أضف سؤال أو موضوع جديد          

مشكلتي مع الفرامل والمطبات وغيرها .

up 0 down 1
سبحان الله .... . 38
قبل 2 سنه و شهر



السلام عليكم ورحمة الله وبركاته ،




اسعد الله صباحكم/مسائكم بكل خير .




محاكيكم معه كادينزا 2011 وعندي كم مشكلة ان شاء الله القى لها حل ،
وانا بروح للصناعيه ولكن حبيت اخذ فكرة عن المشكلتين عشان لا ينلعب علي .




اولاً الفرامل ، احياناً الدواسة تعلق بحيث ادعس بنزين وما تستجيب معي لان الفرامل عالقة ، فبعد ما ادوس فرامل وافكها يرجع الوضع طبيعي ،
وكذلك احيانا بعد ما اطفي السيارة القى الاسطبين اللي ورا شغاله بسبب الفرامل .




المشكلة الثانية السيارة دائماً تحك مع المطبات او اي شيء مرتفع شوي على الرغم اني لحالي ووزني ما يتعدى 70 فكيف لو كان معي عدد بالسيارة ، فمدري وش الحل بالضبط ،
حسب ما سمعت من المساعدات فهل لها علاقة ؟ مليت وانا اعرض الموتر على المطب واحيان الحكه فيني فيني :/




خويي مع اوبتيما 17 وكنا 6 وواحد معنا دب ومع ذلك ما حكت الا مرتين فقط وحتى الصوت بسيييط جداً ، الحكة اللي تواجهني وانا لحالي صوتها قوي شوي .




المشكلة الثالثة طقة خفيفة بالقير بعد ايقاف السيارة ووضعها على الp ،
طريقتي ادوس فرامل ثم احطها على الn ثم ادوس البريك ثم احطها p وبرضو فيه طقة بالقير ، فـ وش الطريقة الصحيحة ؟




المشكلة الاخيرة الانوار الامامية اذا شغلتها بالليل تطفي وتشتغل "تكبس" لحالها ، وترجع طبيعية اذا طفيت النور وشغلته ،




هذي هي المشاكل اللي تواجهني وما استغني عن خبراتكم .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اولن الفرامل مايستهان فيه لزم تصلحه يمكن من دواسه تحتاج اصلاح او تغير

بنسبه لنزل السياره تاكد من المساعدات ويايات يمكن تالفه ومع ذالك السياره تنزل

بنسبه للانوار ترمش تاكد من الاسلاك وتاكد من بطاريه واصابع البطاريه وتاكد من الشمعات نص عمرها محترقه وما الى ذالك

طقه القير مايطق الى اذا جيت نزله خفيفه او قويه المفروض تضغط فرامل ثم تحطها على N ثم تمسك جلنط اخر شي قم تعشقها على ال P علشان السياره ماتتكي على القير


up 0 down 0
سكودر 14890
قبل 2 سنه و شهر



الفرامل مشكلته من حساس الفرامل يحتاج تنظيف


up 0 down 0
سلطان4040 1256
قبل 2 سنه و شهر



الفرامل مشكلته اتوقع من السسته صار ضعيف تجي سسته تخلي الفرامل يرجع ورا شكله رايحه شيك عليها


up 1 down 0
fowad 127
قبل 2 سنه و شهر



يعطيكم العافية جميع .

اخوي سكودر بخصوص طقه القير ، هل اسوي كل اللي قلته وانا داعس فرامل مرة وحدة من البداية ؟




up 0 down 0
سبحان الله .... . 38
قبل 2 سنه و شهر



شف انت الحين ماشي بسياره وجيت البيت تبي توقف السياره اذا الارض عند بيتكم مستويه عادي اضغط فرامل لزم تضغط فرامل علشان تعشق القير وتحطه على ال بي

طبعن اذا بيتكم او وقفت اي مكان فيه نزله لو نزله بسيطه سوي الخطوه هذي وقف السياره وخلك ضاغط على الفرامل وحط القير على ال ان الفاضي وبعدها طبعن الفرامل خلك ضاغط عليه واضغط الجلنط اخر شي وبعدها عشق القير على ال بي وبعدها فك رجلك على الفرامل وطفي السياره


up 0 down 0
سكودر 14890
قبل 2 سنه و شهر



هذا اللي اسويه ، وحتى لو وقفت بمكان مستوي الطقة تكون موجودة .

وبخصوص كلامك فيه ناس نفسك بالضبط ولكن يقولون بعد ما تضغط البريك تفك رجلك من الفرامل وتضغط مرة ثانية وتحط p !


up 0 down 0
سبحان الله .... . 38
قبل 2 سنه و شهر



نعم كلامهم صحيح
تضغط فرامل وتنقل القير على N وتشد البريك ثم ترفع رجلك عن الفرامل عشان تثبت السيارة على البريك ثم ترجع تضغط فرامل وتنقل القير من N الى P


up 0 down 0
سلطان4040 1256
قبل 2 سنه و شهر



ما ازيد على كلام الشباب بس شكلو البريك يحتاج شد 


up 0 down 0
zax_makkah 120
قبل 2 سنه و شهر