هام بخصوص الكادينزا تركيب شاشة

يارجال مافية شي اسمه مايركب 
والهندي قالك هاذا الكلام عشان تركبها في الوكالة 
كيلو2 فية جميع الشاشات وصيني وكوري ضمان سنه
ركبها واستمتع ولا عندك اي مشكلة

هو اصلاً موظف في الوكالة هو اللي ماسك قسم صيانة الكادينزا والكوريس لكن خوفي تخرب الظفيرة وقيمتها غالية اتوقع تصك 6000 الف ريال انا ابغى شاشة الفل وكالة اي واحد يدلني انا بالرياض

خذ شاشة نظام اندرويد وانتبع لنوع الشاشة لابد يكون فلاي اوديو او رود ماستر اعلى فئة تسمى بلاتنيوم
النوعين ذول اللمس فيهم سلس وسريع لانه فيهم معالج قوي لكن باقي الشركات اللمس تعبان جدا .. واستمتع يامعلم
فيس بوك .. يوتيوب ..تويتر .. برنامج فحص السيارات obd2 والكثير..

مشكور اخوي لكن يفضل اخذ حقت الوكالة تبع الفل كامل لأني احس بالشاشات هذه اللغة والخط تحسسك ان الشاشة صيني

هذي الشاشات المذكورة فيها مواصفات اطلق من الوكالة

تم تركيب شاشة S100 على كادينزا استاندر ومافيه مشاكل
من باب أولى شاشة الوكالة تركب بدون مشاكل

بس وين تلقى شاشة الوكالة وبكم ؟

شاشة اس 100 أفضل الموجود صناعة كورية وممتازة مافي داعي تفكر بشاشة الوكالة.

موفق 

شاشات الوكاله عامه تلقاها ع خريص مقابل هونداي عند كبري الخليج

لعلمك لو ركبتها خارج الوكالة السيارة بتطلع من الضمان يعني خرب فيها شي في الكهرب بيقول مالنا دخل انت متعبث


وبعدين حط في حساباتك انك لازم تشتري ديكور الوسط كامل علشان الشاشة


وبعدين مع احترامي لك انا بناقشك في هالنقطة الآن الاستاندر حاطين ليك cd وaux وusb وكل شي موجود نفس اللي يشغله الشاشة يشغله مسجلك ووكالة وصافي ومابه خلاف


الشاشة وش بتفرق معك بتقنعني انك تتابع مسرحية ولا شي وانت تسوق لعلمك شاشة الوكالة من تعطيها d او بالعربي تفك عن p يطفى dvd ويبقى الصوت فقط ك آمان للسائق والنفقيشن وهذا بس حق منظر لا تقنعني انك بتسفيد منه قوقل مابس موجود يدلك ويقولك رح يمين ويسار


صدقني يخوي المسألة مهيب سهله اطلع سيارتي من الضمان بيدي وممكن تسبب لي مشاكل الله لايقوله وحتى لو ماتسببت مشاكل وغير انه بفك ديكور وانا ماكملت 2000 كيلو عشان نفقيشن وشكل بس


لو السيارة مهيب مزودة ب aux وusb و cd مثل الفرود ماركيز وفكتوريا اقول معك حق بس كل شي فيها



اخوياي ثنين معهم كادينزا واحد ستاندر والثاني فل والله اركب مع الثنين عايدي هذا عنده وهذا عنده بس ذاك يفرق انه كاشخ ب نفقيشن ولا هوب يمه


تحياتي لك ونصيحة لا تعفس مويترك بيدك خله على شد بلاده وريح دماغك لاتركب شي الاستاندر والله لو فيها شي انا اول واحد بقول لك غير بس ماشاء الله شكلها حلو وليدات من برا وجنطها حلو وتخشيب وحتى شاشة المعلومات حقتها حلوة يعني حرام تروح تعفس


بالتوفيق

مشكور اخوي ابراهيم على كلامك من جد احس الموضوع تافهه وشاشة المعلومات تكفي وزود بعد وللمعلومية استفسرت عن سعر الشاشة طلع 2900 مع الكاميرا !!

اخوي سلطان انا حصلت شاشة الوكالة على كلام المعرض اللي اشتريت من عنده السيارة بـ2900 مع الكاميرا

انا من الرياض ونفسك ابي اركب شاشه السبب الكمره لان عندي مافي حساسات استداندر وعيبي الوحيدً اني لازم اصك اي شيء وراء علشان كذا ابي اركب شاشه وبالنسبه لك للي تبي تركب شاشه الوكاله يقولون ب٣٥٠٠ ااو ٤٠٠٠ لكن المحلات فالغرابي ديكور كامل ب١٨٠٠ تحت وفوق لكن نصيحه لك اطلبها من برا اذا ارخص انا قاعدادور لي رابط علشان اجيبها من برا دخلت على الموقع لكن ما عرفة وين النوع واللي ابيه منكم تفيدوني بحل لو ابي اركب كمره وش الاحسن 

اذا الموديل ١٦ وتحت فيه شاشات اندرويد اطلق من حقت الوكالة بس اذا معك ١٧ وفوق علمني وش سويت لاني متوهق ما حصلت شاشة و اخذت حقت الوكالة بس كل ما سالت قالوا ما تركب

السلام عليكم انا عندي نص فل كادينزا ١٦ شاشه صغير وشريت شاشه كبيره من التشاليح وسالت يقلون ماتركب عشان في اختلاف الأسلاك هل صحيح