استفسار عن صيانة كيا وتحديدا اوبتيما

اهم شيء غير زيت وسيفون وعادي برا الوكاله والسياره ما راخ تخرج من الضمان نهائيا

واحلى زيت هو بترومين A1 الكرتون سعره 280 ريال تقريبا يعني العلبه من 20 الى 22 ريال تطلع عليك

و السيفون 10 حبات ب 90 ريال طبعا يجي عليه هونداي وهو واحد حق السوناتا والكيا والرقم لكلا السيفون واحد

ويمشيك هالزيت 10 الاف كيلو واريح للمكينه وافضل زيت لحد الان بمواصفات ولزوجه ممتازه

و لزوجه 30 في 5 نفس اللزوجه اللي على غطا عيار الزيت والمكينه للاوبتما و نفس الموصى من الوكاله

الزيت في بترومين A1 ب 60 ريال العلبه والبناشر على 50 ريال العلبه !!!! 

لكن من محلات الجمله تاخذ كرتون 12 حبه ب 280 ريال الى 300 ريال , تطلع العلبه من 20 الى 23 ريال تقريبا

والسيفون منهم اي



وبعد 50 الف كيلو ان شاء الله

غير فلتر مكيف و فلتر مكينه و بواجي ليزر سعرها بالصناعيه القديمه 150 ريال

و الصيانه اللي بعدها على 100 الف ونفس الصيانه اللي فوق 

بالاظافه الى تغير الزيت حق القير في الكلتوج على 100 الف كيلو لكن غيره على 60 او 70 الف كيلو

وخذ زيت القير من الوكاله و غيره برا الوكاله ب50 الى 150 ريال

موفق يا غالي واتمنى افدتك

السلام عليكم
عند ولدي كيا اوبتيما 2014 بيغير الزيت عند بترومين 106 ريال نفس مواصفات زيت الوكاله مع خدمات اخري
المهم فاتورة التغيرمن بترومين مسجل فيه العداد والتاريخ ومختومه ويختم على دفتر الصيانه المرفق مع السياره
وقبل اسبوعين لقيت عند مركز التميمي للصيانه بالمدينه نفس لزوجة الزيت حق الوكاله بي 60 ريال مع الفاتوره والختم
المهم الفاتوره والختم في كل مره تسوي تغير عشان تبقى السياره بالضمان
وهذا شرط من وزارة التجاره على صاحب السياره عشان يبقى ضمان الوكيل مستمر
وهذا الكلام انا اخذه من موظف الصيانه في وكالة الجبر 

يعطيكم العافيه اخواني افدتوني بردودكم الله يوفقكم

تاكدو من وزارة التجارة لاني اتوقع انهم مع الوكلاء من ناحية اي تغيير برا يلغي الضمان 
لاني كنت فهونداي ومر علي كثير وكرشوهم قالوا راجعوا الفرع الرئيسي لانكم ماسويتو الصيانة عندنا باستمرار
فمادري وش الي بيصير
واحدهم قال بروح اشتكي لوزارة التجارة 

الموظف قله عندنا تعليمات الوزارة وروح اشتك 

نعم صحيح
تقدر تغير الزيت خارج الوكالة ومايروح الضمان بشرط يكون في بنشر معتمد مثل بترومين
أما لو غيرت في أي بنشر عادي يروح الضمان ووزارة التجارة ماراح ترغم الوكالة اذا ماكان التغيير في مركز معتمد

في حال لو تعطلت و ما عندك فواتير لتغيير الزيت يرفضونها اما اذا السياره جاتهم ما تشكي من شيء فقط صيانه دوريه لصالحهم انهم يسوون لها صيانه ما بيرفضون الفلوس

ممكن الافاده ايه اللي بيتم في صيانة ال 80 الف لسياره كيا اوبتيما 2013 فل كامل لاني سألت قالي ب 1200 ريال تقريبا 

السلام عليكم ورحمة الله 

يا اخوان انا عندي كيا اوبتيما فل موديل ٢٠١٥ و ماشية ١٠٨٠٠٠ كيلو

المشكله الان في الريموت يفتح و يقفل البيبان بس اذا جيت اشغلها يعطيني
اشاره بأن المفتاح مو لها وش الحل 

علماً بأن الدركسون قفل معي