هل الاوبتيما خيار جيد ؟

جزاكم الله خير جججميعا كل من رد رد متعلق بالموضوع جزاه الله الف الف خير والله يعطيك على قد نيته 


وبخصوص المحافظه الحمد لله معي لنكولن مديل ٩٦ الي يشوفه يقول وكاله مو له ٢٠ سنه 

لاكن الموتر قديم خلاص يحتاج تجديد فاغيره افضل وانا لاني راعي تفحيط ولا مقاومات اساسا موتر ٤ سليندر وش اقاوم فيه 

يبقى السوال الاهم هل هو عملي ويخدم ولا يبيني اخدمه انا مابيه زي النكولن خلال ٢٠ سنه مر على ٦ اشخاص بالعايله ولا زال زي الالف


ابي موتر يخدمني انا لخمس سنين ماغير الا قطع استهلاكيه 

بنسبه لخياري البديل المزدا ٦ استاندر ارخص منه وهو ياباني 

انا ابتكلم عن خيارك الثاني مازدا 6بما ان عندنا وحدة استاندر 16

ستاندر بس فيها جنوط اشارات بالمراية صفط المراية اكتروني 
ازرار تحكم بالطارة مثبت السرعة زر سبورت والباقي مدري بس هاذي المميزات المهمة بالاستاندر
الطبلون فخم وجلد
المهم مميزاتها :
موتر ياباني ومن تسوقه تحس بالجودة 
السيارة راسية ماشاء الله مشينا 220 وتحس الموتر ماسك بالارض
عزم والقوة فيها نشاط طبعا مكينتها 2.5  قامت على اكورد بفرق نص عمود 
انا ماتوقعت عزمها كذا على 4 سلندر 
او قامت ع تشارجر 6 سلندر 2007
مكيفها ثلاجه 


عيوبها 
عزلها مو تمام تسمع صوت الهوا 

مدري بس بالركوب احس السقف نازل من جهة السواق والراكب 
انا ما حبيتها بس اخوي عاجبته هو راعيها



بس هالمعلومات عن تجربة وقدام عيني

الله يكتب لك الي فيه الخير