ارجو المشاركه صدمه تجربه كيا كوريس فل موديل 2014

يمكن السياره مهربده واذرعتها ومساعداتها متكسره

والاهل ماشاءالله يعرفون يميزون بين رساوة السيارات ؟؟؟؟؟؟؟؟؟ 

اذا اغلب الشباب مايعرف يميز فكيف اهلك ؟؟؟ ههههههههههههه 

الاوبتيما فالخطوط رساوتها مقبوله 

والكادينزا امشي عليها 200 وكاني ماشي 120 ولاتلعب ولاشي 

فكيف الكوريس ؟؟؟؟؟؟ 

اجل صفر !!!!! 

حدث العاقل بما يعقل 

ولاتنسى ان الكوريس نظام التعليق فيه هيدروليك يعني رساوه 

يكفيك ان لها كذا وضعيه 

اجل صفر ؟ ههههههههههه 

اضحك الله سنك ^_^

ماجربت الكوريس ولاركبتها
ولكن من تجربة للكادينزا الفل رساوتها جدا مقبولة وأشوف رساوتها أحسن من الأكورد 12
يعني الكوريس منطقيا أرسى من الكادينزا

ياخي بلا كدينزا بلا اوبتيما ليش تروحون بعيد 
ياخي السيراتو ارسى منهم كلهم ههههههههه

سيارات التأجير عندنا اغلبها ملعوب فيها بل ان بعض الناس ممن لايخافون الله يستأجرون سيارات لأخذ القطع الاصلية منها واستبدالها بقطع تجارية رخيصة  ولهذا سيارات التأجير لايمكن ان تكون مقياس للجودة 

انت بنفسك قلتها اجار وموديل 2014 يعني لها سنتين اذا ماكان اكثر


من يد نشيط ليد نشيط ، ويمكن فيها مشكلة احد طامر بها رصيف انعفط كمر جاها أي بلا والمكتب مايدرون ولا انهم دارين بس قاعدين ياجرونها دامها تمشي وماتعاني من مشاكل


لكن مستحيل ان رساوتها صفر يارجل انا معي اوبريس 2009 مره طببت الجهة اليسار في التراب وانا مكتف على سرعة 200 الهوندا اللي جنبي قمط يحسبها بتزحف وطلعت ماشاء الله بالراحة


ف عشانها اجار ، بالتوفيق

بقولك حاجه اخوي ، تعرف ان بعض الوكالات مجرد ماتمشي سيارة التجربة test drive عشرة الاف كيلو يغيرونها والسبب ان استخدام هذه السيارة يعتبر قاسي فشي طبيعي راح تفقد جزء من قوتها فما بالك سيارة ايجار اكيد راح تكون مكروفه اكثر واكثر 

وعليكم السلام ورحمة الله وبركاته 

أعتقد أن المشكلة من السيارة المستأجرة السيارة رائعة 
وأنصحك تطلب Test drive من كيا الجبر وتجرب من جديد ولا تتسرع بالحكم 

وأرجو مراجعة بعض التجارب والإنطباعات وشوف هل هناك تعليق على عدم الثبات 
ابحث عن مواضيع ملاك السيارة أدخل منتدى السيارات الكورية قسم الكوريس واقرأ المواضيع

وهذي بعض التجارب اللي ممكن تفيدك:

حسن كتبي : https://www.youtube.com/watch?v=F0CpVRfgkrA

كريم ديب : https://www.youtube.com/watch?v=c9OzeHt0EfU

موفق 

لا تحكم علي السياره من مكتب ايجار 


كل سيارات مكتب الاجار من تحت معفطه

انا استغرب من الي يستاجر ويمشي طبلون

نص الردود اطفال حتى سيكل ما اعطيه

يعني تمشي ٢٠٠ وتتجاوز كتف يا قوي انت لا ويقول السيارة راسيه يارجال سلكت معاك والا كانك الحين في قبرك 
اتوقع راعي الاكورد يدعي عليك من الحصى والغبار اللي سويته
اي سيارة تتجاوز سرعتها ١٦٠ لا تفكر في الرساوة ابداً 
اغلب الحوادث من اللي يعتقد انه راكب سيارة راسيه وبمواصفات امان عاليه يحسب انه ما بيجيه شيء

اخوي زايد
بالعكس ردور الاخوان راقيه وكلامهم منطقي وانا ذكرت انه السياره ايجار من الاول بس برد على الاخ عبدالعزيز المالكي اللي مدري رده وش يبي بالظبط,,,بس ركز على رأي الاهل واللي كنت اقصده انه ركاب السياره يتمايلون بقوه مع ميلان السياره ,,وشكلك انت اللي من جنبها في تقييم الرساوه الله يصلحك بس,,,وثاني معلومه لك ياذكي زمانك انه للكوريس نظامين هيدروليك وعادي فلا تتفلسف علينا يرحم والديك
,,,اتوقع انه كلام الشباب صحيح قد تكون هناك اشكاليه اما من الهيئه الاماميه او التواير او شي اخر,,,,,,شكرا للردود الراقيه فقط

اضافه بالنسبه للاخوان اللي استغربو كلمه ثبات ورساوه صفر,,,انت تتكلم عن سياره ب ربع مليون وموديل 2014,,,,,لما تتكلم عن مستوى الثبات والرساوه للسياره اللي جربتها والصدمه اللي عايشتها مقارنه بسياره تعتبر فخمه ,,بتعرف سبب كلامي هذا,,,انا ماجربت كامري او سوناتا ,,,,لذلك انا قلت مستوى الثبات والرساوه (على مكانه وحجم السياره بالنسبه لي يعتبر صفر)
,,وانا ماجربت السياره الا لرغبه الشراء ولست متعصبا لاي وكاله للمعلوميه

ابسط شي وزنية الكفرات ماهي مزبوطة اذا فيه اختلاف في البلف 
او اختلاف نقشة الكفر وقساوته او اختلاف عمر احد الكفرات 
رح تاأثر في رساوة السيارة 

midnight_963

ههههههههههه التدقيق لابد منه وانا اخوك وثاني شي لو ماني ذكي ماعقبت وقلت هيدروليك ليييييييه ؟ 

لانك كاتب كيا كوريس فل كامل ^_* 

لان الفل نظام التعليق فيه هيدروليك ولايجي نظام تعليق تقليدي 

هو واحده من الاثنين يان السياره ستاندر ومن المواصفات اللي فيها شفتها فل وهذا شي متوقع من الكوري ههههههههه 

او انك ماتعرف تسوق وتمشي على كلام الركاب اللي معك ( بلاشي من كلمة الاهل *_^ ) 

نظام التعليق فالسياره تقدر تتحكم فيه من قاسي الى لين وهذا شي انت ماتدري عنه ^_^ 

عموما ماودي اتفلسف خاصه وانك متمسك برايك حتى وان كان غلط وهذي حريتك 

بالنسبه للاخوان اللي معطيني ديس لايك احب اقول لكم مهما كان مستواكم كما تروني اراكم < فلسفه هههههههه 

عزيزي يمكن السياره مو فل 

لان الكوريس حتى ستاندرها راح تحسبه فل 

الفل هيدروليك رساوته خرافيه 

والستاندر جنبينات الكترونيه اعتقد او كهربائيه 

انا معاي كادينزا واشوف ان ثباتها بطل 

وجربت سيراتو وكان ثباتها ممتاز بالنسبه لحجمها 

كان شي غير متوقع ابداً 

فما بالك الكوريس 

نصيحتي لك تجرب من الجبر نفسه اذا صامل على السياره 

مع اني افضل انك تبعد عن الجبر الغثيث وتاخذ جنسيس 

ارغب وشعبيتها اكبر وشكلها شبابي اكثر

و  (ارخص)

ممكن السياره يبيلها تربيط  او اذرعتها منتهيه

الاخوان احمد و عزيز وابو جبل ,,,يعطيكم الف عافيه ,,,السياره اللي جربتها فل (تحديد مسار , هيدروليك , شاشات خلفيه,,,هيد اب ديبلاي,,ليتات الف السداسيه,,,) فل يالربع ,,,قد يكون فعلا السياره غير مصانه او تحتاج الى تشييك للمساعدات او الهيئه الاماميه,,,شكرا على ردودكم الراقيه,,,

عفوا اقصد هيد اب ديسبلاي وليتات الفل السداسيه,,,