استشارة زيت القير للكيا

زيت القير الخاص لكيا هو SP-IV وسعر العلبه 72 ريال 

وانت تحتاج اربع علب ب 288 ريال 

والطريقه سهله وانا بنفسي مغيره بكيا كادينزا سره من تحت لتفريغ الزيت 

وسره من فوق للتعبئة تحت انتيك فلتر الهواء 

نصيحه : زيت كاسترول يعتبر زيت قديم ونفس الشي زيت بترومين (ديكسرون 3 )

والاثنين من الجيل الثالث وحدهم 30 - 40 الف ويبداء القير ينتع 

وزيت قير كيا من الجيل الرابع ويمشيك 100 الف 

ولو تحسبها رح تلاقي الزيت الاصلي اوفر لك 

الرخيص مخيس خذ العلم ، بترومين اولاً يسبب نتعات بين التغييرات بسيطة ويحترق بسرعة مايمديك ماشي عليه 20,000 الف الا هو بادي يتغير لونه وطالعه ريحة الكلتشات



هذا قير مهب لعب غير حق الوكالة لو ب 1000 هذي وجهة نظري ، لأنك مهب كل يوم بتغيره


تخسر قيرك ولا تصير عندك فضاوة بسيطة بسبت شي رخيص ، والموتر جديد حرام



بالتوفيق

ياخوي زيت المكينه وزيت القير لاتقول وش الارخص قول وش الافضل انصحك ترجع الوكاله وتغيره من عندهم حتئ لو هو ب500 ترا مارح تدفعها الا نادرا يعني بعد 100الف كيلو انشالله

يا خوى إذا فرق بترومين عن الوكاله 200 ريال فقط
أنصحك تغير بالوكاله بدون ما تشاور
حتى تكون ضامن شغلهم وهم أدرى فيه

اصلن زيت بترومين مخيس انا كنت اغيره يوم معي السوناتا الامريكية بحكم الضمان والخربطة قالوا لازم تغير في بترومين ولا قلف


والله مايكمل 16 الف الا هو متغير وريحته مخيسه الله يكرمكم


وفوق كذا تغييرات موتري ماكانت بذيك النعومة احس بالتغييره شوي



واول ماخذيت الاوبريس غيرته عندهم تليقفت وتحسفت ورحت على طول وغيرته ب كاسترول شريته من الوكالة والله انه اطلق منه


بس انت ياصاحب الموضوع لا تغير الا حق الوكالة لأن موتري 2009 وزيتها يختلف الجيل الثالث مدري وش اسمه لكن انت غير ، رح للوكالة احسن لك واضمن لك


تحياتي

بقية الوكالات ب750 و ممكن توصل 1000 ريال
زيت و فلتر و شغل يد
الافضل بالوكالة غيره اذا 550 شاملة كل شي سعر معقول

نصيحه أخي غير بالوكالة ولا أضعف الإيمان اشتر الزيت من الوكالة وشتى راحه راسك

كيف ما يتغير الفلتر لازم يتغير

الأخ mfh2009
سيارات كيا وهيونداي من موديل 2012 وطالع القير ماله فلتر خارجي
له فلتر داخلي يتغير مع التوضيب

mfh2009 

كرتير القير اذا جاك اسفل القير معناته الفلتر يتغير وهذا في اغلب السيارات المتعارف عليه 

اما اذا جاك الكرتير جنب القير يعني بين الرديتر والقير معناته الفلتر مايتغير وهذا في هونداي وكيا 

خذها قاعده 

مهب بس في ٢٠١٢ يا سلطان ٤٠٤٠ خله يسجل عنده 

مواتري كلها الاوبريس ٢٠٠٩ والسوناتا ٢٠٠٦ كلها فلترها في مخ القير اغير زيت بس 

تم تغيره في الوكالة و الحمد لله ... شكرا لجميع الاعضاء على افادتهم تم تقيم ايجابي  لجميع الردود