أضف سؤال أو موضوع جديد          

نصايحكم بخصوص استلام سيارة جديدة

up 2 down 3
أبووووعلي 609
قبل 5 سنه و شهر



السلام عليكم ورحمة الله وبركاته، حياكم الله ياالطيبين وجمعة طيبة على الجميع ان شاء الله
في البداية اقولكم انا الحمدلله بعت سيارتي صني 2001 لواحد في الموقع بعد معاناة معها سنة وعليها
الا انا مؤخر اخر 6 شهور ماكانت تطلب شي كان وضعها يمشي الحال واتعبتني بالفحص الدوري الى ان جا واحد وشراها
امس عن طريق الموقع والله يعطيه خيرها ويكفيه شرها.
المهم يا شباب ان باذن الله بستلم كيا سيراتو 2016 بعد كم يوم وبحكم اني اول مرة اطلع جديد بايش تنصحوني في تمرين السيارة
وافضل زيت للمكينة والقير طبعا بيجيني واحد يقول اقرا الكتلوج لسى السيارة ماجت عشان اقرا الكاتلوج هههههههه
الله يسعدكم ابي معلومات وافية عن السيارة وعن الوكالة ومواعيد الصيانة ........والله يجزاكم بالخير







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يعطيك خيرها ويكفيك شرها ان شاء الله الاخوان يفيدوك
بس عندي ملاحظة بخصوص الزيت ووو كل شي موجود في الكتالوج يعني مثلا لو مكتوب في الكتلوج الزيت خفيف خلاص استمر عليه ولا تغير للثقيل او المتوسط ومواعيد الصيانة الدورية وخلافه وكل حاجة تبغاها يوم ما تستلم السيارة بإمكانك تستعلم من الموظف بالتفصيل الممل ط


up 0 down 0
العمدة 1434 1188
قبل 5 سنه و شهر



الله يبارك فيك وجزاك الله خير


up 0 down 1
أبووووعلي 609
قبل 5 سنه و شهر



اول ماتاخذها تاكد ان الدعاسات موجوده + شنطه السلامه + طفاية الحريق 

لان هالاشياء بعض المرات يسرقونها العمال 

وغير كذا تمرين اول ١٠٠٠ كيلو لا تزر على الموتر ولا تمسك فرامل فجأة
وحاول انك تنوع مره تمسك خط ومره في المدينه ولا تعدى ١٢٠ احتياط يعني 

ولو كان موترك فيه مثبت سرعه انتبه تستخدمه فترة التمرين 

واذا وصل موترك الف راجع الوكاله للفحص وفتح ملف السياره على الضمان 

وراجعهم على ٥٠٠٠ واذا تقدر ١٠ الاف علشان تضمن ان الموتر مافيه عيب مصنعي 

غير كذا سلامتك ومبروك ان شاء الله والله يعطيك من خيره ويكفيك شره


up 2 down 0
salem almutairi 403
قبل 5 سنه و شهر



بو علي بالبركه طال عمرك 

استخدم الموتر استخدام عادي وقيادة متزنة 

اهم شي 

الزيت 5w30 تخليقي SN ويتغير كل 10 آلاف مع الفلتر 
حتى لو الوكاله تقول كل 5 آلاف أرفض. ...


up 0 down 3
مدرس عاطل 5
قبل 5 سنه و شهر



مدرس عاطل ترا الممشى مو مقياس ع عمر الزيت اغلب الناس يمشي بالسياره 5الاف لاكن يخلي السياره شغاله لفترة طويله ويمسك مع الزحمات وقت طويل وكذا يستهلك الزيت 
يعني اذا استخدام كرف غير الزيت ع اقل من 10 الاف حتى لاتروح المكينه عليك 


up 0 down 1
bnd0re 74
قبل 5 سنه و شهر



تاكد من اغراض السياره تفحص بديها ولو على الخفيف وبالنسبه لزيت 
بتلقى الزوجه المناسبه بالكتالوج والله يعطيك خيرها ويكفيك 
شرها وش الصيانات المهمه مثل على كم كيلو يتغير زيت القير
وعلى كم كيلو يتغير سير التيمن اذا كانت مكينتها 2000سي سي


up 1 down 0
خالد ___الرياص 1331
قبل 5 سنه و شهر



لاتقول وش افضل زيت 

السياره وكاله 

والي صنع السياره يعرف وش الزيت الي يناسبها 

وكتوب في الكتالوج. خلك على الزيت الي في الوكاله 

ترتاح من الورشه ومن القيل والقال 

لا انا ولا انت  فاهمين في الزيوت المناسبه 

الي صنع السياره وصى بالزيت المناسب لها 

سلاااااااااااااااااااااااااااام


up 1 down 2
وكلت اامري لله -3
قبل 5 سنه و شهر



اهم شيء تأكد من وجود كفر سبير وعدة التغيير + الدعاسات + الطفاية + عدة السلامة


up 0 down 0
uncamry 22
قبل 5 سنه و شهر