أصحاب الخبرة في سورنتو 2012 دبل

مع اني محتار بين الراف فور والسورنتو

انا عندي واحد 2010. فل الفل سته سلندر

اولا لا تفكر تقارنه بالراف فور لان الراف فور اصغر منه بكثير ومكينته اربعه سلندر

السورينتو مكينته اقوا من السنتافي


السياره ماشيه الان 200 تقريبا
الاشيا اللي غيرتها. علبه باور  وفحمات وبواجي وزيت قير ومكينه.  بس

غير كذا ولله الحمد ماشيه زي الحلاوه

العزم في المدينه تب التوب 
في البر الوسط   خذ موتر. 

بس ماينفع للطعوس الكبيره لان الدبل اللي فيه الكتروني وليس اختياري وخفيف فقط وليس ثقيل

ولكن يأدي الغرض

اذا طعست فيه ومشيت برمل.  ووقفت وجيت تمشي.  تغرز

لازم تنسم الكفرات  اذا جيت تذخل طعوس وتطفي مانع الانزلاق
السياره قاسيه جدا في الحفر والمطبات والعزل الجانبي رايح فيها
اذا تبي نصيحتي شوف لك باترول 2008.  او يوكن اما بخصوص سعر اللي انت لقيته فيعتبر لا باس فيه بشرط يكون فل الفل.   او  تدور 2013 الشكل الاحدث  اذا انت بالشرقيه  وحاب تجرب سيارتي فماعندك. مشكله ياصديقي

نسيت اقولك.  لو تاخذ لك باجيرو.  افضل.    50 تجيب لك موديل طييب

والله ياخوي ادري الرد متأخر بس لعل الغير يستفيد

انا واحد من الناس عندي 2012 ستاندرد 6 سلندر دبل

السياره بشكل عام ممتازه وهي تعتبر هونداي سنتافي نسخه كيا خصوصا ان جميع القطع الداخليه تقريبا هونداي
المهم ....

السياره شاريها مستعمله من سنه ماشيه 115 الف وماشالله تبارك الله غيرت فلاتر وزيوت فقط حتى بواجي ماغيرت وحاله السياره كانه وكاله ماشالله مع انها كانت لشركه
المكيف بارد بس لا توقف وانت رافع على التكييف لانه التبريد بيصير اشبه بالصحراوي هذي المشكله لاحظتها بكل الكوري
اعيد المكيف بارد بس اذا رفعته لاعلى درجه واكان معاك ركاب بالخلف بعز الظهر ترا بيعرقون
العزم ماشاءالله يخوف مقارنه بالجيوب
بالتطعيس لاتصعد وتنزل لانه مو ذاك الزود خصوصا انه رباعي مستمر واذا شغلت القفل بيصير 50 ورا و50 قدام والفايده منه شبه معدومه واذا صار حمل قوي عليه يفصل الدبل علشان ما يأثر على الدفرنش الخلفي
بس معاي مسوي شغل اذا حبيت اتمشي بالبر
الصرفيه ماشي حالها تقريبا مثل الفكتوريا
الرساوه ممتازه
المساحه الداخليه ممتازه
القساوه وهي المشكله اللي اعاني منها خصوصا عيون القطو فحص السياره من الى وغيرت الكفرات قلت يمكن منها مافي فايده
من ناحيه القساوه تضل انعم بكثير من الفورشنر
الجيل الاول من السورنتو اللي انقطع ب2009 هو اللي كان بطل بالبر ومايعوقه شي
قطع السياره الرخيصه لاني سمت بعض القطع قبل لا اشتريها مثل:
البريكات الاماميه تقريبا 190ريال
6 بواجي الكترونيه 180ريال
فلتر هوا مكينه اصلي 40 ريال
فلتر مكيف اصلي 50 ريال

هذا اللي اعرفه عن السياره ووجه نظر لا اكثر واسف على الاطاله