أضف سؤال أو موضوع جديد          

تقرير - أوبتيما 2016 المواصفات - الأسعار - الفئات

up 12 down 5
starting 1043
قبل 5 سنه و 9 شهر



السلام عليكم ورحمة الله وبركاته 

مساكم الله بالخير الإخوة الفضلاء رواد منتدى حراج 

اليوم الصباح مررت على كيا الجبر وصورت لكم الأوبتيما 2016
والمواصفات والأسعار الصراحة السيارة جميلة جداً وفيه تطور ملحوظ بالجودة 

سيتم ترتيب الصور والأسعار والمواصفات في الأسفل كالتالي : 

- الفئة العادية ( فل كامل ) 
السعر : 107,150 ريال 

-الفئة العادية ( نص فل ) 
السعر : 91,350 ريال 

- الفئة الرياضية GT ( فل كامل ) 
2.0 توربو 250 حصان
السعر : 114,550 ريال 


كان بودّي تنسيق الموضوع بشكل أفضل
ولكن ضيق الوقت أضطرني لكتابة الموضوع بالجوال ودعمه بالصور.

الموضوع شخصي وأتمنى أنه نال إعجابكم 
شاكر لكم مروركم وتعليقكم مقدما
تحيتي للجميع،،




























إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


وين الأسعار 
ويعطيك العافية على التغطية .. لكن الي محيرني إِيش الحكمة من وضع مقاسين للجنوط غير الربح ؟


up 0 down 0
uncamry 22
قبل 5 سنه و 9 شهر



أضفت الأسعار 
العذر منك مع العجلة ما أنتبهت.
الله يعافيك يا غالي وسرني مرورك :) 




up 0 down 1
starting 1043
قبل 5 سنه و 9 شهر



بخصوص الجنوط في عدة أسباب :

الأول : إختلاف أذواق الناس منهم من يفضل الجنط كبير الحجم ومنهم من يفضله أصغر لإنه أريح بالممشى والمطب.
الثاني : تختلف الرساوة 180 درجة في حال إرتفاع حجم الجنط مما يعني أن الفل أرسى من النص فل لكن قد يكون أقسى كضريبة للحجم.

هذا رأيي ويفيدوك الشباب أكثر :)


up 1 down 1
starting 1043
قبل 5 سنه و 9 شهر



والله روعه مشكوورر على التقرير 

لو انه سعرها لو ينزل للفل ٩٥ صدقني بتكون خرافية المبيعات 


up 0 down 0
bandara 1134
قبل 5 سنه و 9 شهر



اكيد اللي حاط الاسعار سكران   وش الهلكلام الفاضي   السيارات بدت اسعارها تنزل  وهم رافعينها     اللي يشتري بهذه القيمه يسمحلي ماعنده عقل يوجد بدائل كثيره ووكلاء افضل من الجبر 


up 4 down 1
العمري للعقارآت 352
قبل 5 سنه و 9 شهر



نزلت فئة الاستاندر مكينة حجم مكينة 2400
اذا موجودة ليتك مصورها بمواصفاتها و سعرها


up 0 down 0
مثقف سيارات 1146
قبل 5 سنه و 9 شهر



والله حرام مو تعصب عشانها كوريه ولا شيء بس سيارات زي كذا ومكاين صغيره توصل 100 الف وزود بعد !!! ياقلب لا تحزن اتعجب والله من اللي يشتريها وعنده خيارات افضل وارخص بعد مثل تورس وكادينزا


up 2 down 1
فيصل طلال... 151
قبل 5 سنه و 9 شهر



الحين الاوبتما الي كانت تاخذها ستاندر 79 الف وتيربو وشكل ولا احلى وتكرف
صار النص فل ب التسعينات ؟؟ 

عموما اذا المواصفات والامان تطور عن الجيل القادم مثل السوناتا وتحسنت رساوتها راح تستحق هسعر 
لكن لو بتكون زي المواصفات القديمة زي الشاصي والبدي القديم  

فانا اشوف اننا مقبلين على عهد المازدا عسى الوكلاء يفهمون اننا شعب ماهو مشكلة يدفع بس نبي شي يستحق ويستاهل الي ندفعه عليه



up 2 down 1
انت اخر امالي 624
قبل 5 سنه و 9 شهر



مكاين التيربو دايم مرتفع سعرها حتى لو كانت 4 سلندر
اقرب مثال الاكسبدشن
كانت اول مكينة V8 الاستاندر ب115
الحين مكينة V6 تيربو ب130 اقل شي


up 2 down 0
مثقف سيارات 1146
قبل 5 سنه و 9 شهر



الكوري لو يفكرون في سعره شوي وينزلونه لغاية 100 للفل كامل تيربو 
صراحة بتضرب بسوق فئات بالارض لكن دام السعر مرتفع ماضن احد يفكر فيها الا اذا تحسنت من الامان والرساوة 
اللي اعجبني فيها الاستاندر فيها ايرباقات جانبية والاند كروزر الفل كامل وارد السعودي مافيه ايرباقين وسعره 226
يعني صار الكوريين يهتمون بالامان اكثر من اليابانيين وخاصه تويوتا اللي مايهمها الا انها تكسب ربح ولا يهمها السمعه 
لكن هم معهم حق لاقين شعب يشترون سيارتهم لو بدون فرامل ومهما كان السعر  لو ربعنا يركدون عنا شراء سيارتهم موسم واحد والله ان يعقلون ويهتمون بالمواصفات وخاصة الامان وسعره يصير اقل من الميتين
يحتاج حملة للوكلاء نادبهم شوي 


up 4 down 1
المناخ 626
قبل 5 سنه و 9 شهر



المناخ والله ماعندك احد تنصح ولا ماتنصح ينتظرون شهر ثم قامو يشترون


up 1 down 1
ارفض -14
قبل 5 سنه و 9 شهر



المناخ 
وين راحت الافالون والكامري الجديدة كلها 10 ايرباقات 
الاوبتيما الي تشوفها بالصوره 6 ايرباقات 
تجي للسياحي بالاوبتيما ولا السوناتا ايرباق واحد بس
بعكس الكامري ايرباقين 
الافالون سياحي 6 ايرباقات 
الازيرا والكادينزا ايرباقين 
الالنترا ايرباق واحد 
الكورلا ايرباقين 
اللاند صحيح ايرباقين.. لكن الفل كامل 10 ايرباقات vxr2+vxr3 


up 1 down 2
al_orainy 56
قبل 5 سنه و 9 شهر



يالعريني 
الافالون والكامري اللي فيها عشر ايرباقات بامريكيا 
وتتصنع بامريكا الكامري  اعلئ فئة اللي فيها عشر ايرباقات لكن الوكيل مايجيب  الا تصنيع استراليا ام ايرباقين  عشان السعر رخيص ويبيعها هنا دبل السعر 
اما الافالون اللي عندنا ست ايرباقات  واللي عشر ايرباقات متوفرة لامريكيا 
احنا عندنا الامبالا اللي تجينا حتئ الاستاندر فيها عشر ايرباقات ورح الوكاله وشوفهاا بعينك وهذا اذا دل علئ ان الامريكي  مايهتم بالاكسسوارت الداخليه للسياره لانه مركز علئ الامان  انا ماعندي مشكلة ان الياباني يجيب لنا الاستاندر بدون كشافات وبدون شاشة وبدون مثبت سرعه اما انه بعد يخليها ايرباقين  عشان يجبرني اخذ فل كامل بزياده فلوس فهذي مالهم حق فيها لانهم كذا يساومون علئ اروحنا او بالاصح اذا تبغئ سلامتك اشتر فل كامل بزياده كثيره عن الاستاندر 
شوف عندك الجكسار يطلبه الوكيل من المصنع بدون كشافات وحساااسات وجناح ويقعد يركبها في مستودعه وينزله للبيع يحط سعره 224000  وحتئ تلاقيه كاتب المواصفات في ورقه معلقه بالقزاز الخلفي بالوكاله نص القطع ماليزي علئ صيني علئ تايلندي 
لا ومن زود الحرص حاط سجادة صلاة من ضمن المواصفات ههههههههه تحفة هذا الوكيل . وربعنا يقرون ويشفون الترهيم ويشترونه بسعره المرتفع والسبب شيك بالمخبا ياشيخ مااحد شاريه منك الا اللي مثلكه مخدوع فيه 


up 3 down 1
المناخ 626
قبل 5 سنه و 9 شهر



يعلق ويصفق " للمناخ " ☺ >


up 0 down 0
أبو سـيـف 214
قبل 5 سنه و 8 شهر



السلام عليكم اخواني انا قدام عيني شخص يغير شمعات خلفيه تجاري وياخذ حقت الوكاله ؟؟؟؟ ويقولو وكاله من خشم الموتر لطي.. ؟؟!الله لا يوفق كل من غش الناس


up 0 down 0
kroom.s
قبل 5 سنه