كيف احافظ على ضمان الوكاله اشيك عندهم اوعند بترومين؟؟؟؟؟؟؟؟؟

والله وانا اخوك ان الوكالات سرق بسرق

ضمان المصنع مستمر معك سويت الصيانه عندهم او لا

انا اشتري الزيت والسيفون من الوكاله اشتري كرتون زيت وسيفونين حق تغييرتين واغير برا

وبترومين مايفرقون عن سرق الوكاله تقدر تغير باي مكان وتحتفظ بفاتورة الزيت اللي شريته وتطلب من أي بنشر فاتورة تغيير الزيت وخلها عندك احتياط

والتغيير بالبنشر من 25 الى 30 ريال بالكثير

متاكد انت الي سمعته انه اذا غيرت خارج الوكاله او بترومين يلغي الضمان
والله اني متخوف السياره والله الحمد جديده وخوفك توديها بنشري ويعدمها لكلكن الوكاله تريح البال لكن مدري بترومين ارخص اولا

متأكد ومجرب بسيارتين

المصنع يهمهم تغيير الزيوت والصيانه فلو عملتها برا ومعك فواتير تثبت ما احد يقدر يجحدك

تبي تصير مهتم بزياده وتبي كذبة تغيير زيت وتشييك 15 نقطه اللي ماادري وشي ^_^ واخرتها بترومين بـ 350 ريال !!

اذا بترومين مع الزيت بحدود 150 ريال استمر معهم اكثر من كذا سرقه خصوصا ان زيتك 5000 كيلو مو
10000

طيب ايش الاشياء الاضافيه الي تعملها الوكاله في تشيك 10الاف هي ب334ريال

لكن مدري هل زيت وسيفون فقط او فيها تغير فخمات ومساحات وزيت بريكات وغيرها

نحن ماخذين اوبتيما من البراشي ( معرض معتمد من وكالة الجبر) 
وعندهم مركز صيانة وقطع غيار سويت اول صيانتين عندهم 
وسألتهم اذا اقدر اسويها برا
قالي الرحال براحتك بس اهم شي احتفظ بالفواتير 
عشان لا قدر الله حصلت مشاكل يكون عندك اثبات 

الففحمات بدري والمساحات بعد بدري عليها

كل اللي يسوونه تغيير زيت وسيفون ويشيكون باقي السوائل اللي ناقص يكملونه فقط

دور بالنت جدول الصيانه حق سيارتك ويكتبون فيه بالعاده وش الأشياء اللي يسوونها وشف اذا تستحق هالمبلغ او لا

لو ان زيت سيارتك يمشي 10 الاف كيلو كان قلت لك 350 ريال حلوه بس خمسه الاف اشوفه كثير

صاحب الموضوع يقصد انه بس يغير الزيت مع الفلتر مافي تشيكات يسويها مثل فلاتر المكينه وغيرها من الاشياء الاساسيه
بالمراكز المعتمده يعني يغير زيت وفلتر بس لانه يمكن اذا صار شئء للسياره قالة انت ماغير الشئ الفلاني بالوقت الفلاني
هذا قصده

صار شئء للسياره قالو انت ماغير الشئ الفلاني بالوقت الفلاني
هذا قصده يعني يستمر على هذي الصيانه الي هي تغيير زيت وفلتر الى متى والاشياء الاساسيه متى يسويها كل كم كيلو
وكيف يعرف الاشياء الي تتغير ولابترومين عارفين شغلهم وهم يبلغونه بالاشياء الي خلاص لازم تتغير؟

ايه هذا الي اقصده انا


ممكن يخرب شي علي ويقولون كان يتغير لو كان تجي تشيك عندنا زي العيب المصنعي

علشان كذا أقوله خذ جدول صيانتك من النت واذا ماحصلته مر الوكاله وخذ جدول الصيانه

وفترة الضمان كلها مايتغير الا الزيت والسيفون

وتأكد على كم يتغير زيت القير علشان مايكون لهم عذر مع اني انصح تغيير زيت القير يكون بالوكاله حرصا على القير

بس زيت المكينه والسيفون مايبيلها معلم

لحد يوهقك يقولك الضمان مستمر حتى لو ماسويته 
الوكالة يا انك تستمر معاهم
او تسوي عند مراكز معتمده تغيير زيت وصيانة شاملة كل 10 الف
لو رحت غيرت برا بس زيت الضمان مايشملك 
ولو تبي اتاكد ارجع اسئل الوكالة
ودامك مغير زيت عندهم ليه ماتسئلهم بنفسك 

حتى وزارة التجارة معاهم في هذي النقطة 

اللي متخوف يستمر مع الوكالة الى اول مرة تغيير زيت القير
و اذا تطمنت على القير اسحب على الوكالة سواء تغيير زيوت او صيانة
فقط غير قماشات و بدل الكفرات كل فترة 
و البواجي اذا كانت نوع راديوم
تستمر معك الى ممشى 200 او 150 الف
سو صيانه شاملة بالوكالة ذاك الوقت


شويخ مشكلة اذا الوكالة يغيرون لك زيت ثقيل ما عندهم غيرهم
و لو على مسؤوليتهم بعد ما تطلع السيارة من الضمان تطلع مشاكل بالمكينه
من يرد لي حقي ذاك الوقت ما تنفعك وكالة و لا وزارة !!!!

صحيح
تقدر تغير عند بترومين والضمان يستمر

لاتروح تغير عند بناشر عادية عشان ماتقول بعدين وزارة التجارة ماأنصفتني مع الوكالة
كلام وزارة التجارة واضح التغيير يكون في المراكز ( المعتمدة )
صحيح  بترومين أغلى من البناشر العادية لكن تبقى أرخص من سعر صيانات الوكالة بفارق كبير وأسرع وقت وأقرب مسافة

انا قررت

اني بغير عند الوكاله المرتين الجايين بعدين بسحب يعني 10الاف ب334ريال و15الاف ب214ريال بعدها بروح اغير عند بترومين ارخص ومايروح ضمان الوكاله وبراقب فلتر وبواجي وبريكات بنفسي رايكم ؟؟؟؟

لانه بعدها يوصل 20الاف على 900 ريال وانت طالع صعبه علي

ياصاحب الموضوع 
انتبة لاتغير عند بنشري ..غير الزيت عند بترومين مكان معتمد
في ناس خبطت مكاين سياراتهم وجابو فواتير من البناشر
وتحملو توظيب مكاين سياراتهم
انت اتصل على وزارة التجارة وشوف ايش يقول لك
عن الضمان
موفق

غير عند اوتوستار احسن من بترومين

ويكون عندهم جدول الصيانه تقريبا قريبه لسعر الوكاله بس شغلهم احسن السياره قدام عينك يسونها 

يا خي ما هو على كيفهم انت بايع على سيارة وضامنها لي ان ما فيها عيب مصنعي او جودة سيئة اي شي يخرب قبل وقته هذا 

معناته عيب او رداءه في الجودة انا على اغير زيت وبس