أضف سؤال أو موضوع جديد          

مبيعات كيا ماشية رغم ان الوكيل سيء . توضيح بسيط

up 21 down 14
mr.tahoe 1190
قبل 5 سنه و 5 شهر



,

السلام عليكم

وكيل كيا حاليا تفوق بالسوء على المتحدة .
رغم ان سياراته منتشرة اكثر منهم وبكل الفئات .

محقق مبيعات عن طريق حاجات بسيطة :

1/ المقيمين المصريين يشترون كيا كثير اكثر من هيونداي حتى
لانها مرغوبة بمصر , وهنا يستخدمونها 3 سنوات وبعدها يشحنها لمصر
يكون ماعليها ضرايب , ويستخدمها هناك او يبيعها بسعر ممتاز

لان السيارات عندهم اغلى مننا لان عليها ضرائب
من اول اسمع ان الي معه النترا مثلا بمصر يعتبر ولد نعمة
كنت احسب لان فيه ناس فقراء بعدين فهمت انه بسبب الضرائب
الاسعار اغلى مننا وهو السبب الرئيسي

طبعا هذي نقطة شرحلي اياها احد الاخوان المصريين

2/ الشيء الثاني الي مخلي الوكيل ناجح , هو نظام التقسيط
وتعاقده مع البنوك , يعطيهم السيارة بسعر رخيص مما يجذب البنك
يعني السيارة الي بتاخذها انت بـ70 ومع الاقساط بتدفع للبنك 100
الجبر ما يعطيها البنك بـ70 , يعطيه بتخفيض بسيط اقل

ويجذب البنك , والدليل عرض البنك الاهلي الجديد الخاص بسيارات كيا فقط
عرض بنسبة فائدة قليلة جدا

3/ المبادرات الاجتماعية الي يسوونها وخاصة بمواقع التواصل الاجتماعي
مثل مسابقات تويتر , والحركات الي يسوونها امام المولات بتجارب القيادة

كل هذي تغري الناس وتخليهم يعتقدون ان الوكيل ممتاز وللاسف ينخدعون
انا ماراح اقول تجربتي معهم , النت يعج بمواضيع كثيرة لناس تعاملوا معهم
ولا يغريكم بعض المدافعين الي يمدح , تلقونه ماعمره قد مرهم من يوم
ما شرا السيارة وما فرقت معه

======

بس خلني اقولكم شيء بسيط بس :
اكبر دليل ان الوكيل فاشل هو السيارات المرمية على الدائري الجنوبي
بالرياض امام المركز حقه بوسط الشموس والغبار + ان الورشة بدون ارقام
انتظار

يعني بكل بساطة جاي تصلح خطا مصنعي ولا استدعاء
فجاة يدخل واحد مقيم اجنبي لانه يقربله قبلك , ويصلح مشكلته
رغم ان مشكلته سوء استخدام وانت يا الي خطا مصنعي يبهذلك

=======

توضيح :

يا من ازعجتونا واقرفتونا وتحسسونا انكم تمتلكون نسبة بشركة الوكيل
ترى مو كل قطع هيونداي وكيا نفس الشيء

فـ بلاش كل شوي واحد طالع لنا يقول اشتر القطع من هيونداي
دينمو الدرايش وحساس القير وقطع اخرى اختلفت بسيارتي عن هيونداي

الشركة ماعليها كلام ومو سيئة والدليل الوكيل بالكويت
مواصفات جبارة افضل منننا بمراحل وبسعر معقول
والدليل الكادينزا الجيل السابق
======

الخلاصة , لو الواحد اشترى فولفو او سوبارو او سوزوكي
وتبهذل مع الوكيل , ممكن يقول انا استاهل لاني شريت سيارة مو منتشرة
لكن واحد سياراته منتشرة ومع ذلك يبهذل الناس

راح تجي ردود مستفزة او تدافع عن الوكيل لكن هذي سنة الحياة
الي يوضح للناس ويعلمهم عشان مايصيرلهم نفس الي صارله
راح يحصل ناس تقف ضده .

انتهى .









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


صااادق والله صاادق الوكيل زباله بمعنى الكلمه وقطعهم اغلى من هيونداي وفروع صيانتهم قليله مو مثل هيونداي


up 3 down 1
abo hamad99 11
قبل 5 سنه و 5 شهر



الاجنبي وش مسوي معاك لا تنفجر على شوي يااخوي


up 0 down 2
قصي الخطيب13 -2
قبل 5 سنه و 5 شهر