بخصوص زيت المكينه

انا طربت كاسترول نفس اللي ذكرته و نقص معي و طلع صوت تكتكة .
سوبر  جي تي جربت الاصلي من البلاستيك و التقليد الحديد و نفس بعض تقريبا فاشلين و طبعا البلاستيك يجي منه تقليد .

انا الان استخدم بترومين و ممتاز جدا . 

مشكور اخوي خالد ..

كم لك تستخدم بترومين ؟ وكيف تتاكد انه اللي بالمحطات اصلي 

السويدي ، اللي بالمحطات نفس سعر بترومين نفسه ( اتكلم عن بترومين ابو ٥٠٠٠ )

قصدي هل هو افضل من كاسترول ؟

العائلة تستخدمه من سنوات طويلة بس انا لي سنتين استخدم بترومين 10-30 .
كرتون بترومين سوبر الابيض ب 265 ريال فيه 24 علبة يعني الحبة ب 11.5 اعتقد الان رخص اكثر . 

جرب توتال 30-10 علبه بيضاء

حسب تجاربي لعدة زيوت , زيوت بترومين الافضل سواء زيوت ابو 10 آلاف او زيوت ابو 5 آلاف , أقسم بالله مره عبيت اللكزس زيت بترومين a1 5w30 ومشيت عليه 2600 كم وباقي كأنه جديد توك صابه

اهم شي اللزوجه 5w30 او 10w30 
مانصحك ب 20 w50  لان متعب وومكن يضر المكينه

أنا معي موهافي ،،

ونوع الزيت اللي استخدمه : بترومين 5w30 الذهبي ، ويمشي 10 الآف كيلومتر.

يعطيك لاعافيه ابو احمد ..
انا ودي اغير لزيت نفس الدرجه اللي هي 10w - 30 .
فاتوقع بترومين سوبر 10w - 30 افضل شي انتقل له 

انصحك تغير لبترومين هو الافضل 

انا من يوم اشتريت سيارتي وانا استخدم بترومين 
اخر مره قلت خليني اشوف الوكاله بكم يغيرو الزيت وغيرت عندهم لانو طلع نفس حق بترومين وقلت الوكاله احسن اكيد المهم انهم يستخدمون زيت كاسترول اظن 
والحين احس السياره ثقيله وعزمها ماهو مثل اول 
قررت اني ما اغير الزيت الا عندهم وخدمتهم كويسه بس خليك واقف فوق راسهم 

ان شاء الله اني بغير لبترومين ، اشكركم جميعاا ..