أضف سؤال أو موضوع جديد          

تقرير عن سياره كادينزا

up 21 down 6
majed112345 856
قبل 3 سنه و 6 شهر



السلام عليكم ورحمه الله وبركاته 

بسم الله الرحمن الرحيم

أنا سبق وطرحت تقرير سريع عن سيارتي كادينزا موديل ٢٠١٤ قبل سنه تقريبا 
والان اقدم لكم تقرير مفصل عنها بعد استخدام تقريبا سنه ونص وممشى ٤٠ الف كيلو 

طبعا استخدامي للسياره في وسط الاسبوع استخدام طبيعي,, يعني من البيت للدوام ومن الدوام للبيت.
وفي نهايه الاسبوع ما ارحم السياره, وطبيعه سواقتي هاديه ولا ادعس للسياره الا في وقت الحاجه.

ندخل في صلب الموضوع,

عيوب السيارة:

- استهلاك البنزين داخل المدن... داخل المدينه استهلاكها يكون بين ٩-١٣ لتر لكل ١٠٠ كيلو
ومن وجهي نظري اشوف ان السياره تستهلك بنزين ومني راضي عن استهلاكها..

- السياره طويله نوعا ما وبالتالي ادائها في المناورات ضعيف ولانها دفع امامي.. وفي المواقف الضيقه بتتعبك خصوصا اذا ماعندك حساسات خلفيه

- كان يطلع لي في بعض الاحيان صوت طقه في القير مع نتعه خفيفه وسويت اعاده برمجه في الوكاله واختفت المشكله.
 
- تكييف السيارة ضعيف في الظهر اذا كانت درجه الحراره عاليه.. هذه المشكله موجوده في جميع السيارات الكوريه..
انا شخصيا ما اشوف انها عيب يستحق الذكر. لان ديكور السياره في الظهر يكون حار وتحتاج تقوي مروحه المكيف
على درجتين او ثلاثه لين تبرد السياره من الداخل وبعدها يضبط الوضع.

ونصيحتي لكل من عنده سياره كوريه موديل جديد,, لا يحط درجه البروده اقل من ٢١ عشان لا يضرب بلف الكمبروسر
لان الموديلات الحديثه صار البلف الكتروني.

نجي للميزات
لمن قبل مااذكر المميزات لازم تفهمون اني جالس اقيم السياره مقارنه بسعرها. 
من ابرز مميزات الكادينزا:

- اول شي هو السعر مقابل المواصفات... سعر الكادينزا منافس جدا ورغم انها ليست من فئة ال٤ سلندر
الا انها متقاربه معهم في السعر. وهذا الشي الي يخليني ماافهم الي يشترون كامري او هوندا بسعر ١٠٠ الف وفي الاخير ٤ سلندر

- ثاني شي الجودة... انا يوم اشتريت السياره توقعت جودتها تكون سيئه نظرا لرخص سعرها. لكن تفاجأت ان جودتها ممتازه
والي خلاني احكم على الجوده هو اني مشيت بالسياره ٤٠ الف ومازالت الاقمشه فيها عمر ٥٠ ٪. وكنت متوقع الشركه تغيرها لي في صيانه ال٤٠ الف.
وايضا تماسكها وعزلها ممتاز جدا. والي يعرف جده وشوارعها راح يعرف ان اي سياره راح تتفكفك بعد استخدام شهر.

ـ شكل السياره... اي شخص ما يعرف الكادينزا راح يشك انها سياره ألمانيه. خصوصا اذا كانت مغسله وملمع الكفرات

- عزم السيارة.. في اي وقت تحتاج للعزم راح يكون عندك ٢٩٠ حصان تحت امرك وصدقني ماراح يخيبون ظنك.


هذا كل مايحظرني الان 
واعتذر مقدما لو نسيت شي
اترككم مع الصور واسعار قطع الغيار واسعار الصيانة
وعلى الفكرة الكادينزا البيضاء الي في الصور هي حقت خالي موديل 2011 وماشية 200 ألف وماشاء الله ماقد أشتكت من شئ

اخر صورتين هي الكيا كوريس
 
 
















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


قا لو لي على ايام السوناتا 2007 .. اصبر لها خمس سنوات وتشوف  والاحين  لي اكثر من كذا 

واللي كانو يتشمتون الاحين يدورو هيونداي .. الكوري صار اعتمادي   


up 2 down 1
fahad alzhrani 144
قبل 3 سنه و 6 شهر



تسلم يا طيب على التقرير الرائع ،

الآن التقرير عمره سنة ياريت لو توافينا بتحديث له ، كم ماشية السيارة ، وايش بدلت فيها خلال السنتين اللي راحوا وهل لا زلت تنصح فيها
وكل الشكر لك عزيزي



up 0 down 0
الشيبة
قبل 2 سنه و 6 شهر