تجربتي للكيا سورينتو 2016
16
7
إضغط هنا للإخفاء
السلام عليكم ورحمة الله وبركاتة
اخواني مساكم الله بالرضاء والعافيه
اليوم بحكي لكم تجرتبي للكيا سورينتو 2016 بعد شهر ونص من شرائها
هاذي مواصفات الموتر
2400 سي سي
4 سلندر
مكيف هواء امامي وخلفي
ناقل سرعات اتوماتيك
جنوط 17
كشافات ضباب
ABS
حساسات خلفيه
تحكم بالدريكسيون
ريموت كنترول
قفل مركزي
راديو
سي دي
مشغل MP3
بلوتوث
7 راكب
بدون دبل
طبعا اخواني نزلت موضوع عنها قبل شرائها هنا في المنتدى وكان اغلب الناس يقول خذ 6 سلندر
طبعا الموتر بدون دبل وانا عندي قناعه اللي يبي بر ياخذ باترول قديم او شروكي قديم ويفل امها
العزم مو زي الفورشنر ثقيل او البرادو اللي يجي اربعه سلندر الحمدالله الكيا حليل جدا عزمه
طبعا قبل اخذه اكثر الناس نصحوني بالسنتافي ولكن نفس القطع من تحت تماما من مساعدات فحمات
كراسي مكينه حتى نفس التصميم داخل الكبوت والترتيب سوا كان اربعه او سته
طبعا بكل امانه بالعزل لكم عليهم يعني لحدود160 ممتاز جدا عزل الارضيه وسط بصراحه
كمان حتى القزاز عادي جدا يعني اصوات الشارع كانك فاتح القزاز
النور الحمدالله ممتاز والمكيف ماشاء الله طيب والعزم حلو للشخص اللي يبيه استعمال يومي وحتى سفريات طيب
المراتب الخلفيه تتصفط مثل الاكسبلور المساحه الداخليه ممتاز بالوسط لشخص كبير والصف الثالث يادوب صغارين
فيه مكيف للصف الثالث وهاذي ميزه حلوه وكمان مكان الاكواب ماشاء الله بكل مكان ومداخل الشحن موجوده
قدام والصف الثاني فيه ميزه حلوه لو دقيت اشاره يمين او يسار يشتغل معك الكاشف مثلا لو لفيت يمين يشتغل
الكشاف اليمين ولو يسار الكشاف اليسار يشتغل ولون الداخليه حلو مفاتيح المكيف والمسجل كلها بالاحمر والطبلون
ابيض ليزر شكله حلو ويعطيك شعور بالفخامه اللمبات قدام لد مثل الرمش صرفيه البنزين ممتازه لكل 100 كيلو
ياخذ12.5 لتر حجم التانكي 60 لتر اعبيه فل ب 51 اذا كان فاضي اعبيه اخضر 91
اخذته من الجبر لقيت عندهم عليه عرض والحمدالله بسعر 69 الف ريال من غير اللوحه والتامين
طبعا صيانه الجبر الاشاعات اللي عليهم للاسف صحيحه انا اتكلم عن الصيانه اللي في مدينه بريده
ياناس الصيانه من جوه بدون مبالغه تقل بنشر مافيه الا رافعه وحده والحين اغير زيت خارج الوكاله
والحافظ الله بالنهايه الحمدالله مرتاح للموتر وسعر ممتاز ويازين الجديد طبعا كنت ادور اكسبلور مستعمل
ولكن لفيت وغاليات واكيد حتى لو نظيف تحتاج شويه صيانه وعلى فكره اللي يقول السوق طايح ياجماعه
يمكن في الجديد 5 الف لكن المستعمل اللي في المعارض مرفعين في سعره انا قبل اشتري الكيا كان عندي
اكسبلور 2010 وبعته بعد اسخدام 5 سنوات بعته ب 25 الف البيع طايح والشراء غالي
والله يوفق الجميع
إبلاغ
الردود
3
1
3
2
4
5
3
1
تقرير جميل
3
1
2
1
يعطيك خيرها ويكفيك شرها
1
1
المكيف نبي تفاصيل اكثر هل هو طيب او اذا وقفت يحتر لانه هو اهم شي في السيارة
1
1
0
1
0
0
مستخدمها للسواق مع الأهل وميزة السيارة ااقتصادية وافضل من الأنوفا
بالتوفيق
1
5
مافيه مشكله وانت واقف يفصل والمراتب بكل صراحه موب زي الاكسبلور احسن ان الاكسبلور اللي كان معي اريح
1
0
و زي اللوزه ماشاءالله تبارك الله
عيبه كفرات نيكسن سيئة عمرها سنه وبعدها تشوفها كان لها 5 سنين
4
0
0
0
جنط18 ومواصفاته وعزله ممتاز جدا اول 800 كيلو داخل مدينة
عقبها جلدته على خط الجنوب امشي 230 صلاتي ع النبي
رساوه ممتازه ودفع رباعي مستمر
وكل اموره توب التوب ماشاءالله
ليتك كملتها عال6 سلندر كان تطير وتتمسك فيه
قبل 8 سنه و شهر