كيا ريو الشكل الجديد نوع البواجي عادي ولا ليزر ؟

روح قطع الغيار اذا سعر البوجي حول 10 ريال فهو عادي واذا حول 45 ريال فهو اريديوم ( ليزر )

رحت قالولي فيه نوعين لازم تفك البواجي وتتأكد .. 

برقم الشاص يبين كل شي في السياره شوف لك محل معتمد افضل لك 

واذا كتيب السياره موجود فهو مذكور في قسم الصيانه اذا 40 او 60 الف فالبواجي عادي 

واذا 100 الف فالبواجي ليزر 

موفق

أخذ رقم الشاص وطلع ليزر قلت متأكد قال متأكد وبعدين قريت في النت وطلع عادي وفي الكتلوج مكتوب يتم تغير الإشتعال 
عند ممشى 60 ألف كيلو .

60 الف معناته بواجي عاديه الليزر تتغير مابين 100 الف الى 160 الف عشان كذا سعر البوجي 45 - 50 ريال 

الريو والاكسنت بواجي دباب يشغلهم وش ليزر ههههه اكيد عادية 

بواجي الريو ٢٠١٣ ليزر وخل عنك الفلسفة ^^^شايف نفسك عشان معك بي ام 

متأكد ياأخوي blakman  . 

لأني اشتريتها انا من شهر تقريبا ليزر من صاحب المحل قطع غيار اخذ رقم الهيكل وقلي ليزر فإذا غيرتها انت ليزر 
يصير ماأغير الآن 
 

بواجي الليزر غالية لكن تعمر
كانت موجودة بالالتيما اللي معي اول
بعتها على ممشى 220 الف
و لا غيرتها من مصنعها ما في تقطيع و لا ضعف
البوجي الواحد بالوكالة ب100 و بالمحلات ب60

نصيحة لا تغير البواجي العادية الى ممشى 100 الف
و الليزر الى ممشى 200 الف

ليزر اشتريتها تقريبن بي65 ريال أصليه

متأكد يأخوي مديل كم اللي عندك ؟؟ كيا ريو 

Blakman : ترا تكتب كذا black man ولعلمك معاي اكسنت ١٣ وبواجيها عادية ونفس ماكينة الريو لذلك لا تتدخل فيما لايعنيك 

وشارك بشي نافع مواضيعك كلها ولا بريال وكلها استهبال ومحذوف انتبه لنفسك 

طيب ادري انها تكتب كذا black man ومعناها الرجال الاسود بس النك حقي مكتوب كذا blakman ومعناه مختلف تماما والشي هذا عارفه انا وماشاء الله عليك رايح اسوي دس لايكات لمواضيعي السابقة سوي الين ماتشبه ما استفدت منها اصلا  وبواجي الكيا ياراعي الموضوع ليزر معي كيا ٢٠١٣ ولا تتغير الا على ١٠٠ الف او اكثر

يا بينز لوفر اخر موضوع نزلت يمكن قبل سنة وزيادة تبي الفايدة شف ردودي  الرجال سالني ورديت عليه وشهو اللي لا تتدخل فيما لايعنيك اذا كان المنتدى لك او الموضوع موضوعك تعال تكلم 

^^ مسوي معك بي ام وذا الكلام الفاضي وش دخلك انت احد جا فيك ؟؟؟ احترم تحترم وانا ما استهزئت المقصد ان الموتر عملي وقطعه رخيصة مامنه خوف  الله يهديك

البواجي طلعت عادية ام 60 ريال , ويعطيكم العافية جميعا .

وهذا رقم البواجي ( SILZKR6B10E )