولا .

نجي لعزم السيارة : عزمها كان جيد جدا مقارنة بحجم المكينة + اني مشغل التكييف ع طول + درجة الحرارة كانت بين 46 الی 50

بصراحة لاحظت ثبات في العزم وسرعة في الاستجابة للدعسة >> شكلهم يحطون زيت خفيف ، وماتغير عزمها سواء في الليل او النهار ، يعني لو كان المحرك 2.0 كانت بتكون طررب  .

ديكورات السيارة كانت ثابتة ومافيها قربعة بعز الظهر وخصوصا اني دخلت فيها لطريق رملي وفيه حصی ومالاحظت اي اهتزاز << نقطة تحسب لصالحها .

عزل الهواء كان ممتاز ، اما العزل الارضي فلاحظت انه يعتمد علی الشارع << مسكت فيها خط لرأس الخيمة ع سرعة 120 والعزل الارضي كان جيد جدا  


ورحت فيها للشارقة و ع سرعات اقل وكان العزل الارضي سيء فتعتمد ع نوعية الاسفلت . بس بشكل عام جيد 

الرساوة ع سرعة 120 ممتازة << الشارع كان نظيف ومافيه هواء .

التكييف كان جيد جدا مع ان درجة الحرارة 50 والكمبروسر ماكان يفصل في الاشارات << مع ان اغلب ملاك السيارات الكورية يشتكون من هذي النقطة

السيارة ناعمة مع المطبات << ممكن حسيت بالفرق لان سيارتي جنوط 17 ودعسة واطية

نجي لعيوب السيارة : 

1- الفرامل كانت سيئة >> زحفت معي كم مرة .

2- فرملت بقوة وزحفت معي السيارة وفجأة طفت << مادري ليش

3- ايرباق واحد مع اني توقعت مواصفات الامارات افضل بس طلعت نفس اللي عندنا .

4- الستاندرد اتوقع الداخلية تجي لون واحد وهو الاسود << بصراحة متعب مع الحرارة يعني تنزل من السيارة 3 دقايق ترجع تلاقيها ناار 

5- مافيها انوار للداخلية بالنص << اشوفه عيب كبير 

واخيرا بصراحة فرق كبير بين لمن تستخدم فل وتنزل للستاندرد >> بتحس فيه شي ناقص بالسيارة

علی العموم انطباعي العام انها جيدة وخيار جيد بالنسبة لسعرها ( حصلت قبل فترة بالموقع نفس هذي السيارة اصفار ب 43 الف ) سعر اكسنت <

وهذي تجربتي للسيارة بكل حيادية اتمنی اني وفقت واعذروني ع القصور .

إبلاغ

الردود