فصل ونتعة في السيراتو والالنترا

نعم بالفعل ورحت للوكالة وقلت لهم على المشكلة وما طلعت بشي 
لما تهدي في نتعة وخصوصا مع المكيف ولو طفيت المكيف تروح النتعة 
وجربت اكثر من النترا كلهم كانوا 2.0 وفيها نفس النتعة 

اي اخوي   وانا عندي سيراتو موديل 12  لاحظة  نفس المشكلة  مع الزجمة والحر 
المشكلة   زيت القير يحتر مع الزحمة   توصل حرارة زيت القير  الى 105  واكثر 
 وحلها  بسيط   تجيب  مبرد خارجي  لزيت القير  تحصله  عند  ترايستار   ب 150وتركبه  وتنزل حرارة  القير  بمعدل 80
وراح   يصير عمر القير  اطول     

النترا 2011 نفس المشكلة نتعة ركبت مع تكسي النترا 15 ماشي 30 الف يعني شبه وكالة وفيه نتعة 

النترا 2015 فل كامل ماشيه 60 الف
الملاحظات اللي جاتني

ااحس الديكور ماهو متماسك 
اصوات اشياء مفككه اذا دعست على عيون القطط 
المكيف يضعف تكييفه فالنهار بس الحل انك حاول تشوفلك شجره توقفها تحتها وبعدها لو تمشي وتشغل المكيف فالنهار التبريد يكون ممتاز
النتعه ماقد لاحظتها لحد الان
مره وحده جيت اشغل وما اشتغلت وحاولت فيه كم مره واشتغلت ومن بعدها ماعاد رجعت هالمشكلة
صوت تنسيم اذا شغلت المكيف يجي ويروح

هذي الامور اللي مرت علي

^^
ماني مدقق على الملاحظات هذي لاني ماني براكب مرسيدس ولا بنتلي بنص مليون

عند اثنين من اقاربي 
إلنترا 2013 و2014
كلها فيها مشكلة في الجير 
والمشكلة نتعة ويختفي الارقام من العداد
وانا قلتها قبل كذا والناس طقوني ديس لايك وقالو انت  ماعندك سالفة ولا قد صارت
بس وش نقول الي عقله محجر يبقى محجر 

مشكور على ردودكم الجميلة
الكل +1

الطفيه اذا شديت ووقفت هذي حصلت معي شخصياً على النترا 2010
ومافيه شي ماغيرته بالاخير اكتشفت ان اغلب الكوري كذا

ماهي طفية هي نتع في الجير خاصة في الازدحام لمن تاقلع وتوقف ورا بعض تجي تدعس بنزين السيارة تنتع وتسمع صوت دب وتمشي