تجربتي الشخصيه مع الاوبتيما GT2016
33
27
إضغط هنا للإخفاء
السلام عليكم ورحمة الله وبركاته
أعضاء وزوار موقع حراج
كل عام وانتو بالف صحه وعافيه
اللهم بلغنا رمضان لا فاقدين ولا مفقودين
موضوع اليوم تقرير مفصل عن التحفه الراءعه الاوبتيما التوربو 2016
إبداء اولا بسم الله وساقوم بسرد مواصفات السياره
اولا:
المحرك 2.0 GDi . . حصان 250
ناقل حركه 6 سرعات اوتماتيكي تبترونك
المواصفات الداخليه :
الدخول وتشغيل المحرك ببصمه
مقاعد جلد كهربائية بالامام مدفءه ومبرده
ستاىءر خلفيه جانبيه
نظام صوتي من هارمن كاردن نفس الموجود في المرسيدس
شفترز خلف الدركسون للتعشيق
سقف بانوراما
أنوار ليد داخليه
شاشة ملاحه مع أوامر صوتيه وكاميرا خلفيه
شاحن وايرلاس لاسلكي
تصفيط مرايا
مرايا داخليه ذاتية التعتيم
ذاكرة مقاعد
قزاز أوتو بلمسة واحده في الإمام
فتحات مكيف خلفي
بلوتوث وهارديسك لتخزين الصوتيات
نجي لمواصفات السلامه:
ايرباجات اماميه وجانبيه ستاءريه
خاصية التنبيه من الخروج من الخط
خاصية الكشف عن المناطق العمياء
أنظمة انزلاق abs وتركشن كنترول ومساعد المكابح للطوارئ
مثبت سرعه ذكيه (رادار)
بريك إلكتروني واتو هولد
أنوار زينون Hd عالية الكثافة عالي واطي متكيفه مع الطريق
نظام التنبيه خلف السياره عند مرور المشاه اوالسيارات
حساسات في الامام والخلف
المواصفات الخارجيه:
أنوار ليد في الامام والخلف مع اسطب ضباب خلفي طبعا يستخدم
في الأجواء السيئه الممطرة أو الأتربة
جنوط 18 مع كليبرات حمراء تعطي منظر رياضي
مع دفيوزر في الخلف ومخرجين للعادم
راح اطرح إيجابيات وسلبيات السياره واقيمها من 10/10
من خلال تجربتي لمدة 3شهور راح اتكلم عن بعض النقاط
الراحه اولا:
السياره في الخطوط الطويله مريحه ومقاعدها مهواه ولينه
يرجع لمقاس الجنط الي اشوفه مناسب مابين الرياضي والعادي مقاس 18 ارتفاع الكفر 45 مناسب جدا ماقدر اقول قاسيي بمعنى قاسي.
لكن يعتبر مقبول جدا ومريح في الخطوط السريعه وعلى الحفر
وراح أقيم الراحه واعطيها 10/8
العزم والقوه :
هنا ميزة السياره هذي مشاءالله 2.0 توربو 250 حصان
صراحه اول مره اجرب سياره توربو واعجبني كثير
ميزته السياره تستجيب لأقل دعسه للبنزين وتتسارع بسلاسه
تسارعها قوي خصوصا إذا كان
الجو بارد التوربو يلعلع مشاءالله ويعطيك عزم رائع
في درجات الحراره المرتفعة زي الآن تحس عزم السياره يضعف شي بسيط طبيعي لأن التوربو الفايده القصوى منه تكون من الهواء البارد وإذا كان الجو حار
تقل كفاءته بسبب الهواء الحار الي يدخل للمكينه ويفقدها جزء من الاحصنه السياره قيستها مع سيارات 4سليندر مافي مقارنه نهائيا اختفي عنهه أعلى سرعه
وصلت فيها 251كلم
وراح يكون تقيمي للعزم والقوه 9/10
نجي للعزل الصوتي وهذي نقطه تهم الكثير
السياره حسب ماتقول الشركه انها زادة في عزل السياره وايضا صلابة الهيكل 51%
العزل ممتاز جربتها إلى 200كلم مافي صوت هواء يضرب بالشبابيك اوتنسيم العزل الأرضي ممتاز جدا مع الطرق الخشنه الصوت غير مرتفع
وفي الطرق السريعه مافي اي صوت
مقارنة بالمازاد الي قبلها 2014 تسمع صوت ضرب الهواء وتنسيم في قزاز السواق واضح
اشوفها أفضل سياره اسيويه جربتها من ناحية العزل هذا راءي الشخصي
وأفضل من مثيلاتها الكوريه
وراح أعطي العزل حتى أكون منصف 8/10
السياره بشكل عام تحفه مشاءالله الي شدني لها واغراني كمية المواصفات الي فيها والتربو وعلى سعر100الف اشوفه منافس والبعض يعتبرها غاليه شوي
من ناحية الداخليه انيقه ومرتبه وجودة المواد الداخليه عاليه مطفيه
مافيها لمعه تعطي منظر فخم
السلبيه الوحيده الي اشوفها في السياره الرساوه رغم أنها توصل 250كلم بالراحه تمنيت انها أرسى شوي في الخط
السياره وزنها أخف من السوناتا على السرعات العاليه في الخطوط المستقيمه مستقره لكن تحس انها خفيفه
اما باقي الأمور زي التكييف ماحسيته يقل عن السيارات اليابانيه مشاءالله
والنقطة هذي تكلم فيها الاستاذ حسن كتبي قال تكييف السياره هذي
مختلف عن باقي السيارات الكوريه وانااؤيده بالفعل
مع ملاحظه بسيطه تحس الدركسون سنه ثقيل في الوقوف والسرعات المتوسطه
موضوع الرساوه راح اشوفله حل طلبت قطع تعديل من ظمنها اسبرنجات
أوطى بكم انش وراح اغير الكفرات بريجستون تورانزا رياضي وأعرض الكفرات إلى 235 أن شاءالله ثبتها راح يتحسن
الموضوع الي بعده ان شاءالله اقوى طلبت قطع تعديل من امريكا كت باك وانتيك
وchip معالج يوزن كمية الهواء والبنزين وراح ترتفع الاحصنه إلى 70 حصان
أن شاءالله
وبالاخير اتمنى انو الموضوع عجبكم
وكل عام وانتو بخير ..ورمضان كريم
ولاتنسونى من اللايكات
المعذره على بعض الأخطاء الإملائية غير مقصوده بس مشكله النوت 5
يطلع أكثر من كلمه في الدليل وأحيانا الكلمه الصحيحه غير موجوده
ملاحظه اخيره إذا أعجبتك السياره ارجو ذكر الله
مشاءالله تبارك الله
إبلاغ
الردود
0
0
قبل 7 سنه و 9 شهر