هل لازم اذا خرب كفر اغير كامل طقم كفرات ؟

لا مالها دخل بس عشان كفراتك عمرها اكثر من سنتين الافضل غير طقم كامل لسلامتك لان عمرها خلاص 

لحظه اخوي كم ماشي على الكفرات اذا ماشي اقل من 40 الف تقدر تخليها

ياخوي غير سلامتك اهم من ٢٠٠٠ ريال وبعدين الاسبير تخاف منه اكثر من الكفرات المتشققة واذا مفلس مرة غير الي قدام والنظيف رده ورا 

شوف انظف اثنين وخلهم بالخلف

واشتري اثنين جديد قدام

يبقى لك كفر والاسبير 

الاسبير اذا تاريخه ونظافه احسن من الكفر خليه بالاسبير او العكس

والله يحفظك 

السيارة ماشية 51الف للي سأل 

الظاهر اني بغير واحد وبعكس اماكنهم وبغيرهم بعد كذا شهر

والله الافضل تغيرهم كلهم .. ما فيها لعب الكفرات 
انا غيرت كفرات موتري على 37 الف بسبب وجود تشققات خفيفه جدا 

موب شرط تشوف تشققات الشمس ماترحم تنشف وتصير قاسية جداااا الافضل طقم ولو الميزانية لك عليها غير ٢ امامي فقط

يارجال دامك ماتسرع فوق 120 لاتغيير الكفرات كلها غير الخربان بس ولافيه خوف على حياتك ولاشي
الحين معي كورلا الي كل الناس تخاف وتقول انها تلعب في الخطوط المهم بنشر علي كفر امامي وانا ماشي 120
والله ماحسيت فيه الا لما شفت الطاره ثقلت ولما هديت السرعه شوي سمعت حنحنه الكفر والله حسبت ان المشكله في المكينه ولاشي داخل الكبوت

على حسب ميزانيتك 

لازم التغيير يكون طقم حبتين مع بعض يعني الاماميات مع بعض او الخلفيات مع بعض ما ينفع جنب مع جنب 

السبب
اذا غيره كفر واحد السياره يصير فيها حذفه جهه الكفر الجديد وبتسبب لك قلق وتحسبها تبي ميزان وهي ماتبي شي

علشان كذا غير طقم امامي وانقل القديمات ورى او خيرها كامل 

اذا هي كفرات اصليه وصناعه كويسه عمرها الافتراضي 60 الف كيلو او 4 سنوات ايهم اول

انا وجهة نظري انك تطق طق وسنتين و7 شهور ماشاء الله عمر يعني ماقصرت الكفرات


وبالنسبة للي يسأل عن الممشى مع احترامي لكم يا اخواني ترى الممشى مهب كل شي انا مشيت على كفراتي 50 لازم اغير ولا بخليها ل 7 الف


ترى الزمن له دور في كل قطعة في السيارة يعني لو توقف الموتر سنتين وتجي بتستعملها بتغير كفرات وبتغير يمكن صفاية وفلاتر حتى لو هي وكالة اصفار لأنها استهلكت وخربت مع الزمن مهب بس الاستخدام اللي يخرب او ينهي عمر القطعة



لذلك انصحك تطق لها طقم وتسلم على عمرك ماتسوى عليك لو انسلخ عليك كفر ورا ولعب في الرفرف وتحسفت بعدين هذي غير انه ممكن يلعب في وزنية المقصات والاذرعة


وبعدين ماشاء الله كفرات هانكوك رخيصة سعرها جنط 17 ارتفاع 55 عرض 235 ب 380 للكفر في الوكيل بن شيهون واذا كان عرض كفرك اقل او جنط 16 بيكون اقل لك سعر واحسبها على ذلك


لحد يجيني مطفي النور يقول يمكن الرجال مامعه دراهم ولا غيره انا اخترت له الاسلم لعمره بعيداً عن ظروفه الماديه

الله يعطيك العافية اخوي ابراهيم على نصيحتك بس الحين انا ركبت واحد بس وانا دوامي يبعد عن البيت 20 كيلو تقريبا 

فبخلي الكفرات إلى لما تكمل 3 سنوات واغيرهم كلهم 

الكفرات في اجوانا الحلوه

لاتخليها تعدي 3 سنوات للانواع الجيده

كفرات صيني او ماتدري اش اسمها خلها تولي

عليك باالموزع المعتمد او الوكيل حتي لو فرق الكفر 50 ريال

اهم شي اصلي ولا يغرك المنتشر في بعض البناشر تلقاه مقلد وبسعر الاصلي

ويمكن سعره اقل من الوكيل عشان تشتري وانت مطفي النور (اوه ارخص بميتين وانت مركب مقلد)