تورس ام كادينزا

والله شف يخوي انا بنصحك باعتبارك اخ وباعتبار اني انا اللي بشتري الموتر خلنا من امريكي وياباني وكوري انا اكلمك بشي بالمنطق



الكادينزا ثنين من اخوياي شروها وباستشارتي بعد ما اقتنعت 100% منها من واحد من العيال معنا وصلت معه ماشاء الله بحر 250 الف موديل 11 واشوف كارها كنه يعامل حمار الله يكرمكم لاتحمية ولا انتظام في تغيير الزيوت ولا أي موضوع وصابره ماشاء الله وارصفة ومطاب ولين الحين ماشاء الله سقتها قبل فترة لا اله الا الله


والحمد لله ماخابت ضنوني فيها كل اخوياي الثنين اللي طلعوها يقولون ما توقعناها كذا ويوم عن يوم ينعجبون فيها وفي رساوتها ومركبها ونعومتها والعزم ايضا



التورس ما اقول سيئة لكن انت احسبها بنفسك التورس سعرها وكالة 90 تقريباً ولا يغرك انتفاخها وكبر شكلها انا والله راكبها مع خوينا مراتبها صغار مهيب على حجمها والرؤية بصراحة فيها معقدة تحسك غاطس وشنطتها كبيرة من ورا ومرتفعة


والكادينزا بيني وبينك ضمان خمس سنوات مفتوح الكيلوات مرتاح


وممكن تحصل في المعارض حقت النسيم كادينزا وكالة ب 75 الف خوينا مطلعها في شهر 11 ب 75500 ارخص معرض بتأمينها وبكل شي بس مدري فيها الحين ولا قضت


الخلاصة جرب الموترين مع اني متأكد انك بترتاح لقيادة الكادينزا ونعومتها التورس ليست سيئة بس بصراحة الرفع والكبر اللي على غير فايدة مكرهني فيها ليتها وسيعة من جوا نقول ما يخالف

اذا بتنتظر بتنزل الكادنزا الجديده نهاية السنه او في رمضان شكلها خورافي