مشكلة في تكيف كيا

الكيا كذا للاسف تكييفه ضعيف 

الحل أنا سويته وهو أنك تشغل المكيف و تشوف الجزء البارد من ماصورة المكيف  و تحط عليه عازل مقاوم للحراره تجده
في محلات قطع الغيار حقت المكيفات المركزيه أو عازل أسفنجي و تلف عليه شطرطون و بعدها أبشر بمكيف يكسر عظام وجهك هههه

شيك على فلتر المكيف 
اكيد وصخان غيره أو نظفه

كيا وبعض هونداي عندهم نفس المشكله 

خويي معه كوريس 15 ونفس المشكله المكيف يقل تبريده الا اذا دعس او فصل الac وشغله

فيه موضوع بالموقع تلقاه عنوانه حل مكيف كادينزا وازيرا 

معي اوبتيما والمكيف بارد جدا بس لاهديت احيانا مو دايم احسنه يخف البرود ويطلع هواء رطب
والظاهر انها طبيعي ويقولون الكوري كله كذذا

روح غير الكمبروسر في الشركة 

لانه في عيب مصنعي والان جابو دفعه معدله 

يعني لاتشيل همه رح يتغير على الضمان 

هذا المشكله صارت معي بالنترا ورحت لمحل مكيفات ممتاز 
وقالي هذا ضعف بالكمبرسر ورحت شريت كمبرسر وكاله وغيرته 
وزبطت الامور وخذت لي ثلاث سنوات والامور تمام بس اذا جيت 
اسافر ماخلي الضغط يتعدى الثلاثه ونص وتالي مليت وصرت اسرع
والضغط ياصل احيانا 5 واشوفها رجعت المشكله 

يعني المشكله الي عندك ضعف بالكمبرسر وحاول يغيرونه لك على 
الضمان ولاعاد تعدس ضغطها ثلاثه ونص بالكثير 

اغلب السيارات الحديثة مكيفاتها ليست بالجودة السابقة ماعدا النيسان اما مشكلتك فاعتقد بعد ال 5000كم الاولى يتحسن اداء المكيف ان شاء الله مع تظليل مناسب راح تشعر بالفرق

شكرا على ردكم بس انا السيارة لها معي ٨ شهور و عديت العشرين الف كيلو و و حالة المكيف ما كانت كذا 

جرب فكرتي و لن تندم 
كل الكيا كذا و انا امتلك كيا و مجرب 

كل تكييف السيارات الكوري كذا
التكييف ضعيف ويوم تمشي يصير احسن
ويوم تتوقف تحسه تبريده ضعيف جدا

كوري وش ترتجي من جودته وكفائته وهو كوري 

يا جماعة الخير انا قرأت عن شي اسمو بلف الكمبريسور و مشاكلة نفس المشاكل الي عندي هل ممكن هو المشكلة